Skilandis

Skilandis (litovcha: skilandis) — Litva milliy oshxonasining taomidir. Kolbasaning bir turi. Litva va Polshaning baʼzi hududlarida u kindzukas deb ataladi (litovcha: kindzukas, polyakcha: kindziuk).

U kesib maydalangan yuqori sifatli choʻchqa goʻshtidan tayyorlanadi (baʼzi retseptlarda goʻsht kolbasa tayyorlagan kabi kataklari kattaroq qiymalagichdan oʻtkaziladi)^[1]. Goʻsht choʻchqa oshqozoniga solingan yogʻ bilan aralashtiriladi, tuz, maydalangan qalampir, kashnich va sarimsoq qoʻshiladi^[2]. Pishirishga tayyorlangan mahsulot ip bilan bogʻlanadi. Litvaning turli mintaqalarida pishirish usuli bir-biridan biroz farq qilishi mumkin, ammo pishirishning umumiy prinsipi 5-10 kun davomida (dzuki retsepti) qoq quritishdir. Quritgandan soʻng skilandis oziq-ovqat sifatida foydalanilishi yoki 3-4 hafta davomida qoʻshimcha ravishda sovuq dudlanishi mumkin. Yaroqlilik muddatini oshirish uchun tarkibiga selitra qoʻshilishi mumkin^[3]. Qoʻshimcha shartlarsiz xona haroratida uzoq saqlanishi bilan ajralib turadi.

U har qanday quruq yoki xom dudlangan kolbasa kabi isteʼmol qilinadi, lekin shoʻrvalar — borsh, karam shoʻrva va boshqalarni tayyorlash uchun taʼm bergich boʻlib xizmat qilishi ham mumkin. Skilandisning boʻlaklari dokaga oʻrab shoʻrvaga tashlanadi va shoʻrva pishgach, qaynagan goʻshtni alohida yeyish mumkin.

Boshqa kolbasalar bilan solishtirganda, skilandis ancha qimmat mahsulotdir, chunki tayyorlanishiga koʻp vaqt ketishi bilan birga choʻchqa goʻshtining faqat eng sara joylari ishlatiladi.

Rus tilidagi oshpazlik kitoblarida garchi asl nomiga muvofiq kelmasa ham bu taom sichug deb atalishi uchraydi^[4].

„Skilandis“ nomi Yevropa Ittifoqida TSG (Anʼanaviy ishlab chiqarish kafolati) maqomida roʻyxatga olingan savdo belgisidir^[5].

• Xaggis
• Zaumagen^(olm.) (Choʻchqa oshqozoni)