Dendermonde

Dendermonde (veps., alam. i saks.)
Termonde (fr.)

Lidnanznam	Flag
Valdkund	Bel'gii
Eläjiden lugu (2022)	46,325 ristitud
Pind	56,52 km²
Pämez'	Pjet Bais (2007—, alam. Piet Buyse, vhesai 2024)
Telefonkod	+32-(0)52
Aigvö	tal'vel UTC+1, kezal UTC+2

Dendermonde (mugažo alaman da saksan kelil, alaman virkand: [ˌdɛndərˈmɔndə]; franc.: Termonde [tɛʁmɔ̃d]; paginoiš: Deiremonne) om Bel'gijan lidn da kund lodeheze Brüsselišpäi, Päivnouzmaine Flandrii-agjan päivnouzmas.

Eländpunkt mainitase ezmaižen kerdan vl 1088 Tenremunde-nimenke. Bumaganfabrik i tekstil'tegimišt ratas 18. voz'sadan lopuspäi. Lidnuz sijazihe lidnas 13. voz'sadan keskespäi 20. voz'sadan augotižhesai.

Dendermonde šingotase Hoogveld-tegimištzonal, Steenkaaistraat-biznesparkal, Desso-kouriden fabrikal (Tarkett-gruppan pala), bumagan fabrikal (Audegem-žilo), ümbrišton profopendusen keskuseks.

Lidn sijadase Dandr-jogen lanktendan sijas Šel'dha oiktalpäi. Koume avtotesildad i raudtesild oma saudud lidnas Šel'das päliči, sen ližaks maksutomad ehtatimed ratas jaugnikoiden täht.

Lidnankund jagase kahesaks tulendaks (üks'lugu alam.: deelgemeente). Lidnan ližaks seičeme žilod mülüdas kundha: Appels, Audegem (4 tuh. eläjid vl 1977), Basrode (6 tuh. eläjid), Grembergen (6 tuh.), Mespelare, Shonarde, Sint-Gillis-bei-Dendermonde (12,9 tuh. eläjid vl 2007).

Vl 1910 lidnan eläjiden lugu oli 32 923 ristitud. Lidnankundan ristitišt oli 43 347 eläjad vl 2006. Municipalitetan kaikiš suremb ristitišt om nügüd'. Kundan nügüdläine pind om vspäi 1977.

Kundan ristituiden enamba pol't elädas žiloiš.

• Lidnankundan tobmuden sait (dendermonde.be). (alam.)

Dendermonde Vikiaitas