Mbombela

Ku suka eka doroba ra le handle ku ya eka doroba ra xifundzha, Nelspruit yi hundzukile hi ku famba ka malembe. Nhluvuko lowu i mhaka ya ku tinyungubyisa. Ndzhawu leyi yisunguriwile hi 1895 hi vamakwerhu va Nel lava ava risa tihomu ta vona ku rhendzela ndzhawu leyi hi tinhweti ta xixika. Ndzhawu leyi yi hundzuke doroba loko va Republican Volksraad va pfumelela makungu yo aka xiporo kusuka eka tindzhawu ta nsuku ta Lowveld letinga tshuburiwa kuya eJoni.^[1]

Mbombela, kumbe Nelspruit, i ntsindza wa xifundzha xa Mpumalanga eAfrika-Dzonga. Nelspruit i doroba lerikulu swinene exifundzheni lexi naswona i ntsindza wa ndzhawu ya vurimi leyi humesaka mihandzu. Mfumo wu cince vito ra doroba leri ku suka eka Nelspruit ku ya eka Mbombela hi lembe ra 2009, kambe vito ra khale ra ha tirhisiwa. Nelspruit yitlhela yiva doroba leri kulu eka xifundza xa mpumalanga.

Mbombela yitshama enkoveni wa Nambu wa Crocodile, ekusuhi na maboboma ya Crocodile yo saseka. Lowveld National Botanical Garden na Sudwala Caves swile kusuhi na Mbombela. Rivala ra Swihahampfhuka ra Matiko ya Misava ra Kruger Mpumalanga, en’walungu-vuxa bya doroba, i rivala ra swihahampfhuka ra matiko ya misava leri nga ekusuhi swinene na Ntanga wa Swiharhi wa Kruger.^[2]

1. ↑ https://www.sahistory.org.za/article/nelspruit-overview
2. ↑ https://m.century21.co.za/news/what-makes-nelspruit-a-special-place-to-live-in/#:~:text=Nelspruit%20is%20an%20area%20with,a%20part%20of%20the%20area