Bundsautobahn 252

De Bundsautobahn 252 (Afk.: BAB 252 oder A 252) weer en kort Autobahnstück in Hamborg, dat mit en Läng vun 1,5 km vun de BAB 255 na Westen aftwiegen de. Vun dort ut güng se direkt över in de Wilhelmsburger Rieksstraat (B 4, B 75), de ok woll veersporig utboot weer, aver man nich in’n normalen Standard för Autobahnen. De güng denn opletzt in de fröhere BAB 253 över. As an’n 6. Oktober 2019 de ne’e Wilhelmsborger Rieksstraat in’n Oosten vun de olle Streck apen maakt worrn is, weer de ehmolige BAB 252 rünnerstoopt. Se is nu Deel vun de B75.

De Stadt Hamborg plaant twee Oost-West-Verbinnen in’t Stratennett. Bit to’n Billn vun’n Senat vun CDU un GAL/De Grönen na de Hamborger Börgerschopswahlen 2008 weer dat vörsehn, de BAB 252 as so nöömt Havendweerspang dör’t Ilveiland Wilhemsborg/Lütt Grasbrook un dat Havenrebeet to verlängern un in’n Westen an de BAB 7 antosluten. In’n Opdrag vun’n Hamborger Senat hett de stadtegene RealisierungsGEsellschaft GmbH (ReGe) Plaans an de vun’n Bund vörgeven Lienenbestimmen langs utarbeit. Dorbi schüll ok en Tunnelbo ünner’n Köhlbrand dör un ok’n Tunnel ünnern Spreehaven dör överleggt warrn. Gegen den Plaan vun en Stadtautobahn dör den Haven un över dat Eiland geev dat aver bannig Schandaal, vun wegen dat se dat Ilveiland in ehr Entwicklen gefährlich warrn künn, ofschoonst se ok na’n Willen vun de Stadt opweert warrn schall (Internatschonale Boutstellen 2013, „Sprung över de Ilv“). Bito warrt ok an den Sinn un de Notwännigkeit vun de Autobahn twievelt, vun wegen dat de Engsteden tomeist vun de Freehaven-Tollstatschonen kamt un nich dör fehlen Fohrbahnen.

De Bokosten to’n Dichtmaken vun disse ruchweg 8 km lange Lück schall na de Plaans üm un bi 500 Millionen Euro bedrägen. Vun de tostännigen Behöörd för Stadtentwickeln un Ümwelt sünd de Kosten Anfang 2008 op ruchweg 1 Milliarde Euro veranslagt worrn. Dat Bundsverkehrsministerium hett opstunns noch en Gootachten in Arbeit, wat dat överhaupt to maken is. Dorin schall keken warrn, wat to’n Bispeel en Mitfinanzeeren vun en privaten Bedriever na dat Feernstratenprivatfinanzerengesett möglich is. In den Fall weer nicht blots op de Havenspang, man ok op de parallel dorto verlopen Köhlbrandbrüch un villicht sogor noch mehr Straten op’t Ilveiland en Maut nich blots för LKW, man ok för Autos wohrschienlich. In’n Harvst 2008 schall klor wesen, wat bi de Studie rutkamen is.

In’n Koalitschoonsverdrag vun GAL (De Grönen in Hamborg) un de CDU vun’n April 2008, steiht nu ünner de Överschrifft „Havendweerspang“, dat binnen dree bit söss Maanden Lösungen för twee Oost-West-Stratenverbinnen nakeken warrn schüllt, un dat na de nafolgen Punkten:

• en möglichst lütte finanziell Belasten bi en goden Finanzslötel Hamborg/Bund
• Verkehrsentlasten för Wilhelmborg
• se dröff den „Sprung över de Ilv“ vun Städerbo her nich in’n Weg stahn.
• keen opstännert Lösung över’n Spreehaven
• Tietrutrecken
• de Utwirken op en anstreevt Verlagern oder Torüchbo vun de Wilhelmborger Rieksstraat
• Utbobedarf vun de Schraagtrass West
• ökoloogsch Aspekten bi de Trassenföhren“^[1]

1. ↑ Koalitschoonsverdrag GAL-CDU vun’n 17.4.2008, http://www.abendblatt.de/static/pdf/koalitionsvertrag.pdf

