Toomas Henrik Ilves

Toomas Henrik Ilves es un politico de Estonia. Il nascet li 26-im de decembre 1953 in Stockholm (Svedia) e esset inter li 9-im de octobre 2006 e li 10-im de octobre 2016 presidente de Estonia.

Li genitores de Tooomas Henrik Ilves fugit Estonia in li témpor del soviet ocupation. Benque Ilves nascet in Svedia, il adultijat in li Unit States de America. Il studiat psicologie in li Colombia University in New York. Il anc fat un magistro in li University of Pennsylvania.

Inter 1974 e 1979 il laborat in li facultá de psicologie del Colombia University e inter 1979 e 1981 il esset vice-director del Open Education Center in New Jersey. Inter 1981 e 1983 Ilves esset director de un centre de arte in Vancouver (Canada).

Ilves laborat inter 1983 e 1994 por li radio-station Radio Free Europe in München (Germania). De 1988 til 1993 il esset li chef del estonian lingue redaction de Radio Free Europa. Pos to il laborat in li diplomatic servicie de Estonia

Toomas Henrik Ilves es maritat trivez. Su duesim marita esset Evelin Ilves. Li cuple have un filia. Ex su unesim maritage con Merry Bullock il have un filia. In li annu 2016 il maritat Ieva Ilves de Latvia e li cuple have un filio Hans Henrik qui nascet in li novembre

Ilves fat su political cariera quam membre del partise Popul Partise - Li Moderates, li partise have desde li annu 2004 li nómine Socialdemocrat Partise.

• 1993-1996 Ilves esset ambassador de Estonia in li USA, Canada e Mexico.
• 1996-1998 Ministre por externi aferes de Estonia.
• 1999-2004 Membre del parlament de Estonia.
• 1999-2002 Denov ministre por externi aferes de Estonia.
• 2003-2006 Membre del Europan Parlament.
• 2006-2016 Presidente de Estonia.
• 2006 Ilves es electet presidente de Estonia in li parlament de Estonia.
• 2011 Li parlament electet Ilves denov quam presidente de Estonia.