Buundespräsident (Düütsklound)

Die Buundespräsident (düütsk:Bundespräsident) is dät Stoats-Upperhaud fon ju Buundesrepublik Düütsklound. Hie wäd fon ju Buundesfersammelenge ap fieuw Jiere kädden un kon insen wier kädden wäide.

Die Buundespräsident is in eerste Linie repräsentativ - man hie häd uk dät Gjucht un ju Plicht, politisk tou honneljen: Hie ferträt ju Buundesrepublik foulkegjuchtelk un rakt diplomoatiske Fertreedere Fulmoacht. Buppedät moaket hie do Buundes-Wätte (Bundesgesetze) bekoand, do hie in't Foaren formoal pröiwje duur, of do ju Ferfoatenge äntspreeke. Die Buundespräsident häd dät Begnoadigengsgjucht fon dän Buund.

Wät die Buundespräsident uurs noch däd:

• Foarsloon fon dän Buundeskanzler tou'e Köär un sien Benaamenge of Äntläitenge ap Foarsleek fon dän Buundesdai.
• Benaamenge un Äntläitenge fon Buundesministere ap Foarsleek fon dän Buundeskanzler
• Benaamenge un Äntläitenge fon Buundesgjuchtere, Buundes-Amtsljuude, Offisiere un Unneroffisiere, wan Ounoardengen un Ferföigengen niks uur bestimme.

1. 1949-1959: Theodor Heuss
2. 1959-1969: Heinrich Lübke
3. 1969-1974: Gustav Heinemann
4. 1974-1979: Walter Scheel
5. 1979-1984: Karl Carstens
6. 1984-1994: Richard von Weizsäcker
7. 1994-1999: Roman Herzog
8. 1999-2004: Johannes Rau
9. 2004-2010: Horst Köhler
10. 2010-2012: Christian Wulff
11. 2012-2015: Joachim Gauck
12. 2017-...: Frank-Walter Steinmeier

• [1]