Vikipediya:Administratorlar forumi

Administratorlar forumiga xush kelibsiz!
Qisqartma VP:AF Bu sahifa administratorlarga oid masalalarni muhokama qilish uchun moʻljallangan.
Yangi munozarani boshlash uchun bu yerni bosing

SIisj yaratgan maqolalarni oʻchirish

Quyidagi munozara yopiq. Iltimos, bu yerga oʻzgartirishlar kiritmang.

SIisj tomonidan yaratilgan 100lab maqolalardan koʻpchiligi mutlaqo ensiklopedik ahamiyatga ega emas deb oʻylayman. Shuningdek, maqolalarni yaratish uchun manba sifatida koʻrsatilgan Oʻzbekistonning taniqli olimlari ensiklopediyasi ham qanaqadir tijoriy maqsadda yozilgan kitobga oʻxshaydi. Shuningdek, ushbu foydalanuvchining foydalanuvchi sahifasida ham oʻziga xos hisobot tarzidagi jadval mavjud. Aniq ishonchim komil boʻlmasa-da, ushbu foydalanuvchi ensiklopedik ahamiyatga ega boʻlmagan qator maqolalarni maʼlum haq evaziga kiritadi, degan gumondaman. Qolaversa, tijoriy maqsadlarda maqolalarni chop qilish bilan shugʻullanadigan bir telegram kanalda ushbu foydalanuvchining ishlari reklama qilingani ham shubha oshishi uchun asos boʻlmoqda. Ushbu reklama orqali ham kanal oʻz aʼzolari oldida ishonchliroq koʻrinishga harakat qilgan. Laziz Baxtiyorov (munozara) 06:15, 25-Dekabr 2023 (UTC)

Bu yerda ovoz berish shart emas, chunki ovoz beriladigan narsa emas bu. SIisj yaratgan har bir maqolani yaqindan tekshirib chiqish zarur. Birdaniga oʻchirish variant emas, chunki „Oʻzbekistonning taniqli olimlari ensiklopediyasi“ erkin litsenziya bilan yoyinlanibdi. (Bu maqolaning oʻzi ham EAga ega yoki yoʻqligi koʻrib chiqilishi kerak.)

Mazkur ensiklopediya nufuzli manba boʻla olmaydi, chunki podzemkada buyurtmaga qilib berishadigan referatdek yozilgan kitob ekan. Sahifalari Microsoft Wordda bezatilgan va maktab oʻquvchisi ishiga oʻxshaydi. „Science and Innovation“ MChJ nufuzli tashkilot yoki nashriyot emas. Qizigʻi, kitobda „Ensiklopediyada chop etilgan olimlar biografiyalari taniqliolimlar.uz platformasida va wikipedia.org onlayn ochiq ensiklopediyasida ham joylashtirilgan“, deb yozilibdi. Kiritilgani mayliku-ya, oʻchirilishi mumkinligi haqida yozishmabdi-da. Asarga kiritilgan shaxslar buyurtma asosida kiritilgan boʻlishi ham ehtimoldan xoli emas.

Shuning uchun SIisj yaratgan har bir maqolani koʻrib chiqib, VP:OLIMLAR mezonlariga javob bermaydiganlarinii oʻchirishga nomzod qilib koʻrsatish kerak. Har birini individual tarzda koʻrib chiqib, oʻchirish yoki olib qolish toʻgʻrisida xulosa chiqaramiz. Nataev ^munozara 14:44, 25-Dekabr 2023 (UTC)

Izohlar

Roziman. Biroq, uning hissasini birma bir tekshirib chiqmoq kerak. Chunki, orada bir qancha rektorlar haqida ham yozib ketganiga guvoh boʻlganman. Ammo, juda koʻp maqolalarini unvonini sotib olgan yoki Ilmiy ishimni kimgadir qildiradigan odamlar haqida. Salazarov 06:40, 25-Dekabr 2023 (UTC)
Roziman – yuqorida aytilgan fikrlarda jon bor. koʻplab maqolasini oʻchirilishi tayin. Oz sonli EAga ega maqolasini tahrirlab olib qolish kerak. Alpasli (munozara) 08:32, 25-Dekabr 2023 (UTC)
Roziman – Yuqorida ikki foydalanuvchi bildirgan fikrlarga qoʻshilaman. Umarxon III (munozara) 09:40, 25-Dekabr 2023 (UTC).
Roziman. Yuqorida aytib oʻtilgan Salazarovning fikrlariga toʻliq qoʻshilaman. SIisj kimligini bilmadimku-ya, ammo ancha tajribali vikipediyachi ekanligi maqolalarining chiroyli rasmiylashtirilganligidan bilinib turibdi. Uning ayrim hissalari taxsinga sazovor, ammo tijoriy maqsadda, copy-paste shaklda yozilgan va ensiklopedik ahamiyatga ega boʻlmagan maqolalarini oʻchirish tarafdoriman. PanPanChik ^#yozish 10:57, 25-Dekabr 2023 (UTC)

Xulosa

Yuqorida yozganimdek, bu ovoz berib hal qilinadigan narsa emas. Xulosa shuki, SIisj yaratgan barcha maqola birdaniga oʻchirilmaydi, balki har biri alohida VP:OLIMLAR boʻyicha koʻrib chiqiladi. Laziz Baxtiyorov, masalani koʻtarib chiqqan shaxs oʻlaroq sizni tegishli maqolalarni elaklashda faol qatnashishga chorlayman. Nataev ^munozara 16:19, 15-Iyul 2024 (UTC)

Ushbu munozara yopiq. Iltimos, bu yerga oʻzgartirishlar kiritmang.

Administrator statusini berish

Administrator statusini berish uchun 2019-yilda faol foydalanuvchilar kamsonli ekanligi sababli yengillik kiritilgan. WikiStipendiya loyihasi natijasida aktiv foydalanuvchilar soni bir necha barobarga koʻpaygani bois oʻzbekcha Vikipediyaga administratorni saylash jarayonini tubdan qayta koʻrib chiqish kerak boʻlyapti. Administratorlikka nomzodga qoʻyilgan talablarni hechboʻlmaganda faol foydalanuvchilari oʻzbekcha Vikipediyaga mos darajaga teng yoki yuqori Vikipediya loyihalari darajasiga chiqmagunicha vaqtinchalik (masalan, 2 oyga) toʻxtatib turishni taklif etaman. Administratorlarni yangi talablarni ishlab chiqishda faol boʻlishlariga chorlab qolaman. Kimda qanaqa foydali takliflar bor? — Kagansky ^munozara 22:10, 7-Aprel 2024 (UTC)

Xayrli kun Vikipediyachilar. Men ruscha va nemischa Vikipediyalarida boʻlgani kabi, saylovchilar soni boʻyicha qoida talabini kiritishni taklif qilaman. Masalan, ruschada bu 30 foydalanuvchi, nemischada esa 50, biz ham xuddi shunday qilishimiz yoki bu raqamni biroz kamaytirishimiz mumkin/ Artemev Nikolay (munozara) 04:04, 16-Aprel 2024 (UTC)

Administratorlikka nomzodni tanlashda ovoz beruvchilarning hissalariga ham alohida eʼtibor berilishi haqida qoidalarda kiritib oʻtish tarafdoriman. Hozir biz butun Oʻzbekiston boʻylab turli vikiklublar, talabalar vikijamoalari shakllanayotganini kuzatyapmiz. Shu guruhlar orasidan adminlikka noloyiqroq kimdir soʻrov qoʻysa, guruh aʼzolari yollanma armiyadek rozi ovoz berib tashlashini cheklash, hayotiy manfaatlar (tanish-bilishchilik) Vikipediyaga koʻchib oʻtishining oldini olish zarur. Bunda administratorlikni qoʻlga kiritish uchun ovoz berganlar orasida kamida 10 nafar joriy administrator, kamida 3 nafar joriy rasmiyatchi va kamida 5 nafar joriy xulosa chiqaruvchilarning rozi ovozlari boʻlishi kerakligini rasmiylashtirish kerak deb oʻylayman. Jamshid Nurqul (munozara) 13:55, 16-Aprel 2024 (UTC)

Yuqoridagi fikrlarga qoʻshilaman. Ayni damda davom etayotgan soʻrvni odatdagidek yopib, kelgusida talablarni yuqoridagi takliflar asosida qatʼiylashtirish tarafdoriman. Ayni damda bizda admin huquqiga ega foydalanuvchilar soni boshqa jamoalardagidan bir necha barobarga yuqori. Masalan, mart oyida trwikida 551 ming tahrir qilinibdi. Ulardagi adminlar soni 20 nafar. Bizda esa atigi 87 ming tahrir qilingan, ammo amaldagi adminlar soni 15 nafar. Va hokazo. Nataev ^munozara 22:23, 22-Aprel 2024 (UTC)

Fikrlar

Salom. Mana bu tahrirdagi fikrlarga (uzwikida faol foydalanuvchilar va tahrirlar sonining kamligi, adminlar sonining koʻpligi) qoʻshilaman. Hozircha 15ta administrator yetarli deb hisoblayman. Menimcha, hali bunday qoida rasman mavjud boʻlmasa-da, birorta maqolani statusga (tanlangan maqola, tanlangan roʻyxat, yaxshi maqola, xushsifat maqola) olib chiqmagan foydalanuvchining administrator boʻlishi (bu statusda qolishi) ham mumkin emas. Oddiy foydalanuvchi boʻlib ham, namunali tahrirlar qilayotgan tahrirchilarimiz talaygina. Diwikiped, Muzaffar Murodovich, Boboyev1996, Hasan Alimov AnvarxonM shular qatoridan. Umarxon III (munozara) 06:04, 11-Aprel 2024 (UTC).

Xulosa

Administrator huquqini olish uchun qoʻyiladigan talablarni yuqorida fikr bildirgan foydalanuvchilar bir ovozdan qoʻlladi. Xulosa shuki, yuqoridagi takliflar asosida VP:Forum/Takliflar sahifasida VP:Administratorlikka soʻrovlar sahifasining yangi versiyasini muhokamaga qoʻyish kerak. Yangi mezonlar ishlab chiqishda boshqa tillardagi vikigilarga linklar keltirilsa, yaxshi boʻlardi. Nataev ^munozara 16:28, 15-Iyul 2024 (UTC)

Vandalism

Quyidagi munozara yopiq. Iltimos, bu yerga oʻzgartirishlar kiritmang.

Please protect the following two pages from IP for at least one year:

Yahya (munozara) 11:36, 17-Aprel 2024 (UTC)

Hey! The attacks seem to have stopped, so I see no reason for protection. However, I'll try to keep an eye on these two entries. Nataev ^munozara 22:28, 22-Aprel 2024 (UTC)

Ushbu munozara yopiq. Iltimos, bu yerga oʻzgartirishlar kiritmang.

Yangi foydalanuvchilarni Vikipediyadan sovutmang!

Quyidagi munozara yopiq. Iltimos, bu yerga oʻzgartirishlar kiritmang.

WikiStipendiya III marafoni boshlanganidan buyon yangi foydalanuvchilarning Vikipediyaga aʼzo boʻlish soni ortmoqda, va baxtga qarshi ularning katta qismi hali Vikipediya qoidalaridan toʻliq xabardor emas.

Shunday holatda eliminatorlik va administratorlik statusiga ega foydalanuvchilardan yangi foydalanuvchilarni „qopmasliklarini“, maqola yaratganiga koʻp vaqt oʻtmasdan unga oʻzgartirishlar kiritib (garchi foydali boʻlsa ham) tahrirlar toʻqnashuviga sabab boʻlmasliklarini va maqola yaratuvchisini ogohlantirmasdan, maqolani oʻchirib tashlamasliklarini soʻragan boʻlar edim. Bunday holatlarlarning ayrimlari quyidagilar:

Ma'lumotnoma maqolasi Alpasli tomonidan oʻchirib tashlangan. Oʻchirish sababi:EA. Vaholanki boshqa Vikipediyalarda bu maqola avvaldan mavjud (jumaladan: ru:Справочник). Garchi maqola plagiat tekshiruvida yuqori koʻrsatkich bergan boʻlsa-da foydalanuvchiga uni tuzatish imkoniyati berilmagan. Maqola 7 soat ichida gumdon qilingan.
16:9 maqolasi Axadjon1 tomonidan hech qanday ogohlantirish berilmasdan, maqola soʻnggi tahriridan 1 daqiqa ham oʻtmasdan oʻchirib tashlangan.
Guljamol Shukurova maqolasi oʻchirishga munozarasi ochilgan boʻlishiga qaramay, muhokamasiz Alpasli tomonidan oʻchirib tashlangan.

Iltimos yangi foydalanuvchilar bilan xushmuomala boʻlaylik va ezgu maqsadni koʻzlaylik.

Yana shu singari holatlar yuz berishda davom etsa status egalarini bayroqdan mahrum qilishni soʻragan boʻlar edim. PanPanChik ^#yozish 14:10, 3-May 2024 (UTC)

Panpanchik, ilk oʻchirilgan maqola EA bilan emas, noensiklopedik ravishda yaratilgani va shunga asoslangan matni, mualliflik huquqlarini yaqqol buzilgani sababli oʻchirilgan. Buni izohda ham qayd etganman, tushunib oʻqimaganingizga aminman. Ikkinchi maqolaga kelsak, Tezda oʻchirishga berib oʻchirilgani maqbul deb yozganman oʻchirish izohimda. Chunki shaxsning Ensiklopedik ahamiyati Vikipediya talab mezonlariga umuman mos kelmaydi. Siz doimgidek qaysidir tanishingizni yonini olayotgangga oʻxshayapsiz. Man asosan oʻzbekcha Vikipediya foydasini koʻzlab harakat etyapman. Iltimos, siz ham asl maqsadingizni aytsangiz, Panpanchik. Alpasli (munozara) 14:34, 3-May 2024 (UTC)

@Panpanchik maqolani bir koʻrsangiz boʻlar ekan, ayni oʻsha paytdagi xolati qoidalarga mos emas edi, toʻgʻri tezda oʻchirilgan ammo, xolati yaxshi maqolani oʻchirmaganman, bu gap bilan menda ayb yoʻq demoqchi emasman, bundan buyogʻiga albatta eʼtiborliroq boʻlaman. Axadjon1 (munozara) 14:42, 3-May 2024 (UTC)

Keltirilgan holatni toʻgʻri baholab, kerakli xulosa chiqarganingiz uchun minnatdorman. PanPanChik ^#yozish 17:08, 3-May 2024 (UTC)

Avvalo men qaysidir tanishlarimni yonini olmayman! Har bir yangi vikichi men uchun ahamiyatli. Birinchi holat noensiklopedik maqola: Shuningdek, mualliflik huquqining buzilish ehtimoli yuqori. yozuvi ila oʻchirilgan. Noensiklopedik emasligini esa boshqa vikipediyalarda borligi bilan isbotladim. Matnning oʻzi ensiklopedik tilda yozilmaganlogi esa alohida masala va imkon berilsa, uni toʻgʻirlash mumkin boʻlar edi. Toʻgʻri tahrirchi hali yangi va kuchli plagiat qilgan. Lekin maqolani 7 soat ichida gumdon qilishga asos koʻrmadim. 2-maqola esa baribir qayta yaratildi va oʻchirishga munozarasi boshlangan. Oʻylaymanki uni ham shoshma-shosharlik bilan munozarasiz oʻchirib yubormaysiz va muhokamani yopilishini kutasiz. Boshqa tomondan mening shaxsiyatimga dahl qilmasangiz. Qachonlardir ukamning statusli maqolasida uni yoqlab fikr bildirganim bu har bir ishimni ayni kimnidir himoyasi yoki manfaati uchun qilinayapti degani emas! Va ezgu maqsaddan oʻzgasini koʻzlamaganman. Yuqoridagilarni keltirish orqali kimnidir qoralashni emas yangi foydalanuvchilar harakatiga erkinlik berishni soʻrab yozganman. Avvalgi marafonlarda ham har doim yangi foydalanuvchiarning huquqlari uchun kurashib kelganman. Hozir ham ayni shu holat kuzatilmoqda, faqatgina bu safar munozara telegram guruhida emas ayni Vikipediyada koʻrilyapti. PanPanChik ^#yozish 17:07, 3-May 2024 (UTC)

