Kaken

Wapen/Flagg	Koort
Basisdaten
Bundsland: Neddersassen Landkreis: Stood Samtgemeen: Olendörp-Himmelpoorten Gemeen: Olendörp
Inwahners:
Postleettall:	21726
Vörwahl:	04144
Geograafsche Laag:	Koordinaten:53° 34′ N, 9° 15′ O53° 34′ N, 9° 15′ O

Kaken is en lütt Dörp in de Gemeen Olendörp (Samtgemeen Olendörp-Himmelpoorten) in’n Landkreis Stood, Neddersassen.

De Oort liggt op de Stoder Geest. In’n Süden liggt dat Hoge Moor. Dat Water ut dat Rebeed flütt över’n Gröpeler Möhlenbeek af.

De Naveröörd sünd Olendörp in’n Noorden, de Timmerlood in’n Noordoosten, Olendörp-Siedlung in’n Oosten, de Hogenoher Överschuss in’n Süüdoosten, Öölmerheid in’n Süden, de Böötz un Beeß in’n Süüdwesten un Esdörp in’n Westen.

In de Franzosentied hett de Oort toeerst 1810 bet 1811 binnen dat Königriek Westfalen to de Mairie Olendörp in’n Kanton Himmelpoorten höört un denn von 1811 bet 1814 to dat Franzöösche Kaiserriek ünner Napoleon un dor ok wedder to de Mairie Olendörp in’n Kanton Himmelpoorten.

Vör 1885 weer dat Dörp Deel von de Böörd Olendörp binnen dat Amt Himmelpoorten. 1885 is de Oort denn Deel von’n Kreis Stood worrn un 1932 von’n Landkreis Stood.

De Oort hett al jümmer bi de Gemeen Olendörp mit bihöört.

Kaken is evangeelsch-luthersch präägt un höört to dat Kaspel von de Martinskark in Olendörp.

För de Kathoolschen is de St.-Michaelskark in Bremervöör tostännig, de siet 1. September 2010 to de Karkengemeen Hillig Geist in Stood tohöört.

In Kaken liggt de Scheetstand von de Schüttengill Olendörp.

För Kaken is de Freewillige Füürwehr Olendörp mit tostännig.

Kaken is över Straten mit Olendörp un över’n Böötz mit Beeß verbunnen. De Öörd doot all beid an de Landsstraat 114 liggen, de in Himmelpoorten an de Bundsstraat 73 föhrt un in Öölm an de Bundsstraat 74.

De nächste Autobahn is de Autobahn 26 (Afsnidd Stood–Hamborg). De Opfohrt 2 Stood-Süüd liggt so 21 Kilometer in’n Oosten von Kaken an de B 73.

De nächste Bahnhoff is de Bahnhoff Himmelpoorten an de Nedderelvbahn von Cuxhoben na Hamborg, wat so bi acht Kilometer weg is.

Kaken harr nie en egen School. De Schölers gaht na dat Schoolzentrum Olendörp op School. För’t Gymnasium mööt se na de Vincent-Lübeck-School in Stood.

1. ↑ Christoph Barthold Scharf: Statistisch-Topographische Samlungen zur genaueren Kentnis aller das Churfürstenthum Braunschweig-Lüneburg ausmachenden Provinzen. Meier, Bremen 1791, Sied 124
2. ↑ Curt Heinrich Conrad Friedrich Jansen: Statistisches Handbuch des Königreichs Hannover. Hannover 1824, Sied 324
3. ↑ Friedrich Wilhelm Harseim, Carl Schlüter: Statistisches Handbuch für das Königreich Hannover. Schlütersche Hoffbookdruckeree, Hannover 1848, Sied 134
4. ↑ Die Gemeinden und Gutsbezirke des Preussischen Staates und ihre Bevölkerung. Berlin 1873, Sied 143
5. ↑ Gemeindelexikon für das Königreich Preußen. Auf Grund der Materialien der Volkszählung vom 1. Dezember 1885. Verlag des Königlichen statistischen Bureaus, Berlin 1888, Sied 152
6. ↑ Gemeindelexikon für das Königreich Preußen. Auf Grund der Materialien der Volkszählung vom 1. Dezember 1905. Verlag des Königlichen statistischen Landesamtes, Berlin 1908, Sied 161

De Artikel „Kaken“ is een exklusiven Artikel up de Plattdüütsche Wikiepdia. In anner Spraakuutgaven is de nich to finnen.