No d' fijheu

Li no d' fijheu (on dit eto: no d' adjint), c' est li ci (li cene, li sacwè) ki fwait l' accion do viebe.

E walon, li no d' fijheu est basti å pus sovint avou l' cawete -eu

foumer => foumeu

fé => fijheu

sipåde => sipårdeu

Mins gn a eto des ôtès cawetes ki polèt siervi tenawete :

• cawete -ant : riwaitant (li ci ki rwaite)
• cawete -ire : loumire (çou ki loume)

Po des linwincieusès racsegnes sol mot "fijheu", alez s' vey e splitchant motî.

• e francès, li no d' fijheu si fwait avou l' cawete -eur, li sfwaite kel sititchete walone.

lire => lecteur (lére => lijheu)

• e castiyan, on eploye pareymint li cawete -ador

matar => matador (touwer => touweu)

• e l' inglès, li neyerlandès et l' almand, on eploye li cawete -er

to play, spelen, spielen => player, speler, spieler (djouwer => djouweu)

• e l' arabe, li no d' fijheu (ism el fa'il) est foirdjî pa on candjmint dvintrin do viebe. So les viebes ås troes letes, li voyale après l' prumire lete, c' est alif (long A), et l' cene après l' deujhinme lete, c' est on court i.

kataba => kâtib (sicrire => sicrijheu)