Panpanchik, man yangi foydalanuvchilarga koʻproq imkon/e’tibor berilishining tarafdoriman. Avval ham aytdim: yangilar Vikipediyani tushunmasligi mumkin, buni yechimi nisbatan oson, oʻrgatsa boʻladi. Ammo matn yozishni oʻrgatish mushkul, tajribamga tayanib aytadigan boʻlsam, deyarli imkonsiz. Yozish qobiliyati/istagi shaxsning fitratida boʻlmasa qiyin. Qisqasi, bu jarayon (marafonlar) mobaynida tajribali foydalanuvchilar asosan yaratilgan maqolaning texnik holatiga yordam berishi kerak. AT maqola yaratish oson, shuningdek, boʻsh qoʻyilsa, juda tez suratda koʻpayib ketadi. AT maqolalar masalasida necha bor muhokama oʻtkazganimiz koʻpchilikka ma’lum (Taxminimcha, siz ulardan xabarsiz) Va eng muhimi, yangi foydalanuvchilarning aksariyati oromgoh va qoʻyilgan yutuq dardida, ya’ni Vikipediyaga ezgu maqsadni koʻzlab kelgan emas. Mashina tarjimasiga yoʻl qoʻygan va noensiklopedik hamda ensiklopedik ahamiyati mavjud boʻlmagan maqola yaratgan foydalanuvchilarning tomonini nega tutib olganingiz hamon qorongʻuligicha qolyapti manga. Bunday holatda, tanishlaringizni yonini olyayotgan misol taassurot uygʻotishingiz tabiiy har kimda. Sizdan yana bir bora iltimos, muhokama ochishga undagan asl niyatingizni roʻyi-rost yozsangiz. Alpasli (munozara) 21:51, 3-May 2024 (UTC)

Axadjon1 maqolalarni oʻchirishga berish jarayonida maqolaning tarixiga bir bor nazar tashlashni maslahat beraman. Markaziy Razvedka Boshqarmasi kabi vandalizmga uchragan maqolalarni oʻchirishga berish va oʻchirib yuborish holatlari kuzatilmoqda. Alpasli tezda oʻchirishga berilgan yoki oʻchirishga berilgan maqolalarni oʻchirib yuborishdan avval maqola tarixi bilan ham qiziqib koʻrsangiz maʼqul boʻlardi. Laziz Baxtiyorov (munozara) 09:17, 14-May 2024 (UTC)

Xop eʼtiborliroq boʻlaman, bu safardan keyin. Axadjon1 (munozara) 09:35, 14-May 2024 (UTC)

Laziz Baxtiyorov, hushyorligingiz uchun rahmat, eʼtiborli boʻlaman. Alpasli (munozara) 09:57, 14-May 2024 (UTC)

Laziz Baxtiyorov, AT maqolalar tarafdorligi oʻrniga oʻz maqolalaringiz matnini oʻnglab chiqsangiz ancha maqsadga muvofiq ish boʻlar edi. Shuningdek, mana bu maqolangiz ham mashina tarjimasidir. Mashina tarjimasi bilan bogʻliq holatlarga qarshi ayovsiz ravishda kurashilyapti. Halal bermasangiz soz boʻladi. Yoqimli tahrirlar. Alpasli (munozara) 05:49, 16-May 2024 (UTC)

Yirik matnlar tuzatib chiqilyapti. Hushyorligingiz uchun rahmat. Endi yanada eʼtiborli boʻlaman. Menga qiziq tomoni ayovsiz kurash masalasi qayerda muhokama qilingan va kelishilgan? Shu haqda batafsil maʼlumot bera olasizmi? Laziz Baxtiyorov (munozara) 08:40, 16-May 2024 (UTC)

Laziz Baxtiyorov, mashina tarjimasiga qarshi keng koʻlamli kurashish uchun muhokama oʻtkazish shart deb oʻylasangiz adashasiz. Biz administratorlar birinchi galda maqolalarning sof oʻzbek tilida yozilishi bilan bogʻliq jarayonni nazorat ostida tutishimiz zarur. AT maqolalar sonini koʻpaytirgandan naf yoʻq. Google tarjimon zotan bor. Alpasli (munozara) 17:50, 16-May 2024 (UTC)

Alpasli, quyidagi sharhlar sizga tegishli:

shaxsning Ensiklopedik ahamiyati Vikipediya talab mezonlariga umuman mos kelmaydi -- aynan qaysi qoidaga binoan EAga ega emasligini koʻrsatish kerak.
Siz doimgidek qaysidir tanishingizni yonini olayotgangga oʻxshayapsiz -- asossiz ayblovlardan tiyiling. Qolaversa, appeal to motive mantiqiy xato hisoblanadi.
AT maqolalar tarafdorligi oʻrniga oʻz maqolalaringiz matnini oʻnglab chiqsangiz ancha maqsadga muvofiq ish boʻlar edi -- bu esa Ad hominem argument boʻlibdi.

Axadjon1, har bir sahifani oʻchirishdan oldin VP:TOʻMga mos kelsagina oʻchiring. Oʻchirish izohida aynan qaysi mezon boʻyicha oʻchirganingizni koʻrsating.

Har ikkingiz uchun bu ogohlantirish boʻlsin. Bundan nari noʻjoya yoʻl tutgan foydalanyvchilarga nisbatan keskin chora koʻrishni yoʻlga qoʻyishimiz kerak. Nataev ^munozara 18:16, 15-Iyul 2024 (UTC)

Xop albatta, eʼtiborliroq boʻlaman — Axadjon1 (munozara) 18:20, 15-Iyul 2024 (UTC)

Ushbu munozara yopiq. Iltimos, bu yerga oʻzgartirishlar kiritmang.

Oʻchirishga soʻrovini yopish

Quyidagi munozara yopiq. Iltimos, bu yerga oʻzgartirishlar kiritmang.

Assalomu alaykum, hurmatli administratorlar. Maqolalarni oʻchirishga berilishi munozara talab qiladigan jarayon hisoblanadi. Maqolaning holati qanaqa boʻlishidan qatʼiy nazar qoidalarga rioya qilsak durust boʻlar edi. Jumladan, Oʻchirishga soʻrovini yopish qoidasida Oʻchirishga berilgan, yaʼni {{Oʻchirishga}} andozasi qoʻyilgan sahifa uchun soʻrovni yopish jarayoni keltirib oʻtilgan. Oʻchirishga berilgan maqolalarni oʻchirishdan avval mazkur qoida bilan tanishib chiqish hamda unga amal qilishingizni soʻrayman. Laziz Baxtiyorov (munozara) 05:11, 4-May 2024 (UTC)

Hormang, Laziz Baxtiyorov! Muayyan administrator xatoga yoʻl qoʻygan boʻlsa, linklar bilan buni koʻrsatishingiz kerak. Administratorlar forumi shunchaki „qalb qichqirigʻi“ uchun emas, balki konkret foydalanuvchilar bilan bogʻliq konkret holatlarni koʻrib chiqish uchun. Nataev ^munozara 16:39, 15-Iyul 2024 (UTC)

Ushbu munozara yopiq. Iltimos, bu yerga oʻzgartirishlar kiritmang.

Laziz Baxtiyorov tomonidan amalga oshirilgan gʻarazli faoliyatlar

Pichoq borib suyakka qadalmagunga qadar bu muhokamani ochish xayolimga ham kelgan emasdi. Ammo Vikipediyadagi faoliyatim, shaxsiy hayotim hamda ish jarayonimga salbiy taʼsir etayotgani, ruhiy tomondan yomon ahvolga solayotgani, muammolar tugʻdirayotgani va tinimsiz koʻngilsiz holatlar yuzaga keltirayotgani bois bunga ortiq chidash niyatim yoʻq. Insonning shaʼni, qadr-qimmatiga qaratilgan har qanday tuhmatli holatlar Vikipediya qonun-qoidalari boʻyicha taʼqiqlangan. Oʻzbekiston qonunchiligida ham bunga oid qonunlar mavjud. Shuningdek, Vikipediya foydalanuvchilarining samarali faoliyatiga salbiy taʼsir oʻtkazadigan xatti-harakatlarni muntazam sodir etib kelinishi bilan bogʻliq har qanday faoliyat qoralanadi.

Soʻnggi kunlar mobaynida toʻqilgan boʻhtonlardan boshlab, yaqin oʻtmishda uyushtirilgan gʻarazli niyatdagi ishlar orasidan baʼzilarini misol tariqasida havola etishni maqsad qildim. Xususan:

Laziz Baxtiyorovning mana shu hisob Alpaslining sevgilisi yaratilishida qoʻli bor deb oʻylayman va bu hisobni CheckUser orqali tekshirilishini soʻrayman. Hisobni 2024-yilning yanvar oyida: foydalanuvchi shaxsiga nisbatan amalga oshirilgan trolling oʻlaroq baholab oʻchirgandim. Hisobda mening siyosiy qarashlarim, qiziqishlarim kalaka qilingani yaqqol koʻzga tashlanib turipti. Va bu foydalanuvchi sahifasi bir yildan ortiqroq vaqt mobaynida saqlanib turganligi achinarli holat. Shu bilan birga, ushbu foydalanuvchi sahifasi ochilgan vaqtda Facebookda skrinlaridan iborat postlar qoʻyilganidan va shaxsimga nisbatan yaxshi soʻzlar ishlatilmaganidan koʻpchilikning xabari bor (Foydalanuvchi sahifasi yaratilganidan keyin Facebookda ham muhokama qilingan edi. Muhokama ketayotgan bir vaziyatda jahl bilan u linkni guruhga tashlagandim. Ammo post oʻchirilgan va uni suratga olib qoʻyish u vaqtda xayolimga kelmagandi). Shaxsiy adovatga asoslangan bu kabi faoliyat Vikipediya qoidalariga mutlaqo zid deb bilaman. Bundan tashqari, Alpaslining muhabbati, AlpAsli bilan tasodifan uchrashgan qiz va boshqa shu kabi hisoblar ochilib, trolling qilingani koʻpchilikning yodida. Kagansky bu holatni muhokamaga qoʻyishim lozimligini uqtirgan, lekin men muhokamaga qoʻymagandim. Muhokamaga qoʻymaganim uchun hozirgacha koʻp pushaymon boʻlganim rost. Bu tasvirlar orqali guruhda qilingan muhokama jarayoni bilan tanishib chiqishingiz mumkin: 1, 2
2023-yilning aprel oyida oʻtkazilgan WikiOromgohning 3-mavsumida 7-guruhga administratorlik qilgan Laziz Baxtiyorov guruhidan boʻlgan baʼzi ishtirokchilar undan izn olib (oʻz tilidan shu iqrorni eshitdim, gʻoya muallifi va bu ishni qilishga undov uniki boʻlishi mumkin), keyinchalik „mashhur“ boʻlib ketgan rolikni suratga olishgan. Deyarli barcha vikichilar tomosha qilgan bu rolikni Oʻzbekistonda mehmonda boʻlgan Nataev ham tomosha qilgani qulogʻimga chalingandi. Bu kabi faoliyat asosan biror shaxsni obroʻsizlantirish maqsadida amalga oshiriladi. Rolik havolasi Mendan olingan intervyu mobaynida Vikipediya bilan bogʻliq savollar soʻraldi. 7-guruhdagi foydalanuvchilarning Vikipediya bilan bogʻliq savol soʻrash borasida tajribasi yoʻqligini hisobga olib, savollar shaxsan Laziz Baxtiyorov tomonidan tuzib berilgani haqiqatga yaqin.
Laziz Baxtiyorov WikiStipendiya loyihasining hozirgi vaqtdagi menejeriga goʻyo men tomonimdan aytilgan boʻhtonli yolgʻonni yetkazganini oʻz ogʻzi bilan tan oldi. Ammo bu gapni shunchaki suhbat mobaynida aytganini, gʻarazli niyati boʻlmaganini taʼkidlagani bilan man uchun koʻngilsiz holatlarni keltirib chiqardi. Natijada, nomimga oʻta haqoratli soʻzlar aytildi. Buning isboti oʻlaroq tegishli skrinlarni ushbu havola orqali koʻrishingiz mumkin. Shu oʻrinda, skrinda shaxsimga qarata aytilgan oʻta yomon soʻzlar boshqalar tomonidan oʻqilishi man uchun ogʻir holat ekanligini aytib oʻtishim oʻrinli.
Shuningdek, Vikipediyaga oid turli guruhlarda keraksiz bahslarni keltirib chiqaraverishidan aksariyat foydalanuvchilar xabardor. Bu bilan bogʻliq juda koʻplab holatlar yuz berganidan qay birini oʻrnak keltirishni ham bilmadim. 1
Kecha, 16-may kuni tongi (soat 6:30)da Laziz Baxtiyorga tegishli telegram akkauntidan yana bir shaxsimni kamsitishga qaratilgan xabar kelib tushdi. Xabarda, Oʻz maqsadlariga erishish uchun laganbardorlik qilib turadigan doʻstlaringizni, hamkasblaringizni va tanishlaringizni tabriklang! Albatta, har bir jamoada bunaqa insonlar bor! Kimga yuborishni tushundingiz-a? kabi soʻzlar bor. Xabarga oid skrinni bu havola orqali koʻrishingiz mumkin. Ushbu xabarni bir shaxs tomonidan boshqasiga yuborilishidan maqsad nimaligi aniq — shaxsni tahqirlash. Tonggi soat 6 larda yuborilgan bu xabar hech kimni xushnud qilmasligi tabiiy. Eng asosiysi, oʻzbekcha Vikipediya administratoriga bu narsa yarashmaydi.

Hurmatli Abdulla, Nataev, Malikxan va Kagansky, sizlardan yuqorida sanab oʻtilgan holatlarga javoban qatʼiy bir chora koʻrishingizni iltimos qilib qolaman. Alpasli (munozara) 23:54, 16-May 2024 (UTC)

Hormang, @Alpasli! Oʻta jiddiy ayblovlarni qoʻybisiz. Bu ayblovlar chinligi tasdiqlansa, ularning deyarli barchasi Vikimedia Jamgʻarmasi Umumjahon obod-axloq kodeksiga ziddir. Ammo hozirdan shuni ayta olamanki, "yaloqilar kuni" ("yatoqi" soʻzining maʼnosi aslida "podxalim" emas, ammo postda aynan shu maʼno nazarda tutilgani ayon) haqidagi postni shaxsan sizga yuborgani shubhasiz harassmentga kiradi. Umumjahon kodeksiga koʻra, uzoq muddat davom etgan istehzoli sharhlar va agressiya harassmentga kiradi: "In some cases, repeated mockery, sarcasm, or aggression constitute insults collectively, even if individual statements would not."

