Suleiman I

Suleiman I
osman.: سليمان اول
radmižen toižend:	runokirjutai, Valitseja, seadusandja, military leader, politikanmez'
sündundan dat:	6. kül'mku 1494
sündundan sijaduz:	Trabzon, Trebizond Eyalet[d], Osmanan imperii
valdkund:	Osmanan imperii
kolendan dat:	6. sügüz'ku 1566(1566-09-06)[1] (71 vot)
kolendan sijaduz:	Szigetvár[d], Ungari kuningriik (1526–1867)[d][2]
tat:	Selim I[d]
mam:	Ayşe Hafsa Sultan[d]
avtograf:
Suleiman I VikiAitas

Suleiman I Čomakulu vai Suleiman Kanuni (osman.: سلطان سليمان اول Süleymân-ı evvel; nüg. turk.: I. Süleyman, Kanunî Sultan Süleyman vai Muhteşem Süleyman; sünd. 6. kül'mku 1494, Trabzon, Osmanan imperii — kol. 6. sügüz'ku 1566, läz Sigetvar-lidnust, Mad'jaranman kunigahuz, Osmanan imperii) oli Osmanan imperijan 10nz' sultan, ohjanzi vn 1520 sügüz'kun 22. päiväspäi surmhasai. Om kaikiš tutabamb Osmanoiden dinastijaspäi.

Suleiman Ezmäine tuli valdištmele 26-voččel i jätksi ičeze Selim I-tatan sodoid. Kaik tegi 13 sodamatkoid. Kaikenaigaižed sodad Mad'jaranmas augotihe hänen londoišpäi. Voz' voden jäl'ghe Läheližen Päivnouzmman da Pohjoižen Afrikan ogibalad territorijad kändihe Osmanan imperijan vassaloikš.

Anastandan onetomad naprindad oliba Bavarijas, Čehijas, Venän territorijal, Mal'tan sarel. Sur'kulu laivišt laski anastada äjid sarid Keskmeren päivnouzmas, otta Rusttad mert portugalijalaižil lühüdaks aigaks.

Suleiman I oli tiran, borcui korrupcijanke, no sauvoi školoid-ki, kirjuti runoid, oli mel'dünu juvelirtöihe.

Nell' naložnicad oli sultanal. Koume heišpäi sündutiba sultanale kibukahid poigid, kudambad koliba vagahaižil völ. Naind sädihe vaiše ühtenke — navedijoidenke Hürrem-naložnicanke, tetab Roksolana-nimenke Evropas. Viž poigad da üks' tütär sabustiba täuz'igäižut, heišpäi kaik päiči ühtes poigas oliba Hürreman lapsikš.

Üks' Roksolanan poigišpäi kändihe tatan jäl'ghetulijaks — Selim II.

1. ↑ Find a Grave — 1996.
   <a href="https://wikidata.org/wiki/Track:Q63056"></a>
2. ↑ Union List of Artist Names — 2017.
   <a href="https://wikidata.org/wiki/Track:Q110250907"></a><a href="https://wikidata.org/wiki/Track:Q2494649"></a>

Nece kirjutuz om vaiše ezitegez. Tö voit abutada meile, ku kohendat sidä da ližadat sihe.