撐龍舟本來係指端午節嘅活動；即係十幾廿人每人揸碌槳坐喺一條龍舟度，將支槳由前向後咁划水係咁撐，條舟就會向前逳。而每年端午搞嘅爬龍舟比賽，叫做「龍舟競渡」。
而喺足球界，當有高空波飛埋去一個球員度，球員用後尾枕頂個波去自己後面，就叫做撐龍舟。呢招有人愛嚟解圍，有人愛嚟瓦解兩邊出波嘅攻勢，甚至有人愛嚟攻門。雖然撐龍舟通常無乜力，但係隨時殺守門員一個措手不及，就咁被呢一招陰到。
更多時候係防守球員判斷高空波來勢出錯，本來想用正額嚟頂波，點知個波就喺頭頂跣過，或者直情用後尾枕頂到應。由於係防守球員頂後，進攻球員就算明明喺越位位都變唔越位，於是守方就係咁賴嘢。