Shaxsiyatingiz mazax qilingan hisoblarga kelsak, Metada checkuser huquqiga ega foydalanuvchilar koʻrib berishlarini soʻradim. Ammo bu tekshiruvning natijasi qanday boʻlishidan qatʼi nazar, @Laziz Baxtiyorov administratorga munosib boʻlmagan, ezgu maqsad koʻzlanmagan ishlarga qoʻl urganini xulosa qilish uchun yetarli asos bor, degan fikrdaman. Ammo, tabiiyki, Laziz Baxtiyorovning oʻzi hamda bu holatlardan xabardor boshqa foydalanuvchilar fikr bildirishini kutamiz. Nataev ^munozara 03:41, 17-May 2024 (UTC)

Uzoq oʻylab koʻrgan holda, yana bir holatni oshkor etishga qaror qildim. Bu holatning kelib chiqishiga sababchi boʻlgan foydalanuvchi qiz bola boʻlgani bois uni oshkor etmaslik niyatim bor edi. Ammo jiddiy xatolardan xulosa chiqarilmas ekan, ular takrorlanaveradi degan tugal qarorga keldim. Xullas, Miss Kamola oʻzaro telefon yozishmasi mobaynida manga nisbatan hazil tariqasida aytilgan Gay (LGBT) soʻzini atrofidagilarga bexosdan aytgan, bu narsa shaxsimga nisbatan kamsituvchi/kalakali soʻzlar zanjirini boshlab berilishiga sabab boʻlgan ekan. Holat boʻyicha toʻliq(roq) axborotdan kechroq xabar topdim. Liberal jamiyatlardan farqli oʻlaroq, LGBT soʻziga va bunday shaxslarga nisbatan jamiyatimiz insonlarining munosabat oʻta radikaldir. Bunday kishilar oʻlim tahdidlari olishi, obroʻsizlanishi va hatto huquqiy jihatdan ogʻir jazolarga mubtalo etilishi xavfi bor. Bu boʻhton vikichilar orasida tarqalgani sababli menga koʻngilsiz holatlarni keltirib chiqarishi ehtimoli yuqori (keltirib chiqarib boʻlgan ham). Darhaqiqat, Vikipediya foydalanuvchilari orasida biror shaxsga nisbatan qoʻyilgan bu kabi tamgʻa(lar) uning jiddiy shaxs/foydalanuvchi sifatida qabul etilmasligiga sabab boʻladi deb oʻylayman. Yaʼni, obroʻsizlantirishning yana bir shakli. Laziz Baxtiyorov jarayonda ishtirok etgan asosiy shaxslardan biriligini hamda bu gapni ommalashishida oʻziga yarasha hissa qoʻshganini taxmin qilgandim. Menga yetib kelgan xabarlarga koʻra, xabarning yoyilishida asosiy rolni Laziz Baxtiyorov oʻynagan (skrin). Agar hazil tariqasida yozilgan xabar shaxsiy yozishma oʻlaroq qolganida, bu kabi koʻngilsiz holatlarni keltirib chiqarmasligi aniq edi. Biroq taasufki, bunday boʻlmagan. Shaxsimga „hazil“ niqobi ostida har narsaning aytilishi qabul qilib boʻlmas jarayondir. Oʻylaymanki, ushbu muhokama qanday yopilishidan qat’i nazar har kim oʻziga tegishli xulosani chiqarib oladi. Va umid qilamanki, bu muhokama oʻrnak boʻlib, Vikipediya orqali bir-birini taniganlar bundan keyin oʻzaro munosabatda shaxsning qadr-qimmatini kamsitish bilan bogʻliq faoliyat amalga oshirmaydi. Hurmat ila Alpasli (munozara) 19:00, 17-May 2024 (UTC)

LGBT borasidagi fikrlaringiz esa toʻlaligicha oʻzingizning tasavvur hamda taxminingizga asoslangani koʻrinib turibdi. Bu borada ham sizning oriyentatsiyangiz borasida qiziqimaganimni va bu shaxsiy tanlovingiz ekanini aytib oʻtmoqchiman. Laziz Baxtiyorov (munozara) 10:48, 18-May 2024 (UTC)

Assalomu alaykum, hurmatli jamoa aʼzolari. Ochigʻi mazkur munozara haqida mutlaqo xabarim yoʻq edi. Holbuki, munozara ochilishidan bir kun oldin Alpasli bilan kamida 6 soat davomida birga yurdik, loyiha boʻyicha ancha vaqt gaplashdik. Umuman olganda, mazkur foydalanuvchining shaxsiy hayotida ham boʻladigan koʻngilsiz holatlarda meni ayblab yurishi bizni tanigan koʻpchilik uchun yangilik boʻlmasa kerak. Mayli boʻlari boʻlgan ekan. Endi bildirilgan taxmin hamda iddaolarga munosabat bildirib oʻtsam.

Mazkur sahifalar yaratilishi hamda uning facebookda muhokama qilinishida aloqam yoʻqligini maʼlum qilaman. Sahifalarni kim yaratgan va bundan qanday manfaat koʻzlagani boʻyicha mutlaqo tasavvurga ega emasman. Facebook yoki boshqa ijtimoiy tarmoqlar har bir shaxsning shaxsiy maydoni boʻlib, unga taʼsir oʻtkazish darajasida emasman. Qolaversa, mazkur xabar mening shaxsimga aloqador sahifalarga joylanmagan. Shuningdek, siyosiy qarash hamda shaxsiy qiziqishlar har kim uchun individual ekanligi, ularning aynan bir shaxsga oid boʻlishini ham anglatmaydi. Jumladan, oʻzim ham oʻzim yoqtiradigan va yoqtirmaydigan qadriyatlarning boshqalar tomonidan hurmat qilinishi yoki hurmat qilinmasligi hamda boshqalar ham aynan men kabi qarashlarga ega boʻlish boʻlmasligi borasida eʼtiroz bildirmayman.
Oromgoh masalasidagi fikrlar esa tushunarsiz boʻlmoqda. Yaʼni guruh aʼzolari oromgohdagi adminlarga hazil tariqasida video suratga olsak eʼtiroz boʻlmaydimi deya mendan soʻrashga va men hazil tariqasida olingan videolar zararli emasligini aytganman. Videoni esa koʻp qatori siz aytgan guruhdagi eʼlondan soʻng koʻrganman. Gʻoyalar va ssenariylar yozishga esa qiziqishim va ishtiyoqim yoʻqligi bois bu boradagi fikringizni shunchaki taxmin, jiddiyroq olganda esa tuhmat deb hisoblash mumkin, deb oʻylayman. Savollar borasidagi fikrlarni ham yuqoridagi kabi shunchaki taxmin va tuhmat deb hisoblayman va unga mutlaqo aloqam yoʻqligini maʼlum qilaman. Ayni shu fikrlarni oromgohda mazkur masala muhokama qilinganda Alpaslining oʻziga ham boshqa foydalanuvchilar guvohligida aytganman. Aynan bugunga kelib bu muammoni yana kun tartibiga chiqarishdan qanaqa ezgu maqsad koʻzlangani tushunarsiz boʻlmoqda.
Mazkur fikrda esa ochiqdan-ochiq tuhmat qilingan. Yaʼni keltirib oʻtilgan fikrni loyiha menejeriga yetib borishida aloqam yoʻq. Oʻsha jarayonda kimdirdan eshitgan fikrimga aniqlik kiritish maqsadida umumiy suhbatda soʻragan boʻlishim mumkinligini, lekin u suhbat jarayonida menejer yoʻq boʻlganini ayta olaman, xolos. Men aytgan yoki soʻragan fikr qanday qilib yetib borganidan esa, ochigʻi xabarim yoʻq.
Mazkur holatda esa yomonlikni koʻzlagan yoki gʻarazli nimadir bor deb oʻylamayman. Shunchaki guruhda qilingan hazil oʻlaroq qabul qilinsa va bu kabi hazillar Vikipediyadan tashqaridagi guruhlarda boshqa foydalanuvchilarga nisbatan ham qilinganini aytib oʻtmoqchiman. Qolaversa, siz skrinshot keltirgan guruhda men boshqa foydalanuvchilarni saviyasizlikda ayblagan izohlar yozmaganman Shaxs sifatida esa boshqa foydalanuvchilarning shaxsiyati haqida ham fikrlar bildirmagan boʻlsam kerak. Skrinshotlarni joylashni oʻzimga ep koʻrmayman. Qiziquvchilar guruhdan koʻrishi mumkin.
Oxirgi bandda aytib oʻtilgan xabarni esa faqatgina Alpasliga emas, 10ga yaqin oʻzimga yaqin deb bilgan insonlarga joʻnatganman. Yuqorida aytganim kabi shaxsiy xabarlardagi skrinshotlarni yuklashni oʻzimga ep koʻrmayman. Men joʻnatgan barcha shaxslar buni toʻgʻri qabul qilishgan edi. Lekin bu aynan sizga juda qattiq tegishini tasavvur ham qilmagan edim. Shuningdek, mazkur xabarni Vikipediya administratori emas, real hayotdagi shaxs sifatida yuborganimni aytib oʻtmoqchiman.

Agarda siz nazarda tutgan kabi sizning Vikipediyadagi faoliyatingiz boʻyicha eʼtiroz yoki gʻarazlarim boʻlganda oʻz fikrlarimni Patrullovchi hamda Administratorlik soʻrovlaringizda bildirib oʻtgan boʻlar edim. Laziz Baxtiyorov (munozara) 10:46, 18-May 2024 (UTC)

Yuqoridagi ilgari surilgan ayblovlarning faqatgina bittasi, yaʼni birinchi bandi Vikipediyadagi faoliyatga bogʻliq boʻlib, u ham shubhaga asoslangan boʻlib, isbotlanmadi. Umuman olganda matnning umumiy mazmuni koʻproq asossiz gʻiybat va maydakashlikka oʻxshab qolib, asosiy maqsad nima ekani ochiqlanmayapti. Shuning uchun Alpasli shaxsiy hayotingizda sodir boʻladigan har qanday koʻngilsizlikda meni ayblab yurishdan tiyilishingizni soʻrayman.

Oʻzbekcha Vikipediya rasmiyatchi hamda administratorlaridan Alpaslining butun Vikipediya jamoasi oldida asossiz gaplar bilan shaxs hamda Vikipediya foydalanuvchisi sifatida obroʻsizlantirishga uringaniga baho berib, umumiy jamoa maʼqul koʻrgan chorani koʻrishingizni soʻrayman. Vikimediya jamgʻarmasining odob axloq kodeksida ham barcha ishlarda aniqlik hamda tadiqlashga intilish soʻralgan. Aniq tekshiruvlar asosida isbotini topmagan har bir holat uchun Alpaslidan izoh talab qilaman. Laziz Baxtiyorov (munozara) 10:55, 18-May 2024 (UTC)

Yaʼni guruh aʼzolari oromgohdagi adminlarga hazil tariqasida video suratga olsak eʼtiroz boʻlmaydimi deya mendan soʻrashga va men hazil tariqasida olingan videolar zararli emasligini aytganman. Demak, zararli emasligini aytganingiz videorolik suratga olinayotganidan xabardor ekanligingizni bildiradi. Xabardor ekanligingizni oʻzi bu ishga sherik boʻlganingizning dalolati. Videorolik tufayli hayotimdan kelib chiqqan qiyinchiliklar sababchilaridan biri ekanligingiz kundek ravshan endi.
Oʻsha jarayonda kimdirdan eshitgan fikrimga aniqlik kiritish maqsadida umumiy suhbatda soʻragan boʻlishim mumkinligini, lekin u suhbat jarayonida menejer yoʻq boʻlganini ayta olaman, xolos. Suhbat mobaynida menejer yoʻqligini aytayotganingiz ham siz suhbat deb atayotgan tuhmatni qilganingizning isboti sanaladi. Qanaqa tuhmat qilganingizdan toʻliq xabardor emasman. Ammo keltirilgan skrinda uning natijasi aks etgan. U suhbatda aytilgan haqoratlar sizning boʻyningizda. Oʻzara yigʻilishda ham qanaqa tuhmat aytganingizni ochiqlashdan choʻchidingiz. Ha, aynan choʻchidingiz.
Shunchaki guruhda qilingan hazil oʻlaroq qabul qilinsa va bu kabi hazillar Vikipediyadan tashqaridagi guruhlarda boshqa foydalanuvchilarga nisbatan ham qilinganini aytib oʻtmoqchiman. Shaxsiy hayotingizda qilib yuradigan hazillarni Vikipediyada va yoxud rasmiy guruhlarda ishlatmang. Buni rasmiy soʻrov oʻlaroq qabul eting. Shuningdek, men ishlatgan saviyasiz soʻzi keraksiz bahslar keltirib chiqaraverib, tushuntirilgan holatni anglamasligingizga berilgan taʼrifdir. Tushunmagan holatingiz boʻyicha butun boshli post yozganim yodimda.
Laziz Baxtiyorov, Oxirgi bandda aytib oʻtilgan xabarni esa faqatgina Alpasliga emas, 10ga yaqin oʻzimga yaqin deb bilgan insonlarga... joʻnatganingiz harakatingizni oqlamaydi. Gapning indallosi shuki, men sizning yaqiningiz emasman. Yaqinlaringiz yuborganingiz bu kabi postlarni menga yuborishingiz uchun asos boʻlolmaydi. Ayniqsa, vikichilarga yuborilishiga.

Alpasli (munozara) 12:50, 18-May 2024 (UTC)

Yozilgan javoblarning har bir qatorini soʻzma-soʻz izohlash niyatim yoʻq. Ijtimoiy tarmoqlar orqali yozishmalarni esa oʻz xohishingizga binoan qabul qilishingiz LGBT borasidagi skrinshotdan ayon.

Oxirgi band boʻyicha sizni oʻzimga yaqin inson deb oʻylaganimdan taassufdaman. Qolaversa Vikipediyadan tashqaridagi faoliyatimni tartibga solishga urinmasligingizni soʻrayman. Vikipediyadagi faoliyatdan tashqarida vikichi doʻstlarim koʻp va ular bilan munosabatim Vikipediyadagi faoliyatimdan ayro. Ayni xabar joʻnatilishini ham Vikipediyaga bogʻlashingizga mutlaqo qarshiman va bu ikkalasi oʻzaro aloqador eamasligini Vikipediyaning saviyali administratori oʻlaroq yaxshi tushunib turibsiz, deb oʻylayman.

Keyin sizning shaxsiyatingizga bogʻliq dedi-dedi, gʻiybat va maydakashliklarga aniq dalillar boʻlmagani holda meni nomimni aralashtirmasligingizni soʻrayman. Laziz Baxtiyorov (munozara) 13:01, 18-May 2024 (UTC)

Videorolik masalasini ham yopishtirishga urinmang. Bu masala oromgohning oʻzida muhokama qilingan va yopilgan edi. Videorolikning umumiy mazmuni menga mutlaqo qorongʻu boʻlgan va u bilan bevosita siz qatori tanishganimni aytib oʻtganman. Gapni soʻzlarini bittalab tahlil qilish orqali qanaqadir maʼno chiqarishga urinishingiz esa tushunarsiz qolmoqda. Laziz Baxtiyorov (munozara) 13:04, 18-May 2024 (UTC)

Laziz Baxtiyorov, umuman olganda, javoblaringizda aybsiz ekanligingizni taʼkidlashdan nariga oʻtmabsiz (ipse dixit). Quyidagi savollarga javob bersangiz:

mazkur foydalanuvchining shaxsiy hayotida ham boʻladigan koʻngilsiz holatlarda meni ayblab yurishi bizni tanigan koʻpchilik uchun yangilik boʻlmasa kerak — bu iddaoga nima asos boʻldi? Buni qanday asoslab bera olasiz? Bu ham oʻsha siz havola qilgan tuhmat emasmi?

siz skrinshot keltirgan guruhda men boshqa foydalanuvchilarni saviyasizlikda ayblagan izohlar yozmaganman – red herring argument boʻlibdi.

Yaʼni guruh aʼzolari oromgohdagi adminlarga hazil tariqasida video suratga olsak eʼtiroz boʻlmaydimi deya mendan soʻrashga[n] — kim soʻragan? Foydalanuvchi nomi nima?

Skrinshotlarni joylashni oʻzimga ep koʻrmayman – oʻzingizni axloqan ustun koʻrsatish oʻrniga sizga qoʻyilgan ayblovlarni rad etish uchun asos boʻla oladigan skrinshotlar boʻlsa, ulashing.

Men joʻnatgan barcha shaxslar buni toʻgʻri qabul qilishgan edi. Lekin bu aynan sizga juda qattiq tegishini tasavvur ham qilmagan edim — Alpasli bilan uzoq muddat davomida doʻstona munosabatda emasligingiz menga ayon. Buni Oʻzbek tilida soʻzlashuvchi vikimediachilar foydalanuvchi guruhi uchun ochilgan Telegram guruhdagi oʻzaro suhbatingizdan xulosa qildim. Shunday ekan, Alpaslini „yaqin“ inson deb koʻrishingiz haqiqatdan yiroq va kishi notoʻgʻri talqin qilishi mumkin boʻlgan bunday dumli postni ezgu niyatda yuborganingizga ishonish qiyin.

Yuqoridagi ilgari surilgan ayblovlarning faqatgina bittasi, yaʼni birinchi bandi Vikipediyadagi faoliyatga bogʻliq boʻlib, u ham shubhaga asoslangan boʻlib, isbotlanmadi – „isbotlanmadi“ emas, oradan koʻp vaqt oʻtgani uchun CheckUser orqali aniqlashning iloji boʻlmadi. Bu ushbu haqoratomuz hisoblarda sizning qoʻlingiz yoʻq degani emas. Ushbu holatlar boʻyicha qanday maʼlumotga ega boʻlsangiz, ulashing. Masalaga qisman oydinlik kiritish uchun qoʻgʻirchoq hisoblar tahrirlarini sizning tahrirlaringiz bilan solishtirib, tahlil qilish mumkin.

matnning umumiy mazmuni koʻproq asossiz gʻiybat va maydakashlikka oʻxshab qolib ... gʻiybat va maydakashliklarga — qayta-qayta „maydakashlik“ va bunga oʻxshash haqoratomuz soʻzlarni yozavermang. Bu yerda oʻta jiddiy masala koʻtarilgan.

