Boudevilliers

Boudevilliers
S Wappe vo Boudevilliers
Basisdatä
Staat:	Schwiiz
Kanton:	Nöieburg (NE)
Bezirk:	Val-de-Ruzw
Gmeind	Val-de-Ruz
PLZ	2043
Koordinate:	558318 / 20882747.0291716.890285753Koordinate: 47° 1′ 45″ N, 6° 53′ 25″ O; CH1903: 558318 / 208827
Höchi:	753 m ü. M.
Flächi:	12,57 km²
Iiwohner:	764 (31. Dezämber 2012)^[1]
Website	boudevilliers.ne.ch
Hauptstraas vo Boudevilliers, Blick uf d'Chilä Hauptstraas vo Boudevilliers, Blick uf d'Chilä
Charte
Charte vo Boudevilliers w

Boudevilliers (frankoprovenzalisch [a bydəvliː]) isch es Dorf i der Gmai Val-de-Ruz im Kanton Nöueburg.

Früener isch es en eigeni Gmeind gsii. Zum 1. Jänner 2013 het Boudevilliers mit dr Gmaine Cernier, Chézard-Saint-Martin, Coffrane, Dombresson, Engollon, Fenin-Vilars-Saules, Fontainemelon, Fontaines, Les Geneveys-sur-Coffrane, Les Hauts-Geneveys, Montmollin, Le Pâquier, Savagnier un Villiers zue dr neie Gmai Val-de-Ruz fusioniert.

Geografi

Boudevilliers umfasst s glychnamig Dorf un d Wyler Malvilliers, La Jonchère un Landeyeux. Dr Bann umfasst 61 Prozänt landwirtschaftligi Flechi, 32 Prozänt Wald, 6 Prozänt Sidligsflechi un öppe 1 Prozänt sunschtigi Flechi. D Nochbergmaine vu Boudevilliers sin früener Valangin, Coffrane, Les Geneveys-sur-Coffrane, La Sagne, Les Hauts-Geneveys un Fontaines gsi.

Gschicht

Boudevilliers isch zum erschte Mol gnännt wore anne 1144 as Boldiwiler (1195 Boudeviler, 1195 Boudeviler, 1202 Boldeviler, 1413 Budevilliers, 1453 Budewillier).

Syt 1648 isch Nöueburg Firschtetum un ab 1707 dur Personalunion mit em Chenigrych Preuße verbunde gsii. Anne 1806 isch s Biet an Frankrych unter em Napoleon I. abdrätte wore. Im Zug vum Wiener Kongress isch s anne 1815 an d Schwyz chuu, doderby sin d Chenig vu Preuße aber bis zum Nöueburgerhandel 1857 au Firschte vu Nöueburg blibe.

Bevelkerig

Quälle: Bundesamt für Statistik 2005^[2]

Johr	1850	1860	1870	1880	1888	1900	1910	1920
Yywohner	578	643	658	635	566	513	554	567
Johr	1930	1941	1950	1960	1970	1980	1990	2000
Yywohner	509	491	524	522	583	556	618	718

Dr Uusländeraadail isch 2010 bi 22,5 Prozänt gläge.

Religion

42,5 Prozänt vo dr Yywooner sin evangelisch-reformiert, 31,3 Prozänt sin römisch-katholisch (Stand 2000).

Bolitik

Bi dr Nationalrootswahle 2011 het s des Ergebnis gee: BDP 2,2 %, CVP 4,2 %, FDP 28,6 %, Grüeni 11,3 %, PdA 0,1 %, SP 26,2 %, SVP 20,4 %.

Wirtschaft

Boudevilliers isch tradizionell es Puuredorf gsi; hüt woone teil Lüüt dört, wo i de Betriib vo der Aglomerazioon Nöieburg schaffe.

Z Landeyeux isch s Bezirksspital.

Sproch un Dialäkt

Bi dr Volkszellig 2000 hän vu dr 718 Yywohner 86,5 % Franzesisch as Hauptsproch aagee, 4,2 % Dytsch, 3 % Italienisch un 6,3 % anderi Sproche.

Dr alt frankoprovenzalisch Patois isch wahrschyns Ändi 19./Aafangs 20. Jh. uusgstorbe. Ergebnis us dr Volkszellige vu 1990 un 2000, wu zum Dail Lyt Patois as Sproch aagchryzlet hän, gälte in dr Sprochwisseschaft as Artefakt un hän ihre Ursprung ender in statistische Fähler oder ass d Lyt unter „Patois“ ihr Regionalfranzesisch verstehn^[3]^[4]

Bildär

Boudevilliers
d Chilä
d Schuäl

Literatur

Maurice Evard: Boudevilliers. In: Historisches Lexikon vo dr Schwiiz.

Weblink

Commons: Boudevilliers – Sammlig vo Multimediadateie

Fueßnote

↑ Bilanz der ständigen Wohnbevölkerung nach Bezirken und Gemeinden uf bfs.admin.ch (Bundesamt för Statistik)
↑ Bundesamt für Statistik: Eidgenössische Volkszählung 2000: Bevölkerungsentwicklung der Gemeinden 1850–2000. Bern 2005 (Online uf bfs.admin.ch (Site cha nüme abgrüeft wärde; Suche im Webarchiv)[1] [2] Vorlage:Toter Link/www.bfs.admin.ch, Date im Aahang (Site cha nüme abgrüeft wärde; Suche im Webarchiv)[3] [4] Vorlage:Toter Link/www.bfs.admin.ch)
↑ Andres Kristol: Que reste-t-il des dialectes gallo-romans de Suisse romande?. In: Jean-Michel Eloy (Hg.).: Evaluer la vitalité. Variétés d’oïl et autres langues. Université de Picardie / Centre d’Etudes Picardes, Amiens 1998, S. 101–114
↑ Pierre Knecht: Die französischsprachige Schweiz. In: Hans Bickel, Robert Schläpfer (Hg.): Die viersprachige Schweiz. Sauerländer, Aarau/Frankfurt/Salzburg 2000, S. 139–176

[1] Bilanz der ständigen Wohnbevölkerung nach Bezirken und Gemeinden uf bfs.admin.ch (Bundesamt för Statistik)

[2] Bundesamt für Statistik: Eidgenössische Volkszählung 2000: Bevölkerungsentwicklung der Gemeinden 1850–2000. Bern 2005 (Online uf bfs.admin.ch (Site cha nüme abgrüeft wärde; Suche im Webarchiv)[1] [2] Vorlage:Toter Link/www.bfs.admin.ch, Date im Aahang (Site cha nüme abgrüeft wärde; Suche im Webarchiv)[3] [4] Vorlage:Toter Link/www.bfs.admin.ch)

[3] Andres Kristol: Que reste-t-il des dialectes gallo-romans de Suisse romande?. In: Jean-Michel Eloy (Hg.).: Evaluer la vitalité. Variétés d’oïl et autres langues. Université de Picardie / Centre d’Etudes Picardes, Amiens 1998, S. 101–114

[4] Pierre Knecht: Die französischsprachige Schweiz. In: Hans Bickel, Robert Schläpfer (Hg.): Die viersprachige Schweiz. Sauerländer, Aarau/Frankfurt/Salzburg 2000, S. 139–176

[1]