Abduqodir Abdraimov

Abduqodir Abdraimov
Tavalludi	1905-yil; Oʻsh uyezdi Fargʻona viloyati, Rossiya imperiyasi
Vafoti	1938-yil
Taʼlimi	sovet va partiya qurilishi kursi

Abduqodir Abraimov — qirgʻiz sovet partiya va davlat arbobi, Qirgʻiziston ASSR Bosh sudi raisi (1931—1932). U SSSR NKVD maxsus uchligining aʼzosi edi.

Biografiyasi

Abduqodir Abraimov 1905-yili Toshtak qishlogʻida (hozirgi Jalolobod viloyati) dehqon oilasida tavallud topgan. 1917-yilda ota-onasidan ayrilgan, 1919-yildan mardikor boʻlib ishlagan. 1920 — 1922-yillarda bolalar uyida yashagan va oʻqigan.

1922 — 1923-yillarda Toshkent volost inqilobiy qoʻmitalari ishchilari kurslarida tahsil olgan, soʻngra Turkiston SSRda ishlagan. Xonobod volosti ijroiya qoʻmitasi kotibi, RKK Bozorqoʻrgʻon okrug komiteti masʼul kotibi etib saylangan^[1]. 1925 — 1926-yillarda RKSM Jalolobod okrug qoʻmitasining iqtisodiy-huquqiy boʻlimini boshqargan. Qirgʻiziston ASSR komsomoli. 1927-yilda KPSS(b) aʼzoligiga qabul qilindi^[2]. 1928 — 1930-yillarda Tver viloyati sovet-partiya qurilish maktabini tamomlagan, soʻngra KPSS (b) Oʻsh okrug qoʻmitasining madaniyat va targʻibot boʻlimiga rahbarlik qilgan. 1930-yil sentyabrdan 1931-yilgacha Bolsheviklar Butunittifoq Kommunistik partiyasi Bozorqoʻrgʻon tuman qoʻmitasining ijrochi kotibi va 1931-yildan 1932-yilgacha — Qirgʻiziston ASSR Bosh sud raisi lavozimlarida ishlagan.

1932 — 1933-yillarda Bolsheviklarning Butunittifoq Kommunistik partiyasi Chuy okrug qoʻmitasining birinchi kotibi, soʻngra 1937-yil aprelgacha Butunittifoq Ketmen-Tube okrug qoʻmitasining birinchi kotibi hamda 1937-yilda Qirgʻiziston KP (b) MK Sovet savdosi boʻlimi mudiri boʻlgan. 1937-yil 16-iyundan Qirgʻiziston KP(b) MK aʼzosi hisoblanadi. Bu davrda SSSR NKVDning 1937-yil 30-iyuldagi 00447 sonli buyrugʻi bilan tuzilgan maxsus uchlikka qoʻshilgan^[3]^[4].

1937-yil oktyabrdan dekabrgacha Qirgʻiziston SSR Qishloq xoʻjaligi xalq komissari boʻlgan.

1937-yil dekabrda hibsga olindi. Abduqodir Abraimov 1938-yil noyabrda Qirgʻiziston SSRning Tosh-Debe qishlogʻi yaqinida Bishkek shahridan 30 km uzoqlikdagi Suymenqulda otib oʻldirilgan^[5].

Mukofotlari

Qirgʻiziston ASSR Markaziy Ijroiya Qoʻmitasining faxriy yorligʻi — Toshkoʻmir, Ketmen-Tube yoʻlining birinchi bosqichi qurilishiga mohirona, muvaffaqiyatli rahbarlik qilgani uchun.

Manbalar

↑ ЦентрАзия.
↑ Справочник по истории КПСС….
↑ „Сталинский план по уничтожению народа: Подготовка и реализация приказа НКВД № 00447 «Об операции по репрессированию бывших кулаков, уголовников и других антисоветских элементов» // Архив Александра Н. Яковлева“. 2017-yil 13-avgustda asl nusxadan arxivlangan. Qaraldi: 2017-yil 7-mart.
↑ „Составы троек в 1937−1938 годах // Сайт Nkvd.memo.ru“. 2020-yil 4-iyulda asl nusxadan arxivlangan. Qaraldi: 2017-yil 7-mart.
↑ Кыргызский фотоархив.

Havolalar

„Абдраимов Абдукадыр“ (ru). Справочник по истории Коммунистической партии и Советского Союза 1898—1991. Qaraldi: 2020-yil 8-may.
„Абдукадыр Абдраимов — комсомольский вожак 20-х годов“ (ru). Кыргызский фотоархив. Qaraldi: 2020-yil 8-may.
„Абдраимов Абдукадыр“ (ru). ЦентрАзия. Qaraldi: 2020-yil 9-may.

[FOOTNOTEЦентрАзия-1] ЦентрАзия.

[FOOTNOTEСправочник_по_истории_КПСС…-2] Справочник по истории КПСС….

[3] „Сталинский план по уничтожению народа: Подготовка и реализация приказа НКВД № 00447 «Об операции по репрессированию бывших кулаков, уголовников и других антисоветских элементов» // Архив Александра Н. Яковлева“. 2017-yil 13-avgustda asl nusxadan arxivlangan. Qaraldi: 2017-yil 7-mart.

[4] „Составы троек в 1937−1938 годах // Сайт Nkvd.memo.ru“. 2020-yil 4-iyulda asl nusxadan arxivlangan. Qaraldi: 2017-yil 7-mart.

[FOOTNOTEКыргызский_фотоархив-5] Кыргызский фотоархив.

[1]