Alpasli, siz esa iloji boʻlsa WikiStipendiya xodimi sizni haqorat qilishida Lazizbek qanday rol oʻynaganini izohlab bera olasizmi?

Miss Kamola, Alpaslining oriyentatsiyasi borasidagi „hazillar“ haqida nimalarni bilasiz? Xususan, Lazizbekning bunga qanday aloqasi bor? Izohlab bersangiz, iltimos. Nataev ^munozara 13:43, 18-May 2024 (UTC)

Ushbu iddaoga asos boʻladigan holatlar koʻplab boʻlib oʻtgan. Alpaslining hayotidagi bir necha holatlarda shaxsan mening qoʻlim borligiga shubha qilib yurishini oʻzaro tanishlardan eshitib turaman. Lekin afsuski buni isbotlovchi audio yoki videolarni ulasha olmayman.
Men guruh rahbari boʻlgan 7-guruh aʼzolari. Hazil tariqasida videorolik olish oromgohlar uchun yangilik boʻlmagan. Bu kabi soʻrovlar ham oʻz oʻrnida faqat mazkur oromgoh davomida berilmaganini eslatib oʻtmoqchiman.
Postni yuborishdan hech qanaqa maqsad koʻzlanmagan va bu koʻpchilik qatorida Alpasliga ham joʻnatilfgan. Bu narsani Vikipediya administratori darajasidagi fojeaga aylantirib yuborish kerak emas deb oʻylayman. Chunki Telegram ijtimoiy tarmogʻi va undagi shaxsiy suhbatlar Vikipediya doirasida qamrab olinmaydi deb oʻylayman.
Ushbu profillar boʻyicha hech qanday maʼlumotga ega emasman. Bor maʼlumotim uzwikinewpages kanalidagi baʼzi postlar va telegram guruhida ulashilgan xabarlarni qamrab oladi xolos. Tahrirlarni esa oʻzaro solishtirib chiqishingizga mutlaqo qarshi emasman. Toʻliq va asosli tekshiruv oʻtkazishingiz mumkin.

Laziz Baxtiyorov (munozara) 14:04, 18-May 2024 (UTC)

Nataev, WikiStipendiya loyihasi doirasida u xodim bilan munosabatimiz yaxshi edi. Hamkorlikda ozmi-koʻpmi foydali ishlar qilganmiz, nasib boʻlsa, yana qilamiz. Laziz Baxtiyorov bilan suhbatda goʻyo loyiha menejeriga nisbatan kamsituvchi soʻzlar qilganim aytildi. Loyiha menejeri dastlab shunday fikr bildirgach, Laziz Baxtiyorovni chaqirdik. Oʻtkazilgan kichik yigʻilishda Laziz Baxtiyorovning men bilan hech qanaqasiga bunday suhbat qilmagani oshkor boʻldi. Laziz Baxtiyorov boʻlsa, u suhbatni boshqa shaxsdan eshitganini taʼkidladi. Ochigʻi, u suhbatning batafsil bayonidan voqif emasman. Shunisi maʼlumki, bu suhbat ortidan loyiha xodimi shaxsimga nisbatan haqoratli soʻzlar yogʻdirdi. Xulosam shuki, bu menga nisbatan amalga oshirilgan rejali faoliyatlardan biridir. Alpasli (munozara) 14:29, 18-May 2024 (UTC)

Hozircha qoʻyilgan uch ayblovga toʻxtalsak.

Birinchisi, Alpasli mazax qilingan hisoblar. Quyidagi jadvalda dastlabki tahlil natijalari bilan tanishingiz mumkin. Bu yerda ikki muhim masala bor: 1) umuman olganda, uchala hisob ham tahrir qilgan soatlarda Lazizbek asosiy hisobidan tahrir qilmagan. Ammo, muhini, qoʻgʻirchoq hisob tahrirlaridan oldin va keyin tahrir qilgan; 2) qoʻgʻirchoq hisoblar yaratilgan oylarda faqat bir tajribali foydalanuvchi Asliddin bilan online muntazam ravishda janjallashgan boʻlib, bu aynan Lazizbekdir. Buni Oʻzbek tilida soʻzlashuvchi vikimediachilar foydalanuvchi guruhi uchun ochilgan Telegram guruhda koʻrishingiz mumkin. (masalan, 19-yavar, 28-yanvar va 19-mart).

Qoʻgʻirchoq hisob	Yaratilgan sanasi	Ilk tahriri	Ilk tahririga izoh	Lazizbekning bu davrdagi tahrir faoliyati	Qoʻshimcha sharhlar
AlpAsli bilan tasodifan uchrashgan qiz	12:28, 18 January 2023	21:35, 21-Fevral 2023	Manba kodini tahrirlab, notoʻgʻri kursivga olingan maqola mavzusini qalin matnga olgan. Bu esa yangi foydalanuvhchilardan kutiladigan tahrir emas.	Lazizbek ushbu tahrirdan oldin (15:50, 11-May 2023) va keyin (16:11, 12-May 2023) tahrir qilgan, ammo qoʻgʻrichoq hisob 11- va 12-may kunlari tahrir qilgan soatlarda oʻz hisobidan umuman tahrir qilmagan.	Ikkinchi tahriri ham professional tahrirchi ishi: 1) oʻ va gʻ harflari toʻgʻri yozilgan; 2) tarjima qilingan maqolada manba nuqtadan oldin qoʻyilgan (Content Translation esa nuqtadan keyin qoʻyadi va buni yangi foydalanuvchilar bilmaydi); 3) infoboks toʻgʻri rasmiylashtirilgan. Bundan tashqari, sakkizinchi tahriridayoq insofli foydalanish mezonlari bilan fayl yuklagan. Yangi foydalanuvchilar uchun koʻz koʻrib, quloq eshitmagan hodisa.
AlpAslining sevgilisi	09:31, 25 January 2023	25-Yanvar 2023, 15:40	<<...>> oʻrniga „..“ yozgan, boʻlib, bu yangi foydalanuvchidan kutish mumkin boʻlgan tahrir emas, chunki uzwiki qoidalari qolgan deyarli barcha oʻzbek tilidagi manbalardan farq qiladi.	24-yanvarga qadar va 26-yanvardan keyin muntazam tahrir qilgan odam 25-yanvar, yaʼni qoʻgʻirchoq hisob ochilgan kun umuman tahrir qilmagan.	Bu hisobni yaratgan shaxs Vikiomborda ravon ingliz tilida yozilgan qisqa sharh bilan foydalanuvchi sahifasini yaratgan; Lazizbek ingliz tilini oʻrta darajasini bilishini iddao qiladi (en-2).
Alpaslining muhabbati	17:59, 10 February 2023	00:15, 11-Fevral 2023	Ushbu tahrir bilan tarjima maqola yaratilgan boʻlib, bu tahrir tajribali, xususan, Asliddinni "qizlarga suyagi yoʻqlikda" ayblab kelgan foydalanuvchiga xos (Lazizbek Asliddinni "qizlarni boshini aytlantirib yurishini" aytganini Oʻzbekistonda shaxsan oʻzim bir necha bor eshitganman.): 1) originali lotinda yoziladigan ismlar translit qilinmagan (bu qoidani yangi foydalanuvchilarning deyarli 100 foizi bilmaydi); 2) mashina tarjimasida odatda kuzatilgadigan kamchiliklar, xususan, yildan keyin chiziqcha qolib ketishi, "manbalar" boʻlimi nomi xato oʻgirilishi, har bir gap olmosh bilan boshlanishi kabi kamchiliklar bartaraf etilgan; 3) maqola mavzusi qoʻgʻirchoq hisob nomi kabi sevgi/erotika mavzusida.	Qoʻgʻirchoq hisob tahriridan yarim soat oldin (23:46, 10-Fevral 2023) tahrir qilgan.	Qoʻgʻirchoq hisob yaratilgan kundayoq bu shaxs Vikimaʼliumotlarni tahrirlagan, tahrirlaganda ham erotika mavzusida.

Ikkinchisi, Alpasli ustidan kulingan video. @Alpasli, videoni kim tasvirga olgan? Yozib olinganidan keyin kim montaj qilganini aniqlash lozim. 7-guruh aʼzolari, xususan, Muzaffar Murodovich, Usmonov Gayrat, Obidov Odiljon, AzizjonS, Rabiga Shabatova va Aralbaeva, ushbu video masalasida bilgan maʼlumotlaringizni ulashsangiz, yaxshi boʻlardi.

Nihoyat, Alpaslining oriyentatsiya boʻyicha qilingan qoʻpol hazil. Miss Kamolaning taʼkidlashicha, hazilning Alpasliga aloqasi yoʻq. Bu oʻta jiddiy masala boʻlgani uchun, qoʻshimcha maʼlumot ulashilishini kutganimiz maʼqul deb oʻylayman. Nataev ^munozara 03:16, 19-May 2024 (UTC)

Mazkur jadvaldagilar yuzasidan: birinchi qatorda keltirilgan taxminlar har qanday tajribali foydalanuvchining qoʻlidan kelishi mumkin. Ikkinchi qatorda esa tahrirlar bilan bogʻliq taxminlar keltirilibdi. Maʼlumki, Vikipediya foydalanuvchilariga tahrirlar boʻyicha majburiyat yuklanmagan. Shunday ekan, kunning istalgan vaqtida oʻzimning asosiy sahifam hamda Lazizbek95 sahifasidan tahrirlar amalga oshirganman. Qolaversa, oʻtkaziladigan oromgohlar davomida barcha foydalanuvchilarga asosiy imlo qoidalari hamda fayl yuklash koʻrsatmalari berib oʻtiladi.

Ikkinchi qator boʻyicha, 25-yanvar kuni Laziz Baxtiyorov nomli sahifadan tabiiyki tahrir amalga oshirilmagan. Chunki oʻsha kuni, undan oldingi va keyingi kunlarda ham tahrir ishlarini Lazizbek95 nomli foydalanuvchi sahifamdan amalga oshirganman. 1, 2

Uchinchi foydalanuvchi sahifa yaratilgan vaqtda esa oʻsha vaqtdagi dolzarb boʻlib turgan Turkiya-Suriya zilzilasi haqida yozayotgan boʻlganman va bunday ishlarga vaqtim boʻlmagan. Qolaversa erotika mavzusiga Vikipediyadagi faoliyatim davomida qiziqmaganman va bu mavzuda tahrir qilmaganman. Asliddinning qizlar bilan munosabati masalasida faqatgina mandan eshitgandirsiz, balki boshqalardan ham bunisi menga qorongʻu. Ammo shunisi aniqki, bu masala WikiStipendiya loyihasiga aloqador boʻlgan istalgan foydalanuvchi uchun yangilik emas. Ismlarni translit qilmaslik masalasi esa uzwikichat guruhidagi asosiy muhokama mavzularidan hisoblanadi. Hattoki Nataevning oʻzi ham foydalanuvchilarga ismlarni translit qilmaslik boʻyicha maʼlumot berib keladi.

Umuman olganda, yuqoridagi kabi shaklda istalgan foydalanuvchini ayblash mumkin, deb oʻylayman. Laziz Baxtiyorov (munozara) 04:27, 19-May 2024 (UTC)

birinchi qatorda keltirilgan taxminlar har qanday tajribali foydalanuvchining qoʻlidan kelishi mumkin -- Asliddiin bilan bir yildan oshiq vaqtdan beri, jumladan, qoʻgʻirchoq hisoblar yaratilgan va ular tahrir qilgan paytda janjallashgan yagona tajribali foydalanuvchi sizsiz va buni tasdiqlovchi yozma manbalar borligini yuqorida yozdim.

kunning istalgan vaqtida oʻzimning asosiy sahifam hamda Lazizbek95 sahifasidan tahrirlar amalga oshirganman -- bu men keltirgan argumentni yanada kuchaytirdi, chunki qoʻgʻirchoq hisoblar tahrir amalga oshirgan paytda nafaqat asosiy hisobingizdan, balki qoʻshimcha hisobingizdan ham tahrir qilmagan ekansiz: 17-yanvar: 0 ta tahrir, 21-fevral: 0 ta tahrir, 25-yanvar soat 9:31 va 15:40 da: 0 tahrir va, nihoyat, 10-fevral soat 17:59 va 11-fevral soat 00:15 da: 0 ta tahrir. Siz keltirgan linklarda faqat kunga emas, ayniqsa soatga qarash kerak. Qisqasi, uchta qoʻgʻirchoq hisob tahrir qilgan soatlarda sizning ikki hisobingizdan birorta ham parallel tahrir qilinmagan.

Uchinchi foydalanuvchi sahifa yaratilgan vaqtda esa oʻsha vaqtdagi dolzarb boʻlib turgan Turkiya-Suriya zilzilasi haqida yozayotgan boʻlganman va bunday ishlarga vaqtim boʻlmagan -- yana oʻsha gap, faqat tahrir kuniga emas, soatlarga ham qarang.

Asliddinning qizlar bilan munosabati masalasida faqatgina mandan eshitgandirsiz, balki boshqalardan ham bunisi menga qorongʻu -- buning mavzuga aloqasi yoʻq, chunki aynan siz yaratganingiz aytilayotgan sock hisoblar aynan siz koʻtargan mavzularda tahrir qilgan.

Ismlarni translit qilmaslik masalasi esa uzwikichat guruhidagi asosiy muhokama mavzularidan hisoblanadi. Hattoki Nataevning oʻzi ham foydalanuvchilarga ismlarni translit qilmaslik boʻyicha maʼlumot berib keladi. -- bu yana bir mantiqiy xato, xususan, faulty generalization. Men yozgan bir dona sharhni barcha yangi foydalanuvchi oʻqimagan, oʻqimaydi ham. Qolaversa, bir qoida takror va takror eslatilgani unga amal qilinadi degani emas, ayniqsa yangi foydalanuvchilar tomonidan (Bundan tashqari, ularning barchasi uzwikichat Telegram guruhiga aʼzo emas).

yuqoridagi kabi shaklda istalgan foydalanuvchini ayblash mumkin, deb oʻylayman -- nazariy jihatdan ha, ammo Asliddin aynan sizni ayblayapti, aynan siz u bilan oshkora janjallashib kelasiz, aynan siz bir emas, ikki hisobingizdan qoʻgʻirchoq hisoblar faol boʻlgan paytda umuman tahrir qilmagansiz, aynan siz menga Asliddinning ishqiy munosabatlari haqida soʻz ochgansiz, aynan siz yuborgan istehzoli postlar, sharhlar va h. ushbu munozarada koʻrib chiqilyati.