• Eine Stadtautobahn quer durch Hamburgs Mitte - Denkschrift to de "Hafenquerspange", 2007, rg. vun Zukunft Elbinsel Wilhelmsburg e.V., Redakschoon Michael Rothschuh. [1]
• Mobilität und Verkehr im Lebensraum der Hamburger Elbinseln - Hafennetz statt Hafenquerspange, von Michael Rothschuh, November 2007, [2]
• Hamburger Abendblatt, 19.1.2008: Hafenquerspange - Baukosten doppelt so hoch, http://www.abendblatt.de/daten/2008/01/19/838649.html
• Verdrag över de Tosamenarbeit in de 19. Wahlperiood vun de Hamborgschen Börgerschop twüschen de Christlich Demokraatschen Union, Landsverband Hamborg un Bündnis 90/De Grönen, Landsverband Hamborg, GAL, 17.4.2008 http://www.cduhamburg.de/27002/Uploaded/2008_koalitionsvertrag.pdf

Bundsautobahn 252. Mehr Biller, Videos oder Audiodateien to’t Thema gifft dat bi Wikimedia Commons.

• Hafen-Quer-Spange: Kritische Websteed vun’n Vereen Zukunft Elbinsel e.V. to’n Utbo vun de A 252

Düütsche Bundsautobahnen

Strecken in Bedriev:

Hööftstrecken: A 1 | A 2 | A 3 | A 4 | A 5 | A 6 | A 7 | A 8 | A 9

Över- un regional: A 10 | A 11 | A 12 | A 13 | A 14 | A 15 | A 17 | A 19 | A 20 | A 21 | A 23 | A 24 | A 25 | A 26 | A 27 | A 28 | A 29 | A 30 | A 31 | A 33 | A 37 | A 38 | A 39 | A 40 | A 42 | A 43 | A 44 | A 45 | A 46 | A 48 | A 49 | A 52 | A 57 | A 59 | A 60 | A 61 | A 62 | A 63 | A 64 | A 65 | A 66 | A 67 | A 70 | A 71 | A 72 | A 73 | A 81 | A 92 | A 93 | A 94 | A 95 | A 96 | A 98 | A 99

Regional un lokal: A 100 | A 103 | A 111 | A 113 | A 114 | A 115 | A 117 | A 143 | A 210 | A 215 | A 226 | A 255 | A 261 | A 270 | A 280 | A 281 | A 293 | A 352 | A 391 | A 392 | A 395 | A 445 | A 480 | A 485 | A 516 | A 524 | A 535 | A 540 | A 542 | A 544 | A 553 | A 555 | A 559 | A 560 | A 562 | A 565 | A 571 | A 573 | A 602 | A 620 | A 623 | A 643 | A 648 | A 650 | A 656 | A 659 | A 661 | A 671 | A 672 | A 831 | A 861 | A 864 | A 952 | A 980 | A 995

Plaant oder ehmolige Strecken:
A 16 | A 18 | A 22 | A 32 | A 34 | A 35 | A 36 | A 41 | A 47 | A 50 | A 51 | A 54 | A 55 | A 56 | A 69 | A 74 | A 77 | A 80 | A 82 | A 83 | A 84 | A 85 | A 86 | A 87 | A 88 | A 89 | A 90 | A 91

A 102 | A 104 | A 105 | A 106 | A 107 | A 205 | A 227 | A 241 | A 250 | A 252 | A 253 | A 263 | A 282 | A 290 | A 314 | A 339 | A 369 | A 376 | A 388 | A 430 | A 432 | A 441 | A 443 | A 448 | A 451 | A 480* | A 533 | A 545 | A 552 | A 558 | A 580 | A 610 | A 621 | A 647 | A 652 | A 653 | A 654 | A 655 | A 680 | A 683 | A 687 | A 713 | A 720 | A 722 | A 731 | A 751 | A 752 | A 753 | A 828 | A 834 | A 840 | A 860 | A 862 | A 863 | A 863* | A 881 | A 895 | A 921 | A 922 | A 942 | A 944 | A 985 | A 990 | A 991 | A 992 | A 993 | A 994 | A 996 | A 997 | A 998 | A 999
* ehmolig Plaan, Tall is intwüschen anners vergeven