Bavaria

Vide etiam paginam discretivam: Bavaria (discretiva).

Bavaria (Theodisce Bayern), seu rite Res publica libera Bavariae (Theodisce Freistaat Bayern),^[1] est civitas mediterranea (i. e.sine litoribus maritimis) in Europa, una e sedecim terris foederalibus Germaniae, quae meridiem et occidentem nationis regionem complet. Quia area est 70 550.19 chiliometra quadrata, Bavaria est maxima civitas Germana, quintam fere partem totius areae terrestris nationis complens. Incolarum tredecim milliones in Bavaria habitant, qua pro causa Bavaria est secunda a maxima civitate Germana, post Rhenaniam Septentrionalem et Vestfaliam. Principales urbes sunt Monacum (caput, maxima urbs, et tertia a maxima urbe in Germania^[2]), Norimberga, et Augusta Vindelicorum.

Peregrinatores ex variis civitatibus Bavariam visitant ad montes, oppida, monumenta, aedificia videnda. Primus minister est Marcus Söder.

Historia

Nomen Bavaria originem ducit e gente Germanica, cuius homines Baiuvarii appellantur. Illi inter migrationem gentium de oriente in fines qui olim fuerunt Raetia et Noricum, provinciae imperii Romani, migraverunt. Ibi anno 565 civitatem suam creaverunt, cuius caput erat dux. Sub Merovingis haec res publica fuit pars imperii Francorum. Anno 780, Carolus Magnus Tassilonem III, ducem Baiuvariorum vicit; quod fuit finis civitatis Baiuvariorum.

Post perniciem Carolingorum in Bavaria iterum duces regebant. Ex anno 1070 sub Welfis potestas ducum Bavaricorum iterum crescit. Certamen inter Welfos et Staufos anno 1180 victoria Friderici I Barbarossae super Henricum Leonem finitum est. Nunc regio orientalis Austria (Ostmark) secata est, et tempus ducum minorum finitum est.

Primo bello mundano finito Curtius Eisner mediis in rebus novis agendis die 8 Novembris 1918 Monaci declaravit Bavariam rem publicam liberam esse. Tunc ergo temporis regum de domo Wittelsbach regimen rerum abrogatum est.

Administratio

Bavaria est res publica libera, divisa in provincias septem: Bavariam Superiorem et Inferiorem; Palatinatum superiorem; Franconiam Superiorem, Mediam, et Inferiorem; et Suebiam.

Provinciae terrae

Provinciae terrae Bavariae cum nota magistratus communali et compendiariis litteris Administerii Bavarici Rerum Interiorum haec sunt:

Provincia terrae	Caput	AGS	Abbr.	Area	Numerus incolarum (Sep 2005)	incolae./km²
Bavaria Superior	Monacum	091	OB	17 529.63 km²	4 232 962	241
Bavaria Inferior	Landishuta	092	NB	10 329.91 km²	1 197 631	116
Palatinatus Superior	Ratisbona	093	OPf.	9 691.03 km²	1 090 318	113
Suebia	Augusta Vindelicorum	097	Schw.	9 992.03 km²	1 789 698	179
Franconia Superior	Baruthum	094	Ofr.	7 231.00 km²	1 103 239	153
Franconia Media	Onoldinum	095	Mfr.	7 244.85 km²	1 708 841	236
Franconia Inferior	Herbipolis	096	Ufr.	8 530.99 km²	1 342 308	157

Geographia

Urbes

Flumina et lacus

Montes

Spessartus mons

Homines notabiles

Albertus Durerus, pictor
Elisabetha Austro-Hungarica imperatrix
Benedictus XVI papa
Henricus II (imperator)
Ludovicus II rex
Franciscus Iosephus Strauß primus minister

Nexus interni

Notae

↑ Addito vocabulo libera hanc rem publicam non iam sub potestate regis esse declaratur. Nam simplici voce res publica etiam regimen unius rerum dici potest, ut apud Ciceronem legitur in libris de re publica 1, 42: "cum penes unum est omnium summa rerum, regem illum vocamus et regnum eius rei publicae statum." Praeterea in articulo 17 constitutionis Vimarianae praescribitur: "Jedes Land muß eine freistaatliche Verfassung haben" ('omnis terra constitutionem liberae rei publicae habere debet').
↑ Planet, Lonely. Bavaria – Lonely Planet. . Lonely Planet .

Bibliographia

Beer, Michael. 2008. Bayerns Boom im Bauernland: Landesplanung und Strukturwandel der bayerischen Wirtschaft im ländlichen Raum von 1945 bis 1975. Morrisville: Lulu. ISBN 9781409205807.
Bogner, Franciscus X. 2009. Bayern aus der Luft. Herbipolii: Stürtz. ISBN 9783800340149.
Hartmann, Peter Claus Hartmann. 2004. Bayerns Weg in die Gegenwart: Vom Stammesherzogtum zum Freistaat heute. Ed. secunda. Regensburgi: Verlag Friedrich Pustet. ISBN 3791718754.
Huber, Geraldus. 2010. Kleine Geschichte Niederbayerns. Ed. secunda. Ratisbonae: Verlag Friedrich Pustet. ISBN 9783791720487.
Koller, Fritz, et Hermannus Rumschöttel. 2006. Bayern und Salzburg im 19. und 20. Jahrhundert, vom Salzachkreis zur Euregio. Monaci: Samson. ISBN 3921635985.
Spindler, Maximilianus, et Gertrudis Diepolder, eds. 1969. Bayerischer Geschichtsatlas. Monaci: Bayerischer Schulbuch Verlag.
Wittmann, Martinus. 2014. Total alles über Bayern / The Complete Bavaria. Vindobonae et Bauzani: Folio Verlag. ISBN 9783852566467.

Nexus externi

Bibliographia Bavariana, opac.bayerische-bibliographie.de]
Brevis Bavariae geographia: quam in usum studiosae literarum iuventutis Latine scripsit atque edidit Laurentius Gerhard. Wirceburgi 1844.

Terrae rei publicae Vimarianae


Anhaltinum • Badenia • Bavaria • Res Publica Brunsvicum • Urbs Hanseatica Brema • Hamburgum • Hassia • Lippia • Lubeca • Megalopolis-Suerinum • Megalopolis-Strelicia • Oldenburgum • Borussia • Saxonia • Schaumburgum-Lippia • Thuringia • Waldecum-Pyrmontum (ad usque annum 1929) • Virtembergia

Terrae foederales Germaniae


Badenia et Virtembergia · Bavaria · Berolinum · Brandenburgum · Urbs Hanseatica Brema · Hamburgum · Hassia · Megapolis et Pomerania Citerior · Rhenania Septentrionalis et Vestfalia · Rhenania et Palatinatus · Saxonia · Saxonia et Anhaltium · Saxonia Inferior · Slesvicum et Holsatia · Saravia · Thuringia Index regionum · Terrae foederales Germaniae

[1] Addito vocabulo libera hanc rem publicam non iam sub potestate regis esse declaratur. Nam simplici voce res publica etiam regimen unius rerum dici potest, ut apud Ciceronem legitur in libris de re publica 1, 42: "cum penes unum est omnium summa rerum, regem illum vocamus et regnum eius rei publicae statum." Praeterea in articulo 17 constitutionis Vimarianae praescribitur: "Jedes Land muß eine freistaatliche Verfassung haben" ('omnis terra constitutionem liberae rei publicae habere debet').

[2] Planet, Lonely. Bavaria – Lonely Planet. . Lonely Planet .

[1]