Melvin Calvin

Melvin Calvin

Biografía
Nacemento	(en) Melvin Ellis Calvin 8 de abril de 1911 Saint Paul, Estados Unidos de América
Morte	8 de xaneiro de 1997 (85 anos) Berkeley, Estados Unidos de América
Causa da morte	insuficiencia cardíaca
Datos persoais
País de nacionalidade	Estados Unidos de América
Educación	Universidade de Minnesota (pt) Michigan Technological University (en) Universidade de Manchester Central High School (en)
Director de tese	Michael Polanyi
Actividade
Campo de traballo	Bioquímica
Ocupación	químico , biólogo , profesor universitario , bioquímico , enxeñeiro
Empregador	Universidade de California, Berkeley Universidade de Minnesota (pt)
Membro de	Royal Society Real Academia de Artes e Ciencias dos Países Baixos Sociedade Filosófica Estadounidense Academia das Artes e das Ciencias dos Estados Unidos Leopoldina Academia Naciona de Ciencias dos Estados Unidos
Interesado en	Química orgánica
Lingua	Lingua inglesa
Obra
Doutorando	Cyril Ponnamperuma (en) e Jan Anderson (en)
Familia
Cónxuxe	Genevieve Calvin
Premios (1989)  Medalla Nacional de Ciencia (1981)  Oesper Award (en) (1979)  Medalha de Ouro do American Institute of Chemists (pt) (1978)  Medalha Priestley (pt) (1977)  Prêmio Willard Gibbs (pt) (1975)  A. I. Virtanen Award (en) (1965)  Conferencia Baker (1965)  Royal Society Bakerian Medal (en) (1964)  Medalla Davy (1961)  Premio Nobel de Química (23 de abril de 1959)  Membro estranxeiro da Royal Society (1958)  Medalha William H. Nichols (pt) (1957)  Glenn T. Seaborg Award for Nuclear Chemistry (en) (1957)  Prêmio Remsen (pt) (1955)  Premio do Centenario da Royal Society of Chemistry (1944)  Bolsa de estudos Guggenheim

Melvin Calvin, nado o 8 de abril de 1911 en Saint Paul (Estados Unidos) e finado o 8 de xaneiro de 1997 en Berkeley (California, Estados Unidos), foi un químico e profesor universitario estadounidense galardoado co Premio Nobel de Química do ano 1961.

Melvin naceu no seo dunha familia de inmigrantes rusos en Saint Paul, Minnesota. Criouse en Detroit.

Cursou estudos de química na Escola de Minería e Tecnoloxía de Míchigan (hoxe Universidade Tecnolóxica de Míchigan), onde se licenciou en 1931. Posteriormente ampliou os seus estudos na Universidade de Minnesota, onde se doutorou en 1935 e ao ano seguinte conseguiu realizar unha bolsa posdoutoral na Universidade de Mánchester en Inglaterra.

Incorporouse ao departamento de química da Universidade de California, en Berkeley, en 1937 e en 1947 conseguiu ser nomeado profesor de química. Nesa mesma universidade foi director do Laboratorio Lawrence de Radiacións do Departamento de Química Biolóxica.

A súa carreira iniciouse tras un accidente ocorrido en 1936 na fábrica de tinguiduras que Imperial Chemical Industries (ICI) tiña en Manchester. Elaborábase un composto incoloro chamado ftalonitrilo, pero unha partida saíu dunha bela cor azul, ao parecer por unha greta no forro de vidro do recipiente. Identificouse como ftalocianina, membro dunha nova, e estruturalmente interesante, familia de compostos.

Calvin, que chegaba á Universidade de Manchester para realizar estudos posdoutorais, traballaba co profesor Michael Polanyi e viu que o composto da ICI tiña un parecido estrutural coa hemomolécula e coa clorofila: as dúas moléculas catalíticas máis importantes nos seres vivos e, bioquímicamente, as máis difíciles de comprender e de imitar. Seguiu a suxestión de Polanyi de empregar o composto da ICI como modelo para investigar a conexión entre a estrutura e a estabilidade nesas moléculas tan fundamentais.

Durante a década de 1940, na súa estadía en Berkeley, comezou os seus experimentos sobre a fotosíntese sobre cultivos da alga verde unicelular Chlorella pyrenoidosa, separando os compostos obtidos por cromatografía bidimensional e identificándoos grazas ao carbono-14 e esclarecendo o proceso de asimilación fotoquímica do dióxido de carbono polas partes verdes das plantas, hoxe frecuentemente denominado ciclo de Calvin.
Foi galardoado co Premio Nobel de Química en 1961 polos seus traballos sobre a asimilación do dióxido de carbono polas plantas.

• Premio Nobel de Química

• Páxina web do Instituto Nobel, Premio Nobel de Química 1961 (en inglés)
• Biografía na páxina do Instituto Nobel 1961 (en inglés)

Predecesor: Willard Frank Libby

Premio Nobel de Química 1961

Sucesor: John Cowdery Kendrew e Max Ferdinand Perutz