Nihoyat, Asliddin qoʻl urgan boʻlishi mumkin boʻlgan qoidabuzarliklar haqida yuborgan uzundan-uzoq elektron maktubingizga toʻxtalsam. Yuqorida yozganimdek, red herring argumentlardan tiyiling. Boshqa foydalanuvchining faoliyati boʻyicha daʼvolaringiz boʻlsa, hamma qatori alohida muhokama boshlang, iddaolaringizni asoslab bering (masalan, difflar bilan). Umuman olganda, maktubingiz ohangidan yuqorida iddao qilganingizdek Asliddin oʻzimga yaqin deb bilgan insonlarga kirmasligiga, aksincha, unga qarshi bir necha yillik adovatingiz borligiga amin boʻldim. Nataev ^munozara 13:32, 19-May 2024 (UTC)

Assalomu alaykum Nataev! Asliddin aytayotgan shaxsiy yozishmada shunchaki uning ismi qayd etilgan xolos, aslida unga aloqasi bo‘lmagan mavzu. Buning jiddiy va unga tegishli emasligini uning o‘zi ham ko‘rgan va oddiy qabul qilgan. Nima bo‘lgan taqdirda ham har kimning shaxsiy hayoti - shaxsiy tanlovi. Lazizbekka kelsak, ochig‘i bu gaplarni uning tarqatib yurganligi haqidagi xabarni Asliddinning o‘zidan eshitdim xolos. Bilishimcha unga ham “dedi-dedi” bo‘lib yetib kelgan. Menga ayon bo‘lganlari shu hozircha. Chunki bu masala ochilganiga bir haftadan oshgan bo‘lsa, bu hazillarni eshitib yoki shaxsan guvohi bo‘ladigan darajada hech kim bilan aloqada bo‘lmadim. Bundan oldin ham bu meni qiziqtirmagan. Miss Kamola (munozara) 23:50, 18-May 2024 (UTC)

Assalomu alaykum. Yuqorida yozilgan ayblovlarning deyarli barchasi boʻyicha batafsil maʼlumotlarni barcha rasmiyatchilarga e-mail orqali yubordim. Ushbu munozaraga yozmaganimning asosiy sababi yuborilgan xabarda uchinchi tomonlarning qadr-qimmati hamda shaxsiga doir oʻta muhim maʼlumotlar borligi hamda ushbu shaxslar bilan real hayotdagi oʻzaro munosabatlarga ham taʼsir qilishi mumkinligi boʻlgan. Laziz Baxtiyorov (munozara) 04:06, 19-May 2024 (UTC)

Ushbu munozaraga yozmaganimning asosiy sababi yuborilgan xabarda uchinchi tomonlarning qadr-qimmati hamda shaxsiga doir oʻta muhim maʼlumotlar borligi hamda ushbu shaxslar bilan real hayotdagi oʻzaro munosabatlarga ham taʼsir qilishi mumkinligi boʻlgan -- yuqorida yozganimdek, har qanday daʼvolaringizni hamma qatori forumda asoslab yozing, ular ham koʻrib chiqiladi. Nataev ^munozara 13:44, 19-May 2024 (UTC)

Administratorlar boshqalarga ibrat bo‘lishlari kerak, doimo boshqalar bilan o‘zaro munosabatlarda hurmat va xushmuomalalik bilan suhbatlashishi zarur. Adminstratorlar Vikipediyaning barcha qoidalariga rioya qilishlari va o‘z vazifalarini imkon qadar bajarishlari kerak. Vaqti-vaqti bilan xatolar qilsin mayli bu insonga xosdir, adminlardan mukammal inson bo‘lishini biz kutmaymiz. Biroq, Vikipediyani beparvolik bilan tahrirlashi yoki Alpaslining daʼvosiga ko‘ra yomon niyat bilan gap tarqatish yoki bir tahrirchini yomon ko‘rsatish yoki qo‘g‘irchoq hisoblarni ochib haddan tashqari kalaka qilish kabi xatti-harakatlar, adminlarning vazifalari va majburiyatlariga mos kelmaydi va bu administratorlik huquqlarini olib tashlashga olib kelishi mumkin. Administratorlar xushmuomalalik va madaniyatlilikning yuqori standartlarini modellashtirishga intilishlari kerak va ularning xulq-atvori boshqa barcha tahrirchilar uchun o‘rnak bo‘lishi kerak. Shu sababdan men Laziz Baxtiyorovni huquqlarini ko‘rib chiqish vaqti kelganini eslatib qo‘ymoqchiman. Hurmatli rasmiyatchilar bu munozarani tez orada yopishingizni va adolatli qaror chiqarishingizni so‘rayman. Mirzoulugʻbek |@ 09:26, 2024-yil 5-noyabr (UTC)[javob berish]

Natija

Bu yerda Alpaslining Laziz Baxtiyorovga nisbatan koʻrsatib oʻtgan ayblovlari koʻrib chiqilmoqda. Natija ham aynan shu mavzuga mos munozaralarga asoslanib chiqarilyapti.

Koʻrib chiqilayotgan davrda Laziz Baxtiyorov Alpasli bilan uzoq muddat davomida doʻstona munosabatda boʻlmaganligi Vikipediya bilan bogʻliq boʻlgan guruhlardagi yozishmalardan ayon. Shunday ekan, Alpaslini „yaqin“ inson deb koʻrishi yolgʻon gap.

Laziz Baxtiyorov Alpasli bilan bir yildan oshiq vaqtdan buyon, jumladan, qoʻgʻirchoq hisoblar yaratilgan va ular tahrir qilgan davrda oshkora janjallashib kelgan yagona tajribali foydalanuvchi boʻlgan va buni tasdiqlovchi yozma manbalar yuqoridagi munozara jarayonida keltirilgan.

Vikimedia Jamgʻarmasi Umumjahon odob-axloq kodeksiga koʻra, uzoq muddat davom etgan istehzoli sharhlar va agressiya harassmentga kiradi. Shunga asosan, Laziz Baxtiyorov administratorga munosib boʻlmagan, ezgu maqsadni koʻzlamagan ishlarga qoʻl urganini xulosa qilish uchun yetarli asos bor. Bu masala metada yoziladi.

Laziz Baxtiyorov, boʻlib oʻtgan ishlardan toʻgʻri xulosa chiqarasiz degan umiddaman. Alpasliga nisbatan koʻrsatilgan ayblovlar yoki barcha rasmiyatchilarga e-mail orqali yuborilgan gaplar forumda asoslab yozilsa, ular ham koʻrib chiqiladi. — Kagansky ^munozara 12:47, 2024-yil 5-noyabr (UTC)[javob berish]

Xulosa uchun rahmat. Interfeys administratori huquqidan ham mahrum qilish kerak, sababi yaqinda minglab maqolada ishlatilgan Andoza:Vafot sanasi va yoshi andozasini izohsiz tahrir qilgan va buzib qoʻygan (1, 2, 3). Andoza bir haftadan oshiq vaqt davomida @Mirzoulugʻbek aka Laziz tahrirlarini qaytarmagunicha tuzatilmagan.

Metada admin huquqidan mahrum qilinishi kerakligi boʻyicha soʻrov qoldirdim. Interfeys administratori huquqidan esa oʻzim mahrum qila olaman. Nataev ^munozara 15:33, 2024-yil 5-noyabr (UTC)[javob berish]

Munozara oʻta uzoq payt ochiq turgani uchun bir haftadan bir oygacha boʻlgan muddat davomida votum oʻtkazishni tavsiya qilishdi. Shuning uchun alohida muhokama ochib, ovoz berishimizga toʻgʻri keladi. Nataev ^munozara 17:26, 2024-yil 5-noyabr (UTC)[javob berish]

:Hurmatli rasmiyatchi administratorlarimiz Kagansky va Nataev, ushbu muhokamaga chiqarilgan natijada keltirilgan „Laziz Baxtiyorov Alpasli bilan bir yildan oshiq vaqtdan buyon, jumladan, qoʻgʻirchoq hisoblar yaratilgan va ular tahrir qilgan davrda oshkora janjallashib kelgan yagona tajribali foydalanuvchi boʻlgan“ degan qism muhokama jarayonida keltirilgan qoʻgʻirchoq hisoblarni aynan gʻarazli maqsadda ochgan degan xulosa uchun oʻrinli emas deb hisoblayman. Chunki, nizoli taraflardan biri hisoblangan Alpasli bilan qoʻgʻichoq hisoblar yaratilishidan avvalroq men ham Konsta maqolasining munozarasida bildirgan fikrim uchun nizolashganman. Va bu nizoni hatto real taʼqib deya baholash mumkin edi. Buni tasdiqlash uchun video yoki audioyozuvlar yoʻq boʻlsa-da, administrator Jamshid Nurqul buni real koʻrgan shaxs sifatida tasdiqlashi mumkin. Mening shaxsiyatimga nisbatan ogʻir botadigan haqoratlarni aytgan Alpasli oʻzining xatti-harakatlari va xolerik temperamentga mos keluvchi feʼl-atvori bilan bundan keyin ham nizolashib, Vikipediyaga bevosita doxil WikiStipendiya loyihasi doirasida tashkil etilgan WikiOromgoh IV mavsumida ham haqoratdan tortib jismoniy kuch ishlatish darajasigacha borganligini esa yana bir administrator Mirzoulugʻbek hamda WikiStipendiya loyihasining koordinatori Boboyev1996 hamda boshqa bir qator shaxslar tasdiqlashlari mumkin. Bularni umumlashtirgan holda aytmoqchimanki, Alpasli real hayotda nizoli holatda boʻlgan tajribali foydalanuvchilar faqatgina Laziz Baxtiyorovdan iborat emas va biz ikkimizdan boshqa yana kimlardir boʻlishi ehtimolli holdir. Shunday ekan, nizoli taraflardan biri ikkinchisini ham hayotda, ham onlayn tarzda kamsitishida Vikipediyaga bogʻlangan qoʻgʻirchoq hisoblar masalasida „yagona tajribali foydalanuvchi“ iddaosini rad etaman hamda administrator tomonidan bunday ish qilinganini toʻliq ishonchli dalillanmagan, deb oʻylamayman. Agar ushbu muhokama natijadan soʻng fikrlar uchun yopilgan va bu yerda davom ettirish mumkin emas boʻlsa, quyiga koʻchirish boʻyicha koʻrsatma berishingizni kutaman. Hurmat bilan Kamol Azzam (munozara) 13:05, 2024-yil 7-noyabr (UTC)[javob berish]

Keltirilgan soʻnggi dalil sababli shaxsiy tajribamga tayanib bildirgan fikrimni haqiqatga ayni mos emas deb qayta baholayman. Hurmat ila Kamol Azzam (munozara) 02:53, 2024-yil 8-noyabr (UTC)[javob berish]

Abdufattohov Ibrohimjon

Quyidagi munozara yopiq. Iltimos, bu yerga oʻzgartirishlar kiritmang.

Abdufattohov Ibrohimjon (munozara · hissa · oʻchirilgan hissa · qaydlar · filtrlash qaydlari · chetlatish · chetlatish qaydlari · huquqlar)

Ushbu foydalanuvchi 2024-yilning 6-aprel kuni xulosa chiqaruvchi statusini olgan, ammo ovoz berganlar orasida birorta tajribali foydalanuvchini koʻrmadim. Qilgan tahrirlarini yaqindan koʻrib chiqib, statusga loyiq emasligini xulosa qildim.

Birinchidan, foydalanuvchi jiddiy VP:MZga yoʻl qoʻyganini xulosa qilish mumkin. Xususan, bir oilaning bir emas, ikki emas, uch aʼzosi haqida maqola yaratgan. Bular Gulbahor Tojimirzayeva (15-mart yaratilgan), Bahodir Abdullayev (27-aprel yaratilgan) va Shirin Abdullayeva (6-iyunda qayta yaratilgan) maqolalaridir. Oila aʼzolarining original suratlarini Vikiomborga oʻz ishi oʻlaroq yuklagani (1 va 2) esa eʼtiborga molikdir. Yaʼni, foydalanuvchi ushbu oila aʼzolari bilan toʻgʻridan-toʻgʻri aloqada ekanligini xulosa qilish mumkin. Hatto maqolalarni haq yoki boshqa narsa evaziga yaratgan boʻlishi mumkin.

Ikkinchidan, ushbu maqolalar EAga egaligi shubha ostida va shuning uchun uchalasi ham oʻchirilishga nomzod qilib koʻrsatilgan: Vikipediya:Oʻchirishga/Gulbahor Tojimirzayeva, Vikipediya:Oʻchirishga/Bahodir Abdullayev va Vikipediya:Oʻchirishga/Shirin Abdullayeva. Bu esa foydalanuvchi Vikipediya qoidalarini, xususan, VP:BIOni naqadar oʻzlashtirgani haqida savol tuʻgdiradi.

Nihoyat, foydalanuvchining tahrirlaridan hali tajribasiz ekanligini xulosa qilish mumkin. Masalan, shu bugun ~~boʻsh~~ boshqa birorta katta turkumga kiritilmagan turkum yaratgan. 29-iyun kuni esa avtomat tarjimadan iborat .xxx maqolasini yaratgan ("„nuqta ecks ecks ecks“ deb talaffuz qilinadi" emish. Bir talaffuz qilib koʻring-chi. „..biznesga zarar etkazishi“ esa klassika.). Ushbu holatlardan kelib chiqib, foydalanuvchini xulosa chiqaruvchi hamda eski holiga qaytaruvchi huquqlaridan mahrum qilish kerak deb hisoblayman. Nataev ^munozara 17:33, 12-Iyul 2024 (UTC)

Assalomu aleykum @Nataev Nodir aka ha toʻgʻri 6-aprel kuni xulosa chiqaruvchi statusini olganman, nomzodim 15 kundan ortiq turgan, bunda tajribali foydalanuchilar yoki adminlar ovoz berishmagan boʻlishsa bu meni aybim emas deb oʻlayman.

VP:MZga keladigan boʻlsak bularning oila aʼzolari bilan toʻgʻridan-toʻgʻri hechqanday aloqam yoʻq. Bu oila aʼzolarini institutni kanallarida chiqganda koʻrganman [1] shundan keyin maqolasini yozganman.

Turkumga keladigan boʻlsa bu tukumni ushbu[2] turkumga qarab yaratganman.

AT maqolalar oromgoh davrida yaratilgan boʻlib hali hammasini tuzatishga vaqtim boʻlmaganligi uchu hali turibdi. Lekin birinchi yaratilgan maqolalardan boshlab tahrirlab kelmoqdaman.

Statusdan nooʻrin yoki qoidalarga zid foydalanganim yoʻq deb oʻylayman shuning uchun statusdan bir imkon berishingizni soʻrayman.

Ibrohimjon 10:35, 13-Iyul 2024 (UTC)

tajribali foydalanuchilar yoki adminlar ovoz berishmagan boʻlishsa bu meni aybim emas deb oʻlayman -- bu holat sizni aybingiz demadim. Shunchaki Mirzoulugʻbek aka shoshib, bafurja tekshirmay xulosa chiqargan. Hissangizni yaqindan tekshirib, hali oʻrganishingiz kerak narsalar koʻp ekanligiga amin boʻldim.

bularning oila aʼzolari bilan toʻgʻridan-toʻgʻri hechqanday aloqam yoʻq -- unda original suratlarni qayerdan oldingiz? Tanimayman dedingiz, demak suratlar siz koʻrsatgandek oʻz ishingiz emas. Yaʼni, iddaongiz yolgʻon.

Chala turkumdan oʻrnak olib chala turkum yaratish ishingizni oqlamaydi. Status olgan foydalanuvchi yaxshi ishlashi kerak.

AT maqolalar oromgoh davrida yaratilgan boʻlib hali hammasini tuzatishga vaqtim boʻlmaganligi uchu hali turibdi -- ATni yaratishdan oldin tahrirlash kerak, ayniqsa status egalari.

