Apple Watch

Apple Watch
Desviłupador	Apple
Dizegnador	Apple
Fabregante	Quanta Computer
Lansamento	24 de apriłe del 2015
Caratarìsteghe
Sistema operadivo	WatchOS
Entrada	touch screen
Schermo	Capasitivo e Multi-touch
Ligo web	apple.com…
Formà da
Apple Watch Series 1 (it) Apple Watch Series 2 (it) Apple Watch Series 3 (it) Apple Watch (it) Apple Watch Series 4 (it) Apple Watch Series 5 (it) Apple Watch Series 6 (it) Apple Watch Series 7 (it) Apple Watch Series 8 (it) Apple Watch Series 9 (it)

Apple Watch el ze un smartwatch produzesto da Apple.

Ła prima varsion de’l rełojo, l'Apple Watch, ła ze stà prezentada durando el Keynote de’l 9 setenbre 2014 che’l se ga tenjùo inte’l Flint Center de San Francisco, iniseme a l'iPhone 6 e a l'iPhone 6 Plus^[2]. A l'evento, da’l steso palco da’l cuałe Steve Jobs el ga łansà in pasà el Macintosh e po’ l'iMac, ga partesipà anca i U2.

Zera comersałizà 4 diversi modełi difarensiài conforme dei dòpari, ma tuti i rechiede ła prezensa de un iPhone (de cuinta zenarasion o sucesiva) par ła major parte de łe funsionałità. I cuatro modełi (Watch, Sport, Edition e Hermès) i ze conposti paromo da racuanti materiałi e i pol aver diversi sinturini difarensiài dai diversi materiałi doparà (come fluoroełastomero, asaro inosidabiłe, pełe e nylon). In pì A ze disponibiłi 2 dimension de ła casa: 38 o 42 mm.

El 27 zenaro 2015, a ła fine de ła confarensa finansiaria de l’Q1 2015, Tim Cook el ga anunsiò che l'Apple Watch el saìa stà rezo disponibiłe inte i Stati Unii d’America a partir da apriłe 2015^[3].

El sucesivo 9 marso A ze stà ofisialmente anunsià e mostrà a San Francisco poco prima de l'usida so’l mercà e ne ze stà rełevà presi e disponibiłità^[4][5][6]. Apple ła ga scumisià ła prevendita de’l el 10 apriłe e ła ło ga rezo disponibiłe inte i negosi da’l 24 apriłe de’l mèdemo ano, mentre in Itałia el ze disponibiłe da’l 26 zunjo 2015.

El 7 setenbre 2016 A ze stà prezentada ła segonda varsion: l'Apple Watch Series 2, insieme co i modełi Apple Watch Nike+ e el novo Apple Watch Edition in seràmega. Da ‘sto evento, ła prima varsion de’l smartwatch ła ze stà definìa come Apple Watch de prima zenarasion.Vien in azonta azornada ła prima varsion inte un novo modeło ciamà Apple Watch Series 1 co’l novo prosesor dual core Apple S2.

Oltra a ła funsion cofà rełogio, l'Apple Watch el parmete de efetuar pagamenti co Apple Pay tramite l'NFC, anca par i iPhone che no i ze provisti de tal moduło. A ze par zonta posibiłeutiłizar el dispozitivo anca sensa el dòparo de n’iPhone^[7]. L'Apple Watch el ze anca bon de reséver tełefonade, SMS e iMessage. In pì l'Apple Watch el pol trasar onji atività de fitness, el pol ezeguir l’app de terse parte e sfrutar ła funsion "Handoff" introduzesta co iOS 8 se A se despone de n’altro dispozitivo Apple. In azonta a łe funsion par el benèsar e ła sałute e cuełe par ła zestion de łe notìfeghe, l’'Apple Watch ła pol controłar ła Apple TV e łe prezentasion de Keynote, funsionar da walkie-talkie e da mirino par ła fotocàmara de l'iPhone o consentir el scolto de mùzega e l’efetuasion de tełefonàe (presedentemente trasferìe da l'iPhone so l'Apple Watch) tramite de łe scufie bluetooth. Infinamente A ze prezente l’asistente vocałe Siri.

Inte ła funsion conta pasi introduzesta co l'Apple Watch, uno dei aspeti inovadivi el ze raprezentà da ła capasità d’integrar i dati de l’atività fìzega rancurada dai sensori de l'iPhone e cueła rancura dai sensori de l'Apple Watch evitando duplegasion dei pasi.

