Tupac Shakur

Tupac Amaru Shakur (Inglis pronunciation: [ˈtuːpɑːk əˈmɑɹuː ʃəˈkʊə]; born Lesane Parish Crooks, 16 Juin 1971 – deed 13 September 1996), kent bi his stage names 2Pac an briefly as Makaveli an aw, wis a American rapper an actor.^[1] Shakur haes sauld ower 75 million albums warldwide as o 2010,^[2] makkin him ane o the best-sellin muisic airtists in the warld. MTV rankit him at nummer twa on thair eet o The Greatest MCs of All Time an Rolling Stone namit him the 86t Greatest Artist of All Time.^[3] His dooble disc album All Eyez on Me is ane o the best sellin hip hop albums o aw time.

Shakur began his career as a roadie, backup dancer, an MC for the alternative hip hop group Digital Underground, eventually branchin aff as a solo airtist.^[4][5][6] The themes o maist o Shakur's sangs revolvit aroond the violence an hardship in inner ceeties, racism an ither social problems. Baith o his parents an several ither o his faimily wur members o the Black Panther Pairty, whose ideals wur reflectit in his sangs.

Durin the latter pairt o his career, Shakur wis a vocal participant in the sae-cried East Coast–Wast Coast hip hop rivalry, becomin involvit in conflicts wi ither rappers, producers an record-label staff members, maist notably The Notorious B.I.G. an his label Bad Boy Records.^[7]

On 7 September 1996, Shakur wis shot multiple times in a drive-by shuitin at the intersection o Flamingo Road an Koval Lane in Las Vegas, Nevada.^[8] He wis taken tae the University Medical Center of Southern Nevada, whaur he dee'd sax days later.^[9]