Statusdan esa qoidalarga zid foydalanganingiz uchun emas, unga hali loyiq emasligingiz uchun mahrum qilinishingiz kerak deb hisoblayman. P.S. Munozarada qatnashayotganda toʻgʻri formatlashni oʻrganing. Har bir yangi paragraf emas, har bir yangi javob indent qilinadi. Nataev ^munozara 13:43, 13-Iyul 2024 (UTC)

Aha yuqorida aytib oʻtganlaringiz tushunarli, VP:MZ bu qoida boʻyicha yetarli darajada maʼlumotga emas edim boshqa tillardagini koʻrib oʻzim uchun yetarlicha maʼlumot oldim deb oʻylayman. Bunday holat boshqa qaytarilmasligini va bunga yoʻl qoʻymasligimni vada beraman. Ibrohimjon 21:01, 13-Iyul 2024 (UTC)

Status masalasida maʼlum bir vaqt vaqt berishingizni soʻrayman agarda hissamdagi maqolalar yaxshi holatga keltirilmasa va bundan keyin sifatsiz maqolalar yaratadigan boʻlsam ushbu statulardan mahrum qilishingiz mumkin. Ibrohimjon 05:23, 14-Iyul 2024 (UTC)

Foydalanuvchini xulosa chiqaruchi va eski holiga qaytaruvchi huquqlaridan mahrum qilish taklifini qoʻllab-quvvatlayman. Jamshid Nurqul (munozara) 17:44, 12-Iyul 2024 (UTC)

Men qoʻllab-quvvatlayman / Artemev Nikolay (munozara) 18:18, 12-Iyul 2024 (UTC)

Statusga qoʻyilgan koʻchirilgan maqolani tekshirib ham koʻrmay, maqola oʻchirilgan deya chiqargan xulosangizchi? ANJANIY^#gurung 17:40, 14-Iyul 2024 (UTC)

Maqola koʻrilgan, men qaragan paytda maqola qizil yani oʻchirilgan sahifa boʻlib turgandi. Agarda sahifa oʻchirlmagan boʻlsa bu [3] kabi qizil turmasdi. Keyin yoʻnaltirish qoldirmasdan koʻchirganligiga guvoh boʻldim. Vikida ayrim xatolar boʻlib turadi. Hech qanday xato qilmay hissa qoʻshadigan foydalanuvchining oʻzi yoʻq. Ibrohimjon 18:53, 14-Iyul 2024 (UTC)

Ushbu qoʻpol xatolik sabab huquqlardan mahrum qilish taklifini qoʻllab quvvatlayman. ANJANIY^#gurung 17:43, 14-Iyul 2024 (UTC)

Abdufattohov Ibrohimjon yuqorida AT boʻyicha keltirib oʻtilgan xatolik hamda kamchiliklarni tuzatish boʻyicha shu kunga qadar tayinli ish qilmaganingiz koʻzga tashlanmoqda. Manimcha, bu uchun vaqtingiz boʻlmadi. Xulosa chiqaruvchilarning maqsadi faqatgina maqolalarni oʻchirish emas, imkon boricha EAga mos maqolalarni saqlab qolishdan ham iborat. Oʻchirgan hissangizni tekshirish jarayonida Boysun bekligi maqolasini ham muhokamasiz oʻchirib yuborganingizga koʻzim tushdi. Asos sifatida boʻsh yoki test sahifa koʻrsatilgan. Holbuki, maqola test yoki boʻsh sahifa tarzida yaratilmagan, bitta manbaga ham ega ekan. EA talablariga javob beradigan ushbu maqola ustida biroz ishlab saqlab qolish mumkin emasmidi yoki statusdan maqsad faqatgina maqolalarni oʻchirish deb oʻylaysizmi? Laziz Baxtiyorov (munozara) 17:42, 17-Iyul 2024 (UTC)

Salom. Ha toʻgʻri AT maqolalarni hammasini hali hanuz tuzatib boʻlmadim sababi vikipediyadan tashqari ham ishlayman shuning uchun yetatli vaqt boʻlmadi. Ushbu oʻchirilgan maqola yaratilgan paytda test sahifa koʻrinishida, tilga ulanmagan holda boʻlganligi uchun oʻchirilgan deb oʻylayman. Yoʻq albatta xulosa chiqaruvchilarning maqsadi faqatgina maqolalarni oʻchirish deb oʻylamayman, ogʻir ahvoldagi maqolalarni tuzatib yaxshi holatga keltirib, ensiklopedik ahamiyati shubha ostidagi maqolalarni AE sini ochib berish va shu kabi ishlarni amalga oshiradi deb oʻylaman. Oʻzim ham yangi yaratilgan va shunga oʻxshash maqolalarni asrab qolish uchun kerak boʻlsa munozarasida ogonlantirib oʻtyapman imkonim boricha[4] va bundan keyin ham EAga ega maqolalarni asrab qolishga harakat qilaman. Haqiqatdan oʻchirishda ancha koʻp maqolalarni oʻchiraman. Misol uchun: test sahifa, reklama, IP orqali mazmunsiz yozilgan maqolalar. Agar bunday maqolalar oʻchirib turilmasa haddan ziyod oshib ketadi deb oʻylayman. Fikrlar uchun tashakkur!!! Ibrohimjon 18:44, 17-Iyul 2024 (UTC)

maqola yaratilgan paytda test sahifa koʻrinishida, tilga ulanmagan holda boʻlganligi uchun oʻchirilgan sizning fikringizcha hamma yangi yaratilgan maqolalar tilga ulanishi shartmi? Test sahifa deganda qanaqa sahifalarni tushunasiz? Maqola yaratilgan vaqtda tuzilishi test sahifa boʻlmagan, deb oʻylayman. Qolaversa, mavzu EAga egaligi aniq va matnda bitta manba ham koʻrsatib oʻtilgan. Laziz Baxtiyorov (munozara) 19:54, 17-Iyul 2024 (UTC)

Menimcha ha tilga ulanishi kerak chunki uzvikida tilga ulanmagan maqolalar koʻp bitta maqola 2 yoki 3 marta yaratilganini guvohi boʻlganman shuning uchun ham yaratilgan paytda maʼlum bir vaqt ichida ulanishi kerak. Bunday maqolalar hali koʻp, agar oʻchirmaganimda maqola ancha muddat qolib ketishi ham mumkin edi. Ibrohimjon 03:42, 18-Iyul 2024 (UTC)

Ibrohimjon unda boshqa tillarda boʻlmagan, hozircha faqat UzWikida mavjud maqolalar saqlanmasligi kerak fikringizcha. Toʻgʻri tushundimmi? Ikkinchidan maqola yaratilishidan 50 daqiqa oʻtib oʻchirvorishni tabiiy holat deb hisoblaysizmi? Laziz Baxtiyorov (munozara) 16:30, 18-Iyul 2024 (UTC)

Bu yerda menimcha ham tarjima maqolalar haqida ketayapti shekilli gap? Yoʻq nega saqlanmasligi kerak deyapsiz? Nima sababdan vaziyatni yana chigallashtirmoqdasiz? Boshqa tillarda boʻlmagan maqolalarni qanday tilga ulash mumkin? Agarda usha maqolani boshqa bir tajribali foydalanuvchilar yaxshi holda yaratishi ham mumkin edi. Ibrohimjon 16:44, 18-Iyul 2024 (UTC)

Bu yerda gap yuqoridagi Boysun bekligi maqolasi uchun bergan izohingiz boʻyicha ketmoqda. Saqlanmasligi kerak, demayapman. Fikringizdan shunaqa xulosa qilish mumkinmi, demoqchiman. Xulosa chiqaruvchi statusi egasi sifatida maqolaning boshqa tillardagi versiyasi mavjud yoki yoʻqligiga qiziqmasdan, shunchaki oʻchirib yuborganingiz esa qiziq boʻlmoqda Laziz Baxtiyorov (munozara) 16:48, 18-Iyul 2024 (UTC)

Agarda usha maqolani boshqa bir tajribali foydalanuvchilar yaxshi holda yaratishi ham mumkin edi. ushbu fikrni qaysi qoidaga asosan aytganingizni ochiqlay olasizmi? Laziz Baxtiyorov (munozara) 16:49, 18-Iyul 2024 (UTC)

Natija

Bajarildi. Abdufattohov Ibrohimjon, xulosa chiqaruvchi huquqini qayta olmoqchi boʻlsangiz, nomzodingizni maʼlum vaqtdan keyin alohida koʻrsatishingiz kerak boʻladi. Bundan nari qoidalarni, xususan, VP:BIOni yaxshiroq oʻzlashtirasiz va munozarada koʻrsatilgan boshqa kamchiliklarni takrorlamaysiz deb umid qilamiz. — Kagansky ^munozara 11:48, 19-iyul 2024 (UTC)

Ushbu munozara yopiq. Iltimos, bu yerga oʻzgartirishlar kiritmang.

Content Translation uskunasini suiisteʼmol qil(ayot)gan foydalanuvchilar roʻyxati

Quyidagi munozara yopiq. Iltimos, bu yerga oʻzgartirishlar kiritmang.

2022-yilda WikiStipendiya marafoniga start berilganidan keyin Vikipediyaga kirib kelgan ashaddiy ATchilar roʻyxatini tuzishga ehtiyoj bor. Bu marafon mobaynida va tugaganidan keyin loyihani axlat tarjimalardan tozalash uchun kerak boʻladi. Roʻyxatni hozircha shu yerda tuzsak, keyin boshqa sahifaga olib oʻtishimiz mumkin boʻladi. Roʻyxatga foydalanuvchilarni roʻyxatdan oʻtgan sanasiga koʻra kiritib borishimiz mumkin.

2022

Skromnaya (munozara · hissa · oʻchirilgan hissa · qaydlar · filtrlash qaydlari · chetlatish · chetlatish qaydlari · huquqlar)

2024

Dotnetgirl (munozara · hissa · oʻchirilgan hissa · qaydlar · filtrlash qaydlari · chetlatish · chetlatish qaydlari · huquqlar)
Elbek Uchqunovich (munozara · hissa · oʻchirilgan hissa · qaydlar · filtrlash qaydlari · chetlatish · chetlatish qaydlari · huquqlar)
Jabborov Azizbek (munozara · hissa · oʻchirilgan hissa · qaydlar · filtrlash qaydlari · chetlatish · chetlatish qaydlari · huquqlar)

Alpasli (munozara) 17:47, 22-iyul 2024 (UTC)

Juda muhim mavzu. Asosan aynan WikiStipendiya doirasida AT kontent yaratil(ayot)gani uchun muhokamani loyiha forumida davom etsak boʻladi. Nataev ^munozara 18:19, 31-iyul 2024 (UTC)

Ushbu munozara yopiq. Iltimos, bu yerga oʻzgartirishlar kiritmang.

ShohjahonSobirov

Quyidagi munozara yopiq. Iltimos, bu yerga oʻzgartirishlar kiritmang.

ShohjahonSobirov (munozara · hissa · oʻchirilgan hissa · qaydlar · filtrlash qaydlari · chetlatish · chetlatish qaydlari · huquqlar) „WikiStipendiya“ loyihasi forumida yozganimdek, uch huquqqa ega (xulosa chiqaruvchi, interfeys administratori va eski holiga qaytaruvchi) ushbu foydalanuvchi muntazam ravishda Content Translation uskunasini suiisteʼmol qilib keladi. Yaratgan mashina tarjimasidan iborat maqolalar oʻzbekcha Vikipediya uchun katta minus va butun loyihaning obroʻyiga putur yetkazadi. Bunday ish koʻradigan foydalanuvchi yuqoridagi uch huquqqa munosib emas. ShohjahonSobirovni uchala huquqdan ham mahrum qilishni, yaratgan har bir maqolasini tekshirishga chorlashni, parallel tarzda bemaʼni tarjima maqolalarini faol oʻchirishni taklif qilaman. Nataev ^munozara 16:35, 2-avgust 2024 (UTC)

Agar ushbu foydalanuvchi chindan ham maqolalarida avtomat tarjimalarga yoʻl qoʻygan boʻlsa huquqlaridan mahrum qilinishiga

Roziman.-- Mirzoulugʻbek |@ 16:45, 2-avgust 2024 (UTC)

Rahmat fikrlar uchun) Programmer (munozara) 19:42, 2-avgust 2024 (UTC)

@Nataev aka men ham forumda o'z fikrlarimni bildirdim. Ko'rsatib o'tgan maqolalaringiz aksariyati status olishimdan avval 1-mavsum yozgan maqolalarim. Bular tuzatiladi barchasi qo'limdan kelgancha) Programmer (munozara) 17:08, 2-avgust 2024 (UTC)

Ko'rsatib o'tgan maqolalaringiz aksariyati status olishimdan avval 1-mavsum yozgan maqolalarim. -- demak aslida huquq berilmasligi kerak boʻlgan.

Loyiha forumida interfeys adminstratorligini olib, 10 ga yaqin gadjetlarni uzwikiga olib o'tdim. 100 K dan oshiq tahrirlar qildim deb yozibsiz. Aynan qaysi gadjetlarni olib oʻtdingiz? 100k tahrir nimadan iborat? Yaratgan kontentingizni tahrir qilishga ham vaʼda beribsiz. Qariyib 2,5 ming sahifani tahrirlash uchun qancha muddat ketadi bilasizmi? Nataev ^munozara 18:30, 2-avgust 2024 (UTC)

Fayl:ShohjahonSobirov gadjetlar(1).png, Fayl:ShohjahonSobirov gadjetlar(2).png

Gadjetlar:

Switcher (sukut bo'yicha barchada yoniq) - vazifasi xaritalarda 3 xil xaritani ko'rsatish imkonini beruvchi gadjet. Men gadjet qo'shmasimdan oldin, uzwikida bilgiqutida xaritalar turli xil ko'rinishida chiqmas edi.
Prosesize - sahifa haqida to'liq ma'lumot beruvchi gadjet. (Foydalanuvchilar soni: 154; Faol foydalanuvchilar:72)
ProveIt - sahifada manbalar bilan ishlashni osonlashtiruvchi gadjet ya'ni qo'shish, olib tashlash, tahrirlash uchun. (Foydalanuvchilar soni: 112; Faol foydalanuvchilar: 37)
defaultsummaries - Tahrirdan so'ng qisqa tavsif izohini avtomatik qo'shish uchun gadjet
PageCreator - sahifa yaratuvchisi, tahrirlar soni va foydalanuvchi haqida ma'lumotlarni taqdim etuvchi gadjet
script-installer - javascript fayllarini avtomatik o'rnatish uchun gadjet
VizualTahrir - Vikipediya nomi ostida yaratilgan, andoza sahifalariga vizual tahrirlashni amalga oshirish uchun yordam beradigan gadjet
UTCLiveClock - foydalanuvchiga UTC vaqtini o'ng burchakda ko'rsatib turuvchi gadjet
Antivandal - Vandalizmga qarshi kurashuvchi gadjet. Wikimedians guruhida uni ishlagani va ishlashi bo'yicha screenshotlar ulashganman
GoogleTrans - Xohlagan matn ustiga kursorni olib borib, shift tugmasi bosilganda, so'zning tarjimasini (uzb->rus; uzb->en, va hokazo) ko'rsatadi

Men qo'shgan gadjetlar tarixini mana bu sahifadan ham bemalol ko'rishingiz mumkin. MediaWiki:Gadgets-definition Programmer (munozara) 19:11, 2-avgust 2024 (UTC)

Undan tashqari, maqolalarga loyihalardagi daraja bilan ahamiyatlilikni qo'shdim andozalarda. Turkiya, AQSh, Ispaniya, Fransiya geografiyasiga oid chala maqolalarni Chala darajani qo'shdim. Hozirgi kunda ham jarayon davom etmoqda. Yangi foydalanuvchilar munozara sahifalari, yangi yaratilayotgan maqolalar munozara sahifalarini ochib chiqishda faolman. Yana bir jihat, Turkum:WeekieHogwarts oromgohi maqolalari, Turkum:Vikipediya:WeekieHogwarts II maqolalari turkumiga maqolalarni yig'dim. Munozara sahifalarini ochdim. Umumiy regex dan foydalangan holda, maqolalardagi umumiy texnik xatoliklarni tuzatdim. 100 K dan oshishini tahrirlar sonimi, qandaydir yomon tomoni bormi? Programmer (munozara) 19:25, 2-avgust 2024 (UTC) muntazam ravishda Content Translation uskunasini suiisteʼmol qilib keladi bu iddaoyingiz xato. Chunki 1-mavsumdan keyin kamdan-kam maqola tarjima qilganman. Yuqorida ko'rsatayotgan maqolalar 1-mavsumdagi adashmasam birinchi 3 oylik maqolalar, Sport, ordenlar mavzusidagi maqolalarda juda qo'pol xatolar bor. Buni to'g'irlab chiqishga harakat qilaman Programmer (munozara) 19:41, 2-avgust 2024 (UTC)

2.5 K maqolani hammasi u holatda emas. Boshida avval kiritgan maqolalarim siz ko'rsatgan holatda bo'lishi kerak. Buni tan olaman. Lekin maqolalarni tuzatishga harakat qilaman demoqdaman. @Nataev O'zingiz aytganingizdek, katta ma'nosiz maqola bo'lgandan kichik tushunarli maqola bo'lgani soz gapingizga rioya qilgan holda qo'limdan kelgacha tushunarli holatga keltirishga harakat qilmoqchiman. Programmer (munozara) 19:17, 2-avgust 2024 (UTC)

Endi esa qolgan ikki statusga yuzlansak. Eski holiga qaytaruvchi statusini Vikipediya:AntiVandal ni uzwikiga qo'shayotganimda, zarurligi uchun olganman. Chunki huquqim bo'lmasa, gadjetni hattoki test rejimda ham ishlatib ko'ra olmas edim so'ng hozir VandalCleaner gadjeti ustida ishlayapman shu uchun ham kerak bo'layotgan edi. Xulosa chiqaruvchi statusiga kelsak, test sahifalar ko'payib ketayotgani gadjetlar yaratish jarayonida, so'ng doimiy faollikda bo'lib turib, ko'p hollarda Vikipediya qoidalariga zid maqolalar yozilganda ko'riboq o'chira olishim uchun olgan edim. Ya'ni yuqorida ko'rib turganingizdek, hech bir statusni prosta pagon uchun olmaganman. Tegishli barchasidan ezgu maqsadda foydalanganman. WikiClublardagi va oromgohlardagi faoliyatimga to'xtalishga esa menimcha hojat yo'q deb o'ylayman. Maqolalarimni esa tuzatib chiqishga harakat qilaman. Programmer (munozara) 19:35, 2-avgust 2024 (UTC)

Sizni birov "prosta pagon" ("prosto" yoziladi, aytangcha) huquq olganlikda ayblamadi. Hissangizni tahlil qilib, statusga loyiq emas ekanligingizni xulosa qildim. Gadjetlar boʻyicha javobingiz men uchun qoniqarli. Ammo xulosa chiqaruvchi va eski holiga qaytaruvchi huquqlaridan mahrum qilinishingiz tarafdoriman, chunki ishonchni oqlay olmadingiz.

