2012 DA14

2012 DA₁₄ ni asteroidi lenye mzingo wa kukaribia dunia.

Imekadiriwa kuwa na kipenyo cha mita 50 na masi ilikadiriwa kuwa tani 190,000.

Astroidi hii ilitazamiwa mara ya kwanza mwaka 2012 na wanaastronomia kwenye paoneaanga pa La Sagra. Hapo mwanzoni kulikuwa na hofu ya kwamba asteroidi hii inaweza kuwa na hatari maana kama ingegongana na dunia ingesababisha hasara nyingi sawa na nguvu ya bomu ya kinyuklia jinsi ilivyotokea mwaka 1908 huko Tunguska. ^[1]

2012 DA₁₄ ilipita karibu na dunia tarehe 15 Februari 2013 kwa umbali wa kilomita 27,700 yaani ndani ya obiti ya Mwezi na hata ndani ya obiti ya satelaiti za mawasiliano. ^[2]

Jinsi ilivyotabiriwa na wataalamu iilipita salama bila hatari ya muanguka chini na kugonga dunia. Hata hivyo mpito wake ulikuwa mpito wa karibu kabisa wa gimba lenye ukubwa wake ulioweza kupimwa..

Mpito ujao wa karibu utatokea mwaka 2046 lakini unatabiriwa kuwa na umbali zaidi kuliko mwaka 2013.

• Gimba la kukaribia dunia

1. ↑ I. Wlodarczy: The potentially dangerous asteroid 2012 DA14. Monthly Notices of the Royal Astronomical Society. Volume 427, Issue 2, kurasa 1175–1181, December 2012. Nukuu: For H = 24.377 and an albedo of 0.20 for S-type and 0.04 for C-type asteroids, we find the diameter of 2012 DA14 to be between 40 and 89 m, respectively. The JPL NASA lists H = 24.377 and D = 45 m and the NEODyS lists H = 24.4 with 30 < D < 80 m, respectively, for an albedo of 0.15. doi:10.1111/j.1365-2966.2012.22034.x
2. ↑ "Nakala iliyohifadhiwa". Ilihifadhiwa kwenye nyaraka kutoka chanzo mnamo 2015-04-06. Iliwekwa mnamo 2013-02-17.

Wikimedia Commons ina media kuhusu:

2012 DA₁₄

• NASA: Eyes on the Solar System Asteroid 2012 DA14 Earth Flyby