Lassana Diarra
 | |||
| Shaxsiy maʼlumot | |||
|---|---|---|---|
| Toʻliq ismi | Lassana Diarra | ||
| Tavallud sanasi | 10-mart 1985-yil | ||
| Tavallud joyi |
Parij,  Fransiya | ||
| Boʻyi | 172 sm | ||
| Ampluasi | yarimhimoyachi | ||
| Laqabi | Lass | ||
| Klub maʼlumoti | |||
Joriy klub |
 Anji | ||
| Raqami | 85 | ||
| Yoshligida aʼzo boʻlgan klublar | |||
| Parij, Nant, Le-Man, Red Star | |||
| Professional faoliyati* | |||
| Yillar | Jamoa | Isht. | (Gol.) |
| 2004—2005 2005—2007 2007—2008 2008—2009 2009-hz. 2012 — hz. |
Gavr Chelsi Arsenal Porsmut Real Madrid → Anji |
(29 (0) 13 (0) 7 (0) 24 (1) 69 (1)) | |
| Milliy terma jamoa | |||
| 2005—2006 2007-hz. |
Fransiya U-21 Fransiya |
(18 (0) 28 (0)) | |
| *Professional klublardagi gollari (ichki chempionat) | |||
Lassana Diarra (fransuzcha: Lassana Diarra; 10-mart 1985, Parij) — fransiyalik futbolchi, Fransiya terma jamoasi va Maxachqalʼaning „Anji“ jamoasi yarim himoyachisi.
Lassana asosan tayanch yarimhimoyachi chizigʻida harakat qiladi, lekin u oldinlari Chelsi safida va hozirgi milliy terma jamoadagi oʻyinlarida hujum chizigʻiga yaqin holda yoki oʻng qanot himoyachisi chizigʻida ham oynay oladi. U Ispaniyada „Lass“ nomi bilan mashxur. Sababi, „Real Madrid“da birga oʻynagan jamoaning sobiq yarim himoyachisi Mamadu Diarra bilan adashtirmaslik uchun shunday nom bilan atashgan.
Jamoalardagi faoliyati
[tahrir | manbasini tahrirlash]"Gavr"
[tahrir | manbasini tahrirlash]Lassana Diarra oʻzining professional faoliyatini Fransiyaning „Gavr“ klubida boshlagan va jamoadagi muvaffaqiyatli ishtiroki natijasida tayanch yarimhimoyachi sifatida Fransiya U-21 terma jamoa safiga chaqirilgan. Terma jamoada u „Chelsi“ kuzatuvchilari nigohiga tushdi va uni yoshi katta boʻlgan, yaqin orada alishtirilishi kerak boʻlgan Klod Makelele oʻrnini bosuvchi sifatida qarashdi. 2005 yilning iyul oyida 1 mln. funt sterling evaziga Chelsi safiga qoʻshildi.
"Chelsi"
[tahrir | manbasini tahrirlash]Oʻzining „Chelsi“dagi birinchi mavsumida asosiy tarkibda koʻp oʻyin amaliyotiga ega boʻlmasa ham jamoaning 2005/06 mavsumdagi eng yaxshi yosh oʻyinchi deb topildi. 2006/07 mavsumda himoya chizigʻidagi ketma-ket yuz bergan jarohatlar sababi jamoaning bosh murabbiyi Jose Mourinho Diarrani oʻng qanot himoyachisi sifatida oʻynata boshladi. Bu vaqtda Diarraga nisbatan „Arsenal“ klubi qiziqish bildira boshladi va „Chelsi“ rahbariyati futbolchi bilan tuzilgan shartnoma 2008-yilning yanvarida muddati tugashini inobatga olgan holda oʻz raqobatchilariga Lassanani 2007-yilning 31-iyulida qoʻyib yuborishga rozi boʻlishdi.
"Arsenal"
[tahrir | manbasini tahrirlash]„Arsenal“ jamoasiga 2 mln. funt sterlingga oʻtgan Diarra oʻziga Frederik Yungberg ketganidan soʻng, boʻsh boʻlgan sakkizinchi raqamni oldi. Jamoa bosh murabbiyi Arsen Venger Diarrani jamoaga juda foydali oʻyinchi ekanligini, uning koʻpqirralik futbolchi ekanligini taʼkidladi.
Bu orada Diarra oʻzi xohlagandek yetarlicha oʻyin amaliyotiga ega boʻlmadi va uni transfer qilishlarini talab qildi. Arsenalga qoʻshilganiga 5 oy oʻtmasidanoq Diarra „Portsmut“ tarkibiga 5.5 mln. funt sterling evaziga borib qoʻshildi.
"Portsmut"
[tahrir | manbasini tahrirlash]Diarra Portsmutga 2008-yil 11-yanvarida oʻtdi, uni jamoaga kelib qoʻshilishiga „Arsenal“ tarkibida yetarlicha oʻyin amaliyotiga ega boʻlmaganligi, buning natijasida 2008 yilda oʻtadigan Yevropa chempionatida qatnasha olmay qoʻlishi mumkinligi sabab boʻldi. Portsmutda u asosiy tarkib oʻyinchisiga aylandi va uning klubdagi va terma jamoadagi oʻyinlari Yevropaning grand jamoalari eʼtiborini tortdi. Dekabrning oʻrtalaria Portsmut madridning „Real“ jamoasi bilan oʻyinchi transferi boʻyicha kelishuvga erishdi. Kelishuvga koʻra, Diarra 20 mln. funt sterling evaziga Madridliklar safiga oʻtadigan boʻldi.
"Real Madrid"
[tahrir | manbasini tahrirlash]Diarraning „Real“ safiga qoʻshilishi rasman 2009-yil 1-yanvarida, transfer oynasi ochiladigan kuni amalga oshirildi. Yangi jamoada u jarohati sababli mavsumning oxirigacha safdan chiqqan Mamadu Diarraning raqamida oʻynay boshladi. Adashtirmaslik uchun uning maykasiga „Lass“ deb yozildi. 2011-yil 26-noyabrda Diarra „Real“dagi oʻzining 100-nchi oʻyinini oʻtkazdi[1].
"Anji"
[tahrir | manbasini tahrirlash]2012-yil 31-avgustda transfer oynasining yopilishiga sanoqli vaqtlar qolganida, „Real“ Diarrani „Anji“ jamoasiga sotib yubordi. Transfer "Anji"ga 5 mln. yevroga tushdi[2]. Diarra yangi jamoasi bilan "3+1" tizimida shartnoma imzoladi[3]. Fransuz "Anji"da 2012-yil 16-sentabrda "Krasnodar"ga qarshi kechgan 8-tur o'yinida o'z debyutini nishonladi. O'yin 5:2 hisobida "Anji" g'alabasi bilan yakunlandi[4].
Erishgan natijalari
[tahrir | manbasini tahrirlash]Jamoaviy
„Chelsi“
- Angliya kubogi gʻolibi (1): 2007
- Futbol ligasi kubogi (1): 2007
- Jami: 2 kubok
„Portsmut“
- Angliya kubogi gʻolibi (1): 2008
- Jami: 1 kubok
„Real Madrid“
- Ispaniya chempioni: 2011/12
- Ispaniya kubogi gʻolibi (1): 2011
- Ispaniya superkubogi sohibi (1): 2012
- Jami: 3 kubok
Shaxsiy
- „Chelsi“ning yildagi eng yaxshi yosh oʻyinchisi (1): 2006
- Jami: 1 mukofot