A ze disponibiłi 6 tipi de senturini ofisiałi:

• Sport - Disponibiłe inte łe cołorasion azuro całìgo, zało łimon, roza flamingo, bianco, roza sabia, blé note, nero e roso (inte ła varsion (PRODUCT)^RED).
• Nike Sport - Disponibiłe inte łe cołorasion lilà/bianco, viołeto/àmoło, blé cerułeo/acuamarina, osidiana/nero, nero/volt, antracite/nero e platino/bianco.
• Nylon intersà - Disponibiłe inte łe cołorasion naranson, Pride Edition, frànboło, roso, zało łimon, azuro Tahoe, blé note, perla e nero.
• Pelle - Disponibiłe inte łe

cołorasion zało mirasol, curame, roso, grizo topinàra, blé note, nero, grizo fumo, blé note, modern blé note.

• Pelle Hermès - Disponibiłe inte łe tipołozìe Epsom color Bleu Zéphir, Barénia color Fauve, Swift color Etoupe, Epsom color Rose Jaipur, Barénia color Fauve, Epsom color Lime, Swift color Colvert, Epsom color Feu, Swift color Etoupe, Double Manchette Barénia color Fauve, Double Manchette Swift color Etoupe.
• Asaro inosidabiłe - Disponibiłe inte łe tipołozìe Maja miłaneze nero siderałe, Maja miłaneze, Brasałe a maje nero siderałe, Brasałe a maje.

Par savèrghene de pì, vardarse anca ła voze Apple Watch (prima zenarasion).

L'Apple Watch de prima zenarasion, noto anca cofà Apple Watch Series 0, el ze el primo modeło de Apple Watch prezentà el 9 setenbre 2014.

Par savèrghene de pì, vardarse anca łe voze Apple Watch Series 1 e Apple Watch Series 2.

Apple Watch Series 1 el ze el segondo modeło de Apple Watch prezentà el 7 setenbre 2016 insenbre a'l só direto sucesore Apple Watch Series 2.

Par savèrghene de pì, vardarse anca ła voze Apple Watch Series 3.

Apple Watch Series 3 el ze el cuarto modeło de Apple Watch prezentà el 12 setenbre 2017. Respeto a'l modeło presedente el prezenta serti mejoramenti cofà l'aumento de ła łuminozità, ła rezistensa a l'acua fin a 50 metri de fondità, l'inplementasion de'l GPS e el barometro.

Par savèrghene de pì, vardarse anca ła voze Apple Watch Series 4.

Apple Watch Series 4 el ze el cuinto modeło de Apple Watch prezentà el 12 setenbre 2018.

Par savèrghene de pì, vardarse anca ła voze Apple Watch Series 5.

Apple Watch Series 5 el ze el sesto modeło de Apple Watch prezentà el 10 setenbre 2019.

Par savèrghene de pì, vardarse anca ła voze Apple Watch Series 6.

Apple Watch Series 6 el ze el sètemo modeło de Apple Watch prezentà el 15 setenbre 2020, insenbre ad Apple Watch SE, na variante de'l Series 5 ad un preso pì baso e co algune funsionałità de manco.

Par savèrghene de pì, vardarse anca ła voze Apple Watch Series 7.

Apple Watch Series 7 el ze stà prezentà el 14 setenbre 2021, el ga un display pì grando ed evołùo, mazor robustesa, tenpi de recarga pì vełosi, novi cołori par ła casa in ałuminio e el ospita el sistema oparativo watchOS 8

Par savèrghene de pì, vardarse anca ła voze Apple Watch Series 8.

1. ↑ URL de refarensa: http://www.apple.com/watch. Data de consultasion: 26 de agosto del 2018.
2. ↑ iPhone 6: come, dove e quando seguire la presentazione - Wired, in Wired, 9 de setenbre 2014. entrada il 4 de febraro 2018.
3. ↑ Ufficiale: Apple Watch disponibile da aprile! Archivià il 7 febbraio 2015 Data inte l'URL no conbazante: 7 de febraro 2015 in Internet Archive.
4. ↑ Apple Watch - Prezzo in Italiaapplenewsitalia.com (archivià dal URL orizenałe il 18 maggio 2015 Il valore del parametro dataarchivio non combacia con la data decodificata dall'URL: 18 de majo 2015 (juto)).
5. ↑ Ecco l'Apple Watch, così potrà cambiare le nostre abitudini, repubblica.it, 9 marzo 2015. entrada l'11 marzo 2015.
6. ↑ Come sono fatti gli Apple Watch, ilpost.it, 9 marzo 2015. entrada l'11 marzo 2015.
7. ↑ Come usare l’Apple Watch senza l’iPhonechimerarevo.com. entrada il 1º luglio 2022.

• Apple S1
• watchOS
• Aplegasion_de_sistema_Apple#Watch

• Wikimedia Commons el detien imàjini o altri file so Apple Watch
• Scholia el detien schemi gràfeghi so Apple Watch

• Sito ufisałeapple.com.

• Sito in itałian so apple.com/it.