Margate, KwaZulu-Natal

Margate
Dorp
Margate se hoofstrand
Margate  Margate se ligging in KwaZulu-Natal
Koördinate: 30°51′00″S 30°22′00″O / 30.85000°S 30.36667°O / -30.85000; 30.36667
Land	Suid-Afrika
Provinsie	KwaZulu-Natal
Distrik	Ugu
Munisipaliteit	Ray Nkonyeni
Stigting	1908
Oppervlak [1]
• Totaal	29,21 km2 (11,28 vk. myl)
Bevolking  (2011)[1]
• Totaal	26 785
• Digtheid	917/km2 (2 380/vk. myl)
Rasverdeling (2011) [1]
• Wit mense	46.9%
• Indiërs/Asiërs	3.1%
• Bruin mense	2.2%
• Swart mense	47.3%
• Ander	0.6%
Taal (2011) [1]
• Engels	35.8%
• Xhosa	22.5%
• Afrikaans	19.8%
• Zoeloe	18.4%
• Ander	3.5%
Poskode (strate)	4275
Poskode (posbusse)	4275
Skakelkode	039

Margate is 'n kusvakansiedorp aan die KwaZulu-Natalse Suidkus, ongeveer 20 km suid-suidwes van Port Shepstone geleë. Die rivier wat in die see vloei by Margate is bekend as die "Nkongweni"-rivier (plek van onthaal) omdat daar berig word dat die oorspronklike inwoners baie wreed was met reisigers, en dat die reisigers hulle moes smeek vir gasvryheid.

In 1908, het Henry Richardson, 'n Engelse stadsbeplanner die dorp uitgelê en dit Margate, Kent genoem, na 'n ander kusvakansiedorp aan die noordkus van Kent, in die Verenigde Koninkryk. In 1941 is die nedersetting tot dorpsgebied verklaar en munisipale status het in 1947 gevolg. Die Margate-lughawe is in 1973 sowat 4 km vanaf die dorp geopen.

Margate beskik oor pragtige strande vir onder andere swem, branderplankry, en snorkel. Daar is ook baie woonstelle wat akkommodasie bied aan inwoners en besoekers. Margate word gekomplimenteer deur 'n afgeslote straat vir inkopies en talle restaurante, kroeë en nagklubs, wat dit 'n gesogte plek onder Suid-Afrikaners en buitelandse besoekers maak; dié spandeer graag hulle vakansies hier.

Die dorp is op sy besigste gedurende skoolvakansies en op openbare vakansiedae wanneer binnelanders na die kus reis. Kersfees en Paasfees is veral besige tye, met Margate se hoofstraat gewoonlik erg beset deur die vakansieverkeer. Margatestrand is as 'n Blouvlagstrand gesertifiseer.

Margate het die wêreld se hoofnuus gehaal in 1922 (alhoewel hierdie datum betwis word, en sommige meen dit is 1924) toe 'n enorme, wit, wollerige kreatuur (gedoop as "Trunko" as gevolg van die groot olifantagtige slurp wat dit gehad het) op die strand uitgespoel het. Ongelukkig was die "Margate–monster" te ver ontbind om dit ordentlik te kon identifiseer.

• Lys van dorpe in Suid-Afrika

	Oribi Gorge-natuurreservaat	Durban 153 km Scottburgh 86 km Hibberdene 44 km Port Shepstone 21 km Shelly Beach 10 km Uvongo 6 km	Richardsbaai 340 km Indiese Oseaan
	Gamalakhe 4 km		Indiese Oseaan
		Margate
	Kokstad 114 km, Harding 63 km	Ramsgate 2 km Port Edward 26 km	Indiese Oseaan

^[1]

1. ↑ SA Explorer Margate afstande