Gackau (Oort)

Wapen/Flagg	Koort
Basisdaten
Bundsland: Neddersassen Landkreis: Cuxhoben Gemeen: Hagen
Inwahners:
Postleettall:	27628
Vörwahl:	04746
Geograafsche Laag:	Koordinaten:53° 22′ N, 8° 43′ O53° 22′ N, 8° 43′ O

Gackau (hoochdüütsch Gackau) is en Hoff in de Gemeen Hagen in’n Landkreis Cuxhoben, Neddersassen. De Oort höört polietsch al von öllers bi Braamst mit bi.

De Oort liggt op de Oosterholter Geest an’n Rand na de Moorlannen langs de Gackau, de so bi 250 m von’n Oort af is.

De Naveröörd sünd Kraansmoor in’n Noorden, Langenfeld in’n Noordoosten, Loh in’n Oosten, Ax un Harndorp in’n Süüdoosten, Finterbarg un Finn in’n Süden, Braamst in’n Süüdwesten un Wittst in’n Noordwesten.

De Oort Gackau geiht op de Watermöhl trügg, de dor an de Gackau anleggt worrn is. Von de Watermöhl is vondaag nich mehr nableven. De Oort besteiht blots noch ut een Buurhoff.

In de Franzosentied von 1810 bet 1814 hett de Oort to de Mairie Dammhagen in’n Kanton Hagen höört. Dat Rebeed hett in disse Tied 1810 to dat Königriek Westfalen un von 1811 bet 1814 to dat Franzöösche Kaiserriek ünner Napoleon höört.

De Oort hett vör 1885 to de Böörd Braamst in dat Amt Hagen tohöört. Na 1885 weer dat in’n Kreis Geestmünn. 1932 is dat Deel von’n Kreis Wersermünn worrn un 1977 von’n Landkreis Cuxhoben.

De Gemeen Braamst is an’n 1. März 1974 mit de Gemeenreform in Neddersassen Deel von de ne’e un gröttere Gemeen Braamst (Samtgemeen Hagen) worrn. De Gemeen Braamst wedder is an’n 1. Januar 2014 Deel von de Gemeen Hagen worrn.

Gackau is evangeelsch-luthersch präägt un höört to dat Kaspel von de Jacobi-Kark in Braamst.

För de Kathoolschen is de Hillig-Hart-Jesu-Kark in Geestmünn tostännig.

Dör Gackau löppt de Landsstraat 134, de in’n Noordoosten över Bokel un Stubben na Beverst an de Bundsstraat 71 ran geiht un in’n Süüdwesten över Braamst un Hagen na Uthleer. Twüschen Braamst un Hagen warrt de L 134 von de L 135 krüüzt.

De nächste Autobahn is de Autobahn 27 (Afsnidd Bremen–Bremerhoben). De Opfohrt 12 Hagen liggt so teihn Kilometer in’n Westen von Gackau an de K 51.

De nächste Bahnhoff is so bi söss Kilometer wied weg in’n Noordoosten de Bahnhoff Stubben an de Bahnlien Bremen–Bremerhoben.

1. ↑ Christoph Barthold Scharf: Statistisch-Topographische Samlungen zur genaueren Kentnis aller das Churfürstenthum Braunschweig-Lüneburg ausmachenden Provinzen. Meier, Bremen 1791, Sied 78
2. ↑ Albrecht Friedrich Ludolph Lasius: Der französische Kayser-Staat unter der Regierung des Kaysers Napoleon des Großen, im Jahre 1812, Band 1. Kißling, Ossenbrügge 1813, Sied 104
3. ↑ Curt Heinrich Conrad Friedrich Jansen: Statistisches Handbuch des Königreichs Hannover. Hannover 1824, Sied 200
4. ↑ Friedrich Wilhelm Harseim, Carl Schlüter: Statistisches Handbuch für das Königreich Hannover. Schlütersche Hoffbookdruckeree, Hannover 1848, Sied 133
5. ↑ Die Gemeinden und Gutsbezirke des Preussischen Staates und ihre Bevölkerung. Berlin 1873, Sied 154

Oortschoppen un Öörd in de Gemeen Hagen

Albst (mit Büggeln) | Braamst (mit Braamst, Braamstermoor, Bremerhorn, Finn, Finterbarg, Gackau, Harndorp, Loh un Wittst) | Dörphagen | Driftseth (mit Dannendörp, Rechtenflethermoor un Wittenbarg) | Hagen (mit Börsten un Harmonie) | Hein (mit Vosloog) | Hoop (mit Seelhorn) | Kassbrook (mit Grienenbargshusen un Kassbroker Heid) | Leernst (mit Born, Düngel, Neenhusen un Seedörp) | Offenwarden (mit Offenwardermoor) | Rechtenfleth (mit Blömkenmoor, Dreptersiel un Feldhoff) | Saans (mit Saanstermoor) | Uthleer (mit Cleve un Uthleererbarg) | Weersbe (mit Weersbermoor) | Wolsbuddel (mit Heesen un Woldar) | Wortfleet (mit Rechtebe un Rechtebermoor)

 

De Artikel „Gackau (Oort)“ is een exklusiven Artikel up de Plattdüütsche Wikiepdia. In anner Spraakuutgaven is de nich to finnen.