Ashrakat Rady's Reviews > شهيدة العشق الإلهي: رابعة العدوية

على الرغم من حبي للصوفية بمعناها البسيط وهو حب ربنا إلا إن التعمق في فكر كبار الصوفية يقبض القلب لدرجة تخليك تفكر إنه كفر والعياذ بالله

مراحل فكرية مرت بيها رابعة زي إنكارها لوجوب تكريم الكعبة لإنها صنم وربنا أكبر منها
وزي إنكارها للزواج وسنة ربنا فيه زيها زي متصوفة عصرها
وإنكارها للرغبة في الجنة والزهد في النار على أساس إن حب ربنا أكبر
كل ده كان بيتجلى بشكل فج بيخليني أنفر
أصلًا فكرة اعتبار شخص ما كبير وله مكانة لإن له حياة روحية فيه تناقض
المحب الحق زاهد مش هيبان كده

والأمر محتاج نبحث في أصول الصوفية وما استقته من افكارالقساوسة المسيحيين والديانات الأخرى
قبل ما ننعت الإسلام بمعاني يعز عنها

التصوف الذي أقبله اللي ممكن نسميه التزكيه لكن غير كده لأ

أسلوب عبدالرحمن بدوي أدبي بليغ أيما بلاغة
ومتبع نهج علمي وتقصي للحقائق في غاية العظمة بصراحة
أنا بحب الراجل ده اوي

النص التاني من الكتاب عبارة عن المخطوطات اللي جمعها عن رابعة بلغات مختلفة كمصدر توثيقي يعني فلا يعدوا في عداد الصفحات اللي تقرأ الا لو كنت باحث في الأمر ويهمك المصدر الأصلي

أحب أعبر عن إعجابي الشديد بالفهرس اللي بيورد فيه الكاتب نص سطر عن الفكرة اللي بيدور عنها عدد معين من الصفحات
جميل بصراحة وبيساعد كتير