Aygancha, har bir javobni indent qilishni oʻrganing. Yuqoridagi javoblaringiz boʻtqa boʻlib qolibdi. Nataev ^munozara 19:47, 2-avgust 2024 (UTC)

Tegishli ko'rsatmalarga tayanib, xulosa chiqargan holda harakat qilaman! Xulosa chiqaruvchi va eski holiga qaytaruvchi statuslari olinishiga esa qarshi emasman @Nataev Programmer (munozara) 19:52, 2-avgust 2024 (UTC)

Roziman. Fikrlarimni narigi forumda ham bildirdim. Bu yerda ham bildirilgan fikrlarga toʻliq qoʻshilaman va bu yerda yozilgan barcha takliflarni qoʻllab-quvvatlayman. Jamshid Nurqul (munozara) Jamshid Nurqul (munozara) 18:24, 2-avgust 2024 (UTC)

Roziman. Avtomatik tarjimalarga Vikipediyada o’rin yo’q. Foydasiz ma’lumot. — Casual (munozara) 20:26, 2-avgust 2024 (UTC)

Bajarildi. ShohjahonSobirov, har bir maqolangizni ko‘rib chiqish va’dangiz ustidan chiqasiz deb umid qilaman. Interfeys administratori huquqi beradigan imkoniyatlardan esa o‘ta ehtiyotkorlik bilan foydalaning. Nataev ^munozara 17:08, 8-avgust 2024 (UTC)

Ushbu munozara yopiq. Iltimos, bu yerga oʻzgartirishlar kiritmang.

User spam

Umidjon Mamarasulov (munozarasi • hissasi • oʻchirilgan hissasi • qaydlar • suiisteʼmollar filtri qaydlari • foydalanuvchini bloklash • chetlashtirish qaydlari): Sorry I written English. This user massive spam link much article. Please block user and rollback all. Ayane aka. eunn 07:29, 2024-yil 22-oktyabr (UTC)[javob berish]

@Umidjon Mamarasulov, manbalarni tekshirib qoʻshyapsizmi? Masalan, mana bu tahrirni olaylik. Siz manba qilib koʻrsatgan gazetaning nechanchi sahifasida Ibrohim Gʻafurov "Doʻstlik" ordeni bilan taqdirlangani koʻrsatilgan? Link eltadigan birinchi sahifasida Chingiz Aytmatov ushbu mukofot bilan taqdirlangani aytilgan. Gʻofurov haqidagi maʼlumot qayerda? Manbalarni tekshirmay qoʻshayotgan boʻlsangiz, zudlik bilan bu ishni toʻxtating. Nataev ^munozara 02:51, 2024-yil 5-noyabr (UTC)[javob berish]

Bu foydalanuvchi yaratayotgan maqolalarda muallifilk huquqlarini yaqqol buzilishi alomatlari kuzatilmoqda. Menimcha, biror davlat tashkilotidan buyurtma asosida yozmoqda. Umarxon III (munozara) 07:53, 2024-yil 5-noyabr (UTC).[javob berish]

Shunday. Oʻzbekiston parlament saylovi (2019) maqolasida mualliflik huquqlarini yaqqol buzibdi. Hissasini tezda koʻrib chiqishimiz kerak. Nataev ^munozara 20:14, 2024-yil 5-noyabr (UTC)[javob berish]

Laziz Baxtiyorovni administrator huquqidan mahrum qilish

Laziz Baxtiyorov (munozara · hissa · oʻchirilgan hissa · qaydlar · filtrlash qaydlari · chetlatish · chetlatish qaydlari · huquqlar)

Quyidagi munozara yopiq. Iltimos, bu yerga oʻzgartirishlar kiritmang.

Yuqoridagi uzundan-uzoq muhokamada yozilganidek, ushbu foydalanuvchi gʻarazli niyatlarni koʻzlab, boshqa administrator ustidan kulish niyatida haqoratomuz nomlar bilan qoʻgʻirchoq hisoblarni yaratgan, ayni administratorni onlayn va real hayotda taʼqib qilgan. Bundan tashqari, administrator huquqi ega boʻlishiga qaramay, AT kontent yaratgan, minglab sahifada qoʻllangan andozani izohsiz tahrirlab, buzib qoʻygan (va bu holat bir hafta davomida tuzatilmagan). Shuning uchun foydalanuvchini administrator huquqidan mahrum qilishni taklif qilaman. Nataev ^munozara 17:42, 2024-yil 5-noyabr (UTC)[javob berish]

Soʻnggi dalil

Assalamu aleykum! Hurmatli adminlar va rasmiyatchilar. Men shuncha vaqtdan buyon asosiy dalil va isbotlarni oshkora qilmay yurdim. Biroq bu yerda Laziz Baxtiyorovning ayrim shogirdlarini ishga solgani yoki ularning oʻzlari umrida ovoz berishda ishtirok etmay bir vaqning oʻzida birdaniga ovoz bergani uchun bu yozishmani oshkor qilishga majbur boʻldim. Yuqorida Nataev keltirgan faklarni men bermaganman va bir qancha marotaba "siz bilsangiz bering" desa ham men rad etib kelganman. Bu yozishma haqida u hech narsa bilmasdan turib tahlil qilganida uni professionalligiga tan qolganman. Bu munozarani adolat uchun yopish kerak deb oʻylayman. Shuningdek har kim qanday qilmish qilsa jazosini olishi zarur. Agar menda ayb boʻlsa ham bu aybimga javob berishga tayyorman. Shuningdek Vikipediyada biror bir odamni bloklanishi yoki huquqidan mahrum boʻlishi bu ovoz berish emas, balki muhokama orqali aniq dalillarni keltirish ekanligini eslatib qoʻymoqchiman. Laziz Baxtiyorovga mening shaxsiy adovatim yoʻq va shuningdek boshqa ishtirokchiga ham. Biroq men har bir ish adolatli boʻlishi tarafdoriman. Mana bu skrinshotda koʻrishingiz mumkinki, Laziz Baxityorov Alpaslini taʼqib qilish va mazax qilish maqsadida haqoratli nomlar bilan qoʻgʻrichoq hisoblarni yaratganini Telegram men bulan suhbatda shaxsan oʻzi tan olgan. Yaʼni, Laziz Baxtiyorov naqadar kodeksni buzgan, balki ayblovlarini yolgʻondan tan olmagan (ayblovlarni rad etishdan oldin checkuser natijasi chiqishini kutgani ham eʼtiborga loyiq). Endilikda esa meatpuppetryga qoʻl urmoqda, yaʼni tanishlari-- Mirzoulugʻbek |@ 14:31, 2024-yil 7-noyabr (UTC)[javob berish]

Quyida qarshi ovoz bergan foydalanuvchilaring aksari dalillar yetarsiz ekanligini vaj qillyapti, ammo bu ulkan yanglish. Shu bilan birga, eslatib oʻtishim kerakki, qarshi ovoz bergan foydalanuvchilar Laziz Baxtiyorovning yaqinlari. Xususan, @Mirzoulugʻbek tomonidan keltirilgan aniq dalilni oʻqimasdan ovoz bergan @Visola Tangirova bir necha oromgohda Laziz Baxtiyorov guruhida boʻlgan. (Isbot). Shuningdek, @Doniyor Yóldoshev, @Rabiga Shabatova, @Janob Mirzaolim va @Mirishkorlik ham uning yaqini hamda soʻzda shogirdlari. Buni ismi sanab oʻtilgan foydalanuvchilar rad etmaydi. @Kamol Azzamga kelsak, dalil yetarsizligi borasida fikr yuritgan, yuqorida keltirilgan dalil uning uchun yetarli boʻladi nazdimda. Ovoz berishda ishtirok etgan foydalanuvchilar qoidalarga amal qilmayotgani va soxta ovozlar orqali munozara natijasini oʻzgartirishga urinayitgani kundek ravshan. Keng miqyosdagi chora koʻrilmasidan avval ushbu holatga neytral boʻlish shart. Alpasli (munozara) 15:56, 2024-yil 7-noyabr (UTC)[javob berish]

Dahshat! @Mirzoulugʻbek aka ulashgan dalil masalaga uzil-kesil nuqta qoʻyadi. Laziz Baxtiyorov va u yaratgan qoʻgʻirchoq hisoblarning vikidagi faoliyatini tahlil qilib, toʻgʻri xulosa chiqarganim oʻz tasdigʻini topdi.

Achinarlisi, tegishli xulosa chiqarish oʻrniga en:WP:CANVASS va en:WP:MEATga qoʻl urdi. Ushbu vaziyatda nafaqat administratorlik huquqidan mahrum qilinishi, balki loyihada cheksiz muddatga bloklanishi kerak. ArbCom 2005-yilda chiqargan qarorga koʻra, „jonli qoʻgʻirchoqlik“ qilgan foydalanuvchilar (tajribali boʻlsa-da) munozaralarni hal qilishda asosiy ayblanuvchining qoʻgʻirchoq hisoblari oʻlaroq koʻrilishi mumkin:

A 2005 Arbitration Committee decision established: "For the purpose of dispute resolution when there is uncertainty whether a party is one user with sockpuppets or several users with similar editing habits they may be treated as one user with sockpuppets.

Shuningdek, viki tashqarisida – bu holatda Telegramda – yaqinlarini ovoz berishga chorlash stealth canvassingga kiradi va bu nomaqbul harakat hisoblanadi.

„Jonli qoʻgʻirchoqlarni ishga solish“ va „fikr ovlash“ boʻyicha yuqorida bildirilgan fikrlar toʻppa-toʻgʻri va buni tasdiqlash oson: 1) Umrida VP:AF sahifasini tahrir qilmagan foydalanuvchilar 2) bir kunda, bir necha soat ichida ovoz berdi va 3) hammasi Laziz Baxtiyorov bilan shaxsan tanish va WikiStipendiya doirasidagi uyushtirilgan kamida bir oromgohda bir jamoada, boʻlganda ham Laziz Baxtiyorov jamoasida boʻlgan (masalan, mana bu yerdagi 6-guruh aʼzolari orasida Mirishkorlik, Visola Tangirova va Rabiga Shabatova bor). Ovoz berganlarga birma-bir toʻxtaladigan boʻlsam:

@Doniyor Yóldoshev (00:57, 2024-yil 7-noyabr (UTC)): Laziz bilan shaxsan tanish, kamida bitta oromgohda uning jamoasida boʻlgan va ushbu sahifani bundan oldin umrida tahrirlamagan[javob berish]
@Mirishkorlik (07:46, 2024-yil 7-noyabr (UTC)): bu ham Laziz bilan shaxsan tanish, kamida bitta oromgohda uning jamoasida boʻlgan va ushbu sahifani umrida tahrirlamagan[javob berish]
@Rabiga Shabatova (08:08, 2024-yil 7-noyabr (UTC)): bu ham Laziz bilan shaxsan tanish, kamida bitta oromgohda uning jamoasida boʻlgan va ushbu sahifani umrida tahrirlamagan[javob berish]
@Janob Mirzaolim (11:48, 2024-yil 7-noyabr (UTC)): bu ham Laziz bilan shaxsan tanish va bu ham ushbu sahifani umrida tahrirlamagan[javob berish]
@Visola Tangirova (14:36, 2024-yil 7-noyabr (UTC)): bu ham Laziz bilan shaxsan tanish, kamida bitta oromgohda uning jamoasida boʻlgan va ushbu sahifani umrida tahrirlamagan[javob berish]

Faqat @Kamol Azzam bu yerda oʻz mustaqil fikrini izhor qilgan, ammo oʻz fikrlarini Mirzoulugʻbek aka yakuniy dalilni ulashishlaridan oldin yozgan.

Xulosa qilib aytadigan boʻlsam, quyidagi choralar koʻrilishi kerak:

1) Laziz Baxtiyorov administrator huquqidan mahrum qilinsin va cheksiz muddatga bloklansin;

2) Doniyor Yóldoshev, Mirishkorlik, Rabiga Shabatova, Janob Mirzaolim, Visola Tangirova kamida ogohlantirilsin, yaxshisi (saboq chiqarishi va boshqalarga oʻrnak boʻlishi uchun) muayyan muddatga bloklansin.

May oyida beri davom etayotgan bu mashmasha oʻz yakuniga yaqinlab qoldi. Nataev ^munozara 17:08, 2024-yil 7-noyabr (UTC)[javob berish]

::::Assalomu alaykum @Nataev ogʻa bu sahifani umrimda tahrirlamagan boʻlishim mumkin, ammo kuzatib kelaman. Men faqat bir marotaba oromgohda Laziz Baxtiyorovning guruhida boʻlganman. Foydalanuvchini administrator sifatida faol boʻlgani va qoida koʻrsatmalarni tarjima qilganini guvohi boʻlganman. Vikpediyadagi faoliyati davomida salmoqli hissa qoʻshgani esa hammaga ayon. Men quyidagi va ushbu fikrimni ham shaxsan yozyapman. Yuqoridagi mojaroga kelsak, ikki adminstratorni yarashtirish tarafdori edim. @Alpasli haqiqatda Laziz Baxtiyorov sizni ranjitgan boʻlsa kechirim soʻrasa siz balki kechirarsiz. Bloklansa bir faol foydalanuvchini yoʻqotamiz-ku. Siz esa til jonkuyari sifatida aniq xursand boʻlmasangz kerak. Agar yana takrorlansa global bloklash tarafdoriman. Administratorlarimiz koʻp boʻlsa-da yarmidan kami oddiy foydalanuvchi qiladigan tahrirlarni qilib turishadi. Bir necha administratorlar esa deyarli nofaol. Yana qayta aytaman bu fikrni hech qanday taʼsir va undovlarsiz yozdim. --Mirishkorlik (munozara) 18:57, 2024-yil 7-noyabr (UTC)[javob berish]

Izohlar

Foydalanuvchida Sockpuppetry va ovozlarni manipulyatsiya qilish ya’ni Meatpuppetry alomatlar yaqqol mavjud. Foydalanuvchini bloklashga qarshi berilgan qo‘sh tirnoq ichidagi qarshi ovozlarni bekor qilishingizni so‘rayman. – ITPRO.UZ (munozara) 17:55, 2024-yil 7-noyabr (UTC)[javob berish]

Albatta, @Doniyor Yóldoshev, @Mirishkorlik, @Rabiga Shabatova, @Janob Mirzaolim va @Visola Tangirova ovoz hisobga olinmaydi. Shu oʻrinda aytish joizki, oʻzi mustaqil fikrlay olmay, boshqa foydalanuvchi qistovi bilan tahrir qiladiganlarga qarshi tegishli chora koʻrilishi mumkin: Sanctions have been applied to editors of longer standing who have not, in the opinion of Wikipedia's administrative bodies, consistently exercised independent judgment." Nataev ^munozara 18:02, 2024-yil 7-noyabr (UTC)[javob berish]

Rozilar

Roziman – munozarani ochgan foydalanuvchi sifatida ilk ovozni beryapman. Alpasli (munozara) 17:46, 2024-yil 5-noyabr (UTC)[javob berish]
Roziman – men yuqorida oʻz fiklarimni aytib oʻtdim. Biz Lazizni bu huquqlarsiz ham faol boʻlishini va albatta har bir foydalanuvchi bundan xulosa chiqarishini soʻraymiz. – Mirzoulugʻbek |@ 19:00, 2024-yil 5-noyabr (UTC)[javob berish]
Roziman – ITPRO.UZ (munozara) 12:48, 2024-yil 6-noyabr (UTC)[javob berish]

