Laitil

Laitil
Laitila (suom.)
Letala (roč.)
	Lidnanznam;
Valdkund	Suomenma
Eläjiden lugu (2024)	8,475 ristitud
Pind	545,33 km²
Pämez'	Lauri Kattelus; (sügüz'ku 2020—)
Telefonkod	+358-
Aigvö	tal'vel UTC+2,; kezal UTC+3

Laitil (suom.: Laitila, suomen virkand: [ˈlɑitilɑ], roč.: Letala) om Suomenman lidn da lidnankund Suvipäivlaskmaine Suomenma-agjas. Se om agjan kaikiš penemb lidn üks'toštkümnespäi eläjiden lugun mödhe.

Istorii

Municipalitetan aluz om pandud vl 1868. Se sai lidnan statusad (suom.: kaupunki) vl 1986.

Laitil šingotase mašinansauvomižen tegimil: armaturan šurunke järed tegii («Naval Oy», vspäi 1975), mašiništ mecan varhapanendan täht («Laitilan Metalli Laine Oy», vspäi 1973), mašiništ pumaterialan pilindan täht («Tommi Laine Trading Oy», vspäi 1993), avtoiden palad (tulleistöklad, plastiktegesed, kurdištimed — «Metpela Oy», «Pilkington Automotive Oy», «Coreplast Laitila Oy», «Finnlamex Oy»). «Amitec Oy»-kompanii montiruib tegimid i torvveimid. «Mattiovi Oy» om honuzkeskeižiden uksiden tegii vspäi 1911. Alkogolitomiden jomiden tegim radab lidnas mugažo («Laitilan Wirvoitusjuomatehdas Oy»). «Kasitie»-bizneskeskuz abutab metallanümbriradmižen sarakon uzile edheotandoile. Kaik om läz 600 kompanijad lidnas i 400 fermad. Päine maižanduztehmine om kanamuniden pästand (valdkundan kahesandez) i aigaližiden maploduiden kazvatand, morkofkan eriližešti (valdkundan koume nelländest).

Geografijan andmused

Lidn sijadase agjan lodehes, penen Härinänjogen hural randal.

Matkad agjan Turku-keskushesai om 57 km suvipäivnouzmha orhal vai 61 km avtol. Matkad Hel'sinki-pälidnhasai om 194 km päivnouzmha-suvipäivnouzmha orhal vai 225 km avtotedme. Toižed lähembaižed lidnad (avtotedme) oma Uusikaupunki 20 km päivlaskmha i Raum (Sadakund) 30 km lodeheze-pohjoižhe.

Vn 2022 andmusiden mödhe lidnankundan pind — 545,33 km², sidä kesken kuivma om 531,87 km², vezi da sokaz tahond ottas 13,46 nellikkilometrad.

Tobmuz

Lidnankundan territorii jagase 46 nimitadud kadastrižeks küläks. Laitilan municipaline suim kogoneb 31 ezitajaspäi.

Edeližed lidnan pämehed oma Johanna Luukkonen (2017−2020), Jukka Alkio (1994−2017).

Eläjad

Vl 1980 kundan eläjiden lugu oli 8 855 ristitud, vl 2000 — 8 821 ristitud, vl 2010 — 8 440 ristitud, vl 2020 — 8 571 ristitud. Kaikiš suremb kundan ristitišt oli 9 342 eläjad vl 1990. Ristituiden seičeme kümnendest elädas lidnankundan keskuses.

Mamankelen mödhe (2016): suomen kel' — 94,8 %, ročin kel' — 0,4 %, toižed keled — 4,8 %.