Bahnhoff Himmelpoorten
.jpg)
De Bahnhoff Himmelpoorten is en Bahnhoff mit de Bahnhoffskategorie 6 un twee Gleise in dat Dörp Himmelpoorten. De Bahnhoff liggt an de Nedderelvbahn, de ut Hamborg kummt un na Cuxhoben geiht. De Bahnhoff höört as letzten Bahnhoff an de Nedderelvbahn noch to’n HVV.
He liggt in’n Noorden von dat Dörp an de Landsstraat 113.
Historie
[ännern | Bornkood ännern]1881 hett de Nedderelvbahn apenmaakt, de von Horborg na Cuxhoben geiht. Dor is denn ok de eerste Bahnhoff mit Bahnhoffsgebüüd boot worrn. De Bahnverkehr in Himmelpoorten hett an’n 1. Juli 1881 anfungen. De Stoder Saattucht hett ehr Gelänn glieks bi’n Bahnhoff un fröher hett dat dor ok veel Göderverkehr geven. Dat is nu aver ganz vörbi.
Nadem de Iesenbahnbrügg Heckthusen 1945 von de düütschen Truppen sprengt worrn is, hebbt britsche Pioneers en Behülpsbrügg mit man een Gleis nee boot. Disse Behülpsbrügg is bet vondaag bleven un dorüm hett de Nedderelvbahn, de ans twee Gleise hett, twüschen Himmelpoorten un Heckthusen man een.
Dat Bahnhoffsgebüüd is in de Johren 1980 dichtmaakt worrn. In’n Juli 1994 is en Pavillion boot worrn, dat de Lüüd dröög op’n Tog töven köönt. De is aver von wegen Vandalismus 2001 al wedder dichtmaakt worrn. Enn Juni 2014 hebbt se em afreten.
Dat Stellwark (mit Fohrdeenstleider) an de Bahnhoffsstraat is 1917 boot worrn un dat an de Kreisstraat 62 (Forth) 1918. Dat sünd all beid mechanische Stellwarken von’n Typ Jüdel. För dat Johr 2014 plaant de Düütsche Bahn, de Stellwarken in Himmelpoorten, Heckthusen un Dorum (an de Bahnlien Bremerhoben-Cuxhoben) dichttomaken. Se wüllt 16 Milljonen Euro investeren un dor en neet elektroonsch Stellwark in Heckthusen boon.[1]
De Afkörten in dat Bahnamtliche Betriebsstellenverzeichnis is AHPF[2] un de Internatschonale Bahnhoffsnummer 618377.
Personenverkehr
[ännern | Bornkood ännern]| Bedriever | Öörd | KBS | Takt |
|---|---|---|---|
| DB Regio | Cuxhoben – Oterndörp – Kumbarg – Wingst – Hemmoor – Heckthusen – Himmelpoorten – Hammoh – Stood – Hornborg – Buxthu – Hamborg-Horborg – Hamborg Hauptbahnhoff | KBS 121 | elk Stünn |
Weblenken
[ännern | Bornkood ännern]
Bahnhoff Himmelpoorten. Mehr Biller, Videos oder Audiodateien to’t Thema gifft dat bi Wikimedia Commons.
Footnoten
[ännern | Bornkood ännern]- ↑ Düütsche Bahn: Baubeginn für ein neues Elektronisches Stellwerk in Hechthausen. 24. April 2014, https://www.deutschebahn.com/de/presse/pi_regional/6800386/nsb20140424.html
- ↑ Übersicht der Betriebsstellen und deren Abkürzungen aus der Richtlinie 100, dbnetze.com
Koordinaten:53° 37′ N, 9° 19′ O