Qarshilar

Qarshiman – Yuqoridagi munozarada Foydalanuvchi:Laziz Baxtiyorovning aybdorligini tasdiqlovchi aniq dalillar mavjud emasligi uchun qarshi ovoz beryabman. Laziz Baxtiyorovning shu paytgacha yozgan maqolalari status olib kelgan. Tarix, diplomatiya, urushlar va nizolar hamda tarixiy obidalar yoʻnalishidagi maqolalar juda ajoyib yozilgan. Doniyor Yóldoshev (munozara) 00:57, 2024-yil 7-noyabr (UTC)[javob berish]
Bu xabarni yozgan foydalanuvchi Laziz Baxtiyorovning shaxsiy tanishi boʻlib, kamida bir WikiStipendiya oromgohida uning boshqaruvidagi jamoa aʼzosi boʻlgan. Shuningdek, foydalanuvchi ushbu sahifani bundan oldin umrida tahrirlamagan. Nataev ^munozara 17:29, 2024-yil 7-noyabr (UTC)[javob berish]
WikiStipendiya oromgohida uning boshqaruvidagi jamoa aʼzosi boʻlgan debsiz, men Laziz Baxtiyorovning jamoasida ishtirokchi ham koordinator ham boʻlmaganman. Bitta ham tahrir qilmagan degan masalada boʻlsa forumni anchadan beri kuzataman bu birinchi tahririm boʻlgani hech qanday xato joyi yoʻq deb oʻylayman. Qarshi ovoz berishimni sababi Laziz Baxtiyorov administrator sifatida Wikistipendiya hamda Vikipediyaga ham kerak deb hisoblayman. Chunki ular Oromgohlarda qanchadan qancha ishtirokchilarga ustozlik qilib, maqola yozish va tahrir qilishga koʻmaklashgan. Toʻgʻri bu vazifasi boʻlishi mumkindir ammo qadrlanishi kerak deb oʻylayman. Meni forumda oʻz fikrimni bildirganim uchun bloklasangiz ham mayli hurmatli ustoz @Nataev. Doniyor Yóldoshev (munozara) 04:52, 2024-yil 8-noyabr (UTC)[javob berish]

# Qarshiman – ushbu foydalanuvchining administrator sifatidagi hissasi salmoqli va ancha faol administratorlardan biri. Yuqoridagi mojaroni esa yarashuv bilan yakunlash tarafdoriman. Ikkala admin oʻzaro yarashtirilsa, oʻtgan voqealar unutilsa. Mana shu hodisalarni aniqlash surishtirishga ketgan vaqtni vikidagi faoliyatimizga bagʻishlaylik. Administrator aytib oʻtilgan xatolarini yana takrorlasa ovozimni koʻrib chiqaman. – Mirishkorlik (munozara) 07:46, 2024-yil 7-noyabr (UTC)[javob berish]

Bu xabarni yozgan foydalanuvchi Laziz Baxtiyorovning shaxsiy tanishi boʻlib, kamida bir WikiStipendiya oromgohida uning boshqaruvidagi jamoa aʼzosi boʻlgan. Shuningdek, foydalanuvchi ushbu sahifani bundan oldin umrida tahrirlamagan. Nataev ^munozara 17:29, 2024-yil 7-noyabr (UTC)[javob berish]

@Nataev Umumjahon odob-axloq kodeksi va Alpasli bilan mojaroning tahlili bilan toʻliq tanishib chiqqan holatda ovozimni qaytarib olaman. Bundan keyin muhokamalarda mavzu mohiyatini toʻliq tahlil qilmay turib fikr bildirish va ovoz berishga shoshilmaslikka harakat qilaman. Mirishkorlik (munozara) 06:26, 2024-yil 9-noyabr (UTC)[javob berish]

Qarshiman – Ushbu munozarada aytilganidek, aniq dalillar yoʻqligi sababli qarshi ovoz beraman. Rabiga Shabatova (munozara) 08:08, 2024-yil 7-noyabr (UTC)[javob berish]
Bu xabarni yozgan foydalanuvchi Laziz Baxtiyorovning shaxsiy tanishi boʻlib, kamida bir WikiStipendiya oromgohida uning boshqaruvidagi jamoa aʼzosi boʻlgan. Shuningdek, foydalanuvchi ushbu sahifani bundan oldin umrida tahrirlamagan. Nataev ^munozara 17:30, 2024-yil 7-noyabr (UTC)[javob berish]
Qarshiman – Foydalanuvchilar soniga nisbatan adminlar sonining kamligi, bundan tashqari turli xil tadbirlar, xususan WikiStipendiya kabi tanlovlar orqali foydalanuvchilar soni ortib borayotgan bir paytda mavjud adminlar sonini qisqartirish, yanayam faol adminlardan birini ushbu statusdan mahrum qilish toʻgʻri fikr emas. Bor adminlarni kamayturguncha, yangilarni shu statusga koʻtaraylik. Yuqoridagi masala boʻyicha Mirishkorlikning fikrlariga qoʻshilaman. Janob Mirzaolim (munozara) 11:48, 2024-yil 7-noyabr (UTC)[javob berish]
Bu xabarni yozgan foydalanuvchi Laziz Baxtiyorovning shaxsiy tanishi boʻlib, kamida bir WikiStipendiya oromgohida uning boshqaruvidagi jamoa aʼzosi boʻlgan. Shuningdek, foydalanuvchi ushbu sahifani bundan oldin umrida tahrirlamagan. Nataev ^munozara 17:31, 2024-yil 7-noyabr (UTC)[javob berish]
Dastlabki fikrimda qolaman. Chunki bu fikrga kelishimda Laziz Baxtiyorovning menga tanish ekanligi va Alpasli bilan boʻlib oʻtgan mojarosining aloqasi yoʻq. Bu oʻrinda Laziz Baxtiyorov emas, istalgan boshqa adminning ham statusidan mahrum qilish ovozga qoʻyilsa, oʻshanda ham qarshi ovoz beraman.

Maʼlumot uchun. Laziz Baxtiyorovning Alpasliga qilgan ishlarini yoqlamayman va qoralayman. Qilingan ishlar Vikipediya faoli va 18 yoshdan oshdan Oʻzbekiston fuqarosiga yarashmasligini taʼkidlayman.

Maʼlumot uchun-2. Men birorta WikiStipendiya oromgohida Laziz Baxtiyorov jamoasida boʻlmaganman. WikiHogwards I oromgohida Jamshid Nurkulov va Panpanchik jamoasida boʻlganman. WikiHogwards II da esa adminlar jamoalarga boʻlingan holda ustozlik yoki boshqa tashkiliy masalalarga aralashmagan. Yuqoridagi ikkalasidan boshqa oromgohda ishtirok etmaganman. Janob Mirzaolim (munozara) 08:09, 2024-yil 8-noyabr (UTC)[javob berish]
Qarshiman – Muhokama qilinayotgan foydalanuvchining administratorlik huquqidan mahrum qilinishi borasidagi ayblovlarning birinchi qismi oʻzining toʻliq tasdigʻini topmaganligi, ikkinchi qismidagi holatda esa boshqa bir administrator tomonidan koʻrsatib berilgan kamchiliklarni tezkorlik bilan bartaraf etishga harakat qilganligini inobatga olib hamda buzib qoʻygan andozasining xatoliklarini boshqa bir administrator tomonidan qaytarilganligini, bu hol oʻzbekcha Vikipediya maʼmurlari va foydalanuvchilari bilan oflayn uchrashuvlarda mazmunan „xatolikni koʻrgan odam toʻgʻrilashi mumkin va oʻrinli“ degan tamoyilga asoslanib, tajribali foydalanuvchilar ham baʼzan avtomat tarjima alomatlari yaqqol bilinib turgan maqola yaratishi, uni istalgan vaqtda istalgan shaxs toʻgʻrilab, foydali tahrir qilishi odatiy hol ekanligi, shuningdek, muhokama qilinayotgan foydalanuvchining umumiy tarzda oʻzbekcha Vikipediyaga qoʻshgan salmoqli hissasini ham unutmagan holda administratorlik statusini olish hozircha oʻrinsiz deb hisoblayman. Shu bilan bir qatorda, yuqorida sanalgan xatoliklar hamda ayblovlar takrorlanganda ushbu ovozni qaytadan koʻrib chiqaman. Ushbu jarayonda va ungacha qilingan muhokamalarga nisbatan aytishim mumkinki, taraflar oʻz xatti-harakatlarini qaytadan koʻrib chiqishlari hamda oʻzaro ijobiy munosabatda boʻlishlari Oʻzbek tilida soʻzlashuvchi vikimediachilar foydalanuvchi guruhining keyingi faoliyati uchun ijobiy omil boʻladi deb oʻylayman. Barchaga chuqur hurmat ila Kamol Azzam (munozara) 12:14, 2024-yil 7-noyabr (UTC).[javob berish]

@Kamol Azzam, yuqoridagi yangi temir-beton dalil va foydalanuvchi qoidabuzarliklarni davom ettirayotganini eʼtiborga olgan holda, fikringizni oʻzgartirishingizga ishonchim komil. Nataev ^munozara 17:34, 2024-yil 7-noyabr (UTC)[javob berish]

Keltirilgan soʻnggi dalil borasida hech qanday eʼtirozlar yoʻqligini, unda muhokamaga qoʻyilgan foydalanuvchining ismi keltirilganligi va bu holda dalil shaxsiy yozishmalar ochiqlash orqali muhokamaga yakuniy fikr berishda asos boʻlishini inobatga olib, yakuniy hisob-kitoblar jarayonida joriy muhokama mavzusiga qarshi berilgan ovozimni hisobdan tashqari deb baholashingizni soʻrayman. Muhokamada faollik koʻrsatgan va befarq boʻlmagan barchaga hurmat ila Kamol Azzam (munozara) 03:04, 2024-yil 8-noyabr (UTC).[javob berish]

Qarshiman – Foydalanuvchi Laziz Baxtiyorovning Vikipediyadagi faoliyati yoki Vikioromgohlardagi ishtiroki davomida Alpasliga nisbatan gʻarazli harakatlarini sezmaganman. Yuqoridagi munozaradagi fikrlarning esa isbotini koʻrmaganim va Laziz Baxtiyorovning oʻzbekcha Vikipediyadagi koʻplab hissasi hamda administrator sifatida hali koʻp foydasi tegishi mumkinligi sababli qarshi ovoz beraman – Visola Tangirova^{(menga yozish!)} 14:36, 2024-yil 7-noyabr (UTC)[javob berish]
Bu xabarni yozgan foydalanuvchi Laziz Baxtiyorovning shaxsiy tanishi boʻlib, kamida bir WikiStipendiya oromgohida uning boshqaruvidagi jamoa aʼzosi boʻlgan. Shuningdek, foydalanuvchi ushbu sahifani bundan oldin umrida tahrirlamagan. Nataev ^munozara 17:32, 2024-yil 7-noyabr (UTC)[javob berish]

Qarshiman – Yuqorida yozilgan qarshi fikrlarning ayrimlariga qo‘shilgan holda foydalanuvchi Laziz Baxtiyorovning adminlikdan chetlatilishiga qarshiman. (Qo‘shimcha qilishim kerakki, Alpasli ham, Laziz Baxtiyorov ham shaxsiy tanishlarimdan.) Hilola 11:15, 2024-yil 8-noyabr (UTC).[javob berish]

Betaraflar

Xulosa

Qoʻrqoq oldin musht koʻtarar deganlaridek, foydalanuvchi metada oʻz ixtiyori bilan administrator huquqini olishlarini soʻradi va bu bajarildi. Ammo qilgan qoidabuzarliklari javobsiz qolmasligi kerak. Metada muhokama ochdim. Nataev ^munozara 17:14, 2024-yil 8-noyabr (UTC)[javob berish]

Ushbu munozara yopiq. Iltimos, bu yerga oʻzgartirishlar kiritmang.

Mrshaxas

Mrshaxas (munozara · hissa · oʻchirilgan hissa · qaydlar · filtrlash qaydlari · chetlatish · chetlatish qaydlari · huquqlar)

Ushbu foydalanuvchi bugun meni Telegram guruhlarda haqoratlab, taʼqib qildi va Vikipediya hisobimni buzib kirmoqchi boʻldi. Quyida ushbu ikki holat boʻyicha batafsil maʼlumot beraman.

Foydalanuvchini Oʻzbek tilida soʻzlashuvchi vikimediachilar foydalanuvchi guruhining yopiq Telegram kanalidan mening tavsiyam bilan @Mirzoulugʻbek aka tomonidan chiqarib yuborilganidan keyin, bir necha vikiga bagʻishlangan Telegram guruhda, jumladan, Oʻzbekcha Vikipediya (savol-javob), Vikisheva, WikiAyollar, WikiAudio guruhlarida meni taʼqib qilib, haqoratladi. Xususan, WikiAyollar guruhida ikki marta ikki alohida-alohida hisobidan „Agarda haqiqatda òzingizni kasal deb bilsangiz, xabar bering. Sizni boshqa bezovta qilmayman. Aks holatda menga nisbatan nega unday harakat qilayotganingizni bilmoqchiman. Siz iddao qilgandek aynan pul uchun wikida yurganimni izohlasangiz. Marxaman qilib izoh bersangiz!“ deb yozdi. (Skrinshot 1) Qizigʻi, meni „kasal“llikda ayblab haqorat qilgan bu foydalanuvchi mahalliy vaqt bilan tungi 2:43 da jazavasidan tushmagan edi. Shuningdek, jazavasi boshlanganidan keyin aʼzoligim faqat oʻzimga maʼlum boʻlgan boshqa Telegram guruhlarga, xususan, WMCA Discussions, Дети с особенностями в Канаде, Чат Канада: от учебы до гражданства Telegram guruhlariga aʼzo boʻlib chiqdi (Skrinshot 2), buning ortidan meni yana haqoratlab, taʼqib qildi. Shaxsiy guruhlarimni noqonuniy yoʻl bilan aniqlaganiga ishonchim komil. Tabiiyki, barcha Telegram guruhlardan offtop va bemaʼni va haqoratli gaplari oʻchirildi, oʻzi esa chetlatildi.

Bundan-da ogʻir qilmishi, Telegram guruhdan chetlatilganidan (12:43 da (ET)) koʻp oʻtmay, aniqrogʻi 13:28 da (ET) da ayni foydalanuvchi Vikipediya hisobimni buzib kirmoqchi boʻldi. Menga Wikimedia jamgʻarmasidan „There here have been multiple failed attempts to log in to your account from a new device. Please make sure your account has a strong password“ deyilgan maktub va vikining oʻzida mana bunga oʻxshash xabar keldi. (Skrinshot 3) Aynan Mrshaxas bu qilmishga qoʻl urganiga ishonchim komil, ammo shubha boʻlgan holatlarda boshqa IPdan istalgan hisobga kirishga urinish boʻlganini foydalanuvchilarni tekshiruvchilar aniqlab bera oladi. Bunday qilmishga qoʻl urganlar odatda global miqyosda chetlatiladi („Please note that in such cases, a global lock is preferred, since it stops disruption to all projects where the account is active and preserves the user information.“)

Shu oʻrinda aytish joizki, ushbu foydalanuvchini Vikipediyaga pul evaziga hissa qoʻshishda ayblaganimni eslamayman, ammo shaxsiy pozitsiyam nafaqat bu foydalanuvchi, balki aksar marafon qatnashchisi aynan pul evaziga hissa qoʻshayotganiga ishonchim komil. Bunga WikiStipendiya tashkiliy jamoasi marafonda gʻolib chiqqan uch jamoa uchun oʻta katta miqdorda — 275 million UZS (29 300 USD) (!) pul mukofotini vaʼda qilayotgani qisman sababchidir. Oʻrtacha oylik 388 USD boʻlgan mamlakat uchun bu oʻta katta summa. Nafaqat oʻrtacha oylik nuqtayi nazaridan, balki yaratilayotgan kontent achinarli holatda va bemaʼni mashina tarjimasidan iborat ekanligi nuqtayi nazaridan bu summa tuturiqsizdir.

Shulardan kelib chiqib, zudlik bilan chora koʻrilishi kerak. Foydalanuvchi 1) kamida 31-dekabr, yaʼni WikiStipendiya marafonining III turi tugaguniga qadar, yaxshisi cheksiz muddatga bloklanishi; 2) foydalanuvchi aʼzo boʻlgan „Chigʻayoy gurungi“ jamoasi marafondan diskvalifikatsiya qilinishi kerak. Ehtimol Mrshaxas guruhdan chiqarib yuborilsa, jamoa marafonda qatnashishi mumkin boʻladi. Nataev ^munozara 03:14, 2024-yil 6-noyabr (UTC)[javob berish]

Keltirilgan dalillar asosida foydalanuvchi hozircha bir oy muddatga chetlatildi. Metada yozilgan murojaat natijasiga koʻra ushbu muddat uzaytirilishi yoki global banga oʻzgartirilishi mumkin. Jamshid Nurqul (munozara) 16:28, 2024-yil 10-noyabr (UTC)[javob berish]