Bariki

Bariki

Šup (Procyon lotor)
systematika
domena	Eukaryoty
swět	Zwěrina
rjadownja:	Cycaki (Mammalia)
podrjadownja:	(Eutheria)
nadrjad:	Laurasiatheria
rjad:	Rubježne zwěrjata (Carnivora)
nadswójba:	(Canoidea)
swójba:	Bariki
wědomostne mjeno
Procyonidae
Gray (1825)
p • d • w

Bariki (Procyonidae) su swójba znutřka psykojtych rubježnych zwěrjatow (Carnivora). Słyši 19 družinow k tutej swójbje, kotrež wšě su žiwe w měrnych a tropiskich conach Ameriki. Taksonomisce dwělomne je přirjadowanje w Aziji domjaceho małkeho pandy, kotryž dźensa so w swójske swójbje, Ailuridae, wjedźe.

Ćěło zwjetša je šwižne. Družiny docpěja dołhosć wot něhdźe 30 hač do 70 cm. Wopuš je krótki abo ma samsnu dołhosć kaž ćěło. Maja pjeć palcow.

Bariki su w nocy aktiwne. Wone móža derje lězć, zwjetša su wobydlerjo štomow a wšožrački.

Sančki po 60 hač do 118 dnjow porodźa 1 hač 7 młodźatow, kotrež so 2 hač 7 měsacow cycaja. Wone bywaja w starobje wot 1 hač 2,5 lět ródnje zrałe.

Rozdźěla bariki do dweju podswójbow ze šěsć rodami a 19 družinami:

• Podswójba Potosinae
  • Makijowe mjedwjedźe (Bassaricyon) z 5 družinami
  • Wity mjedwjedź (Potos flavus)
• Podswójba Procyoninae
  • Kotofretki (Bassariscus) z 2 družinomaj
  • Šupy (Procyon) ze 7 družinami, pod tymi jedna mortwa
  • Nosowe mjedwjedźe (Nasua) z 3 družinami
  • Hórski nosowy mjedwjedź (Nasuella olivacea)

Kaž na spočatku naspomnjene, je přirjadowanje małkeho pandy dwělomne. Wón je drje po morfologiji barikam podobny, po genetiskich přepytowanjach z tutymi pak jenož daloko přiwuzny a płaći skerje jako swójska swójba, Ailuridae, abo přiliči so wulkim mjedwjedźam.

• Wolfgang Puschmann (wud.): BI-Lexikon Zootiere. VEB Biobliographisches Institut, Leipzig 1989. , strona 204 (němsce)
• Meyers Taschenlexikon Biologie, In 3 Bänden, 2. zwjazk, ISBN 3-411-12023-1, strona 86 (němsce)

 Commons: Procyonidae – Zběrka wobrazow, widejow a awdiodatajow