Santa Francisca Rumana

Francisca Rumana (Roma 1384 - Roma 9 di marzu 1440) fu na riligiusa taliana, funnatrici da Cumunità di l’Oblati Ulivitani di Santa Maria Nova, ditti di Turri di Specchi.

Nasciu a Roma ntô 1384 dâ Famigha Bussa di Liuni e chiamata “Ciccitedda“. Si vuleva fari monaca, ma so patri e so matri la ficiru maritari cu Larenzu di Punziani a tridici anni. Ebbi tri fighi ma dui mureru di pesti. Si didicò ê puvureddi, vinnennu li beni di famigha, zappannu la campagna pi prucuràrisi frutta e virdura, dannu tanta limosina, tantu di essiri chiamata “la puvuredda di Trasteviri “. Funnò la Cungrigazioni di l’Oblati Ulivitani di Santa Maria Nova, ditti di Turri di Specchi, aggregata all’Ordini Binidittunu.

Cuntinuò a stari ntô Palazzu Ponziani, ma viveva comu na monaca e si detti lu secunnu nomu di Romana. No 1436 lassò la so casa e stetti nò Cummentu di Turri di Specchi. ’Nsignau e monachi a fari unguenti e ‘mpiastri pî malati e li firiti e ancora oj si fa no stissu ricipienti ca usava idda. Muriu lu 9 di marzu 1440 e fu sippilluta sutta l’altari da Cresia di Santa Maria Nova, ca poi pigghiò lu so nomi. Fu fatta Santa du Papa Paulu V e Urbanu VIII vosi fari custruiri na Cresia una statua d’idda cu l’Ancilu Custodi ca l’assistiu pi tutta a vita. E’ la Santa Patruna di Roma doppu i Santi Petru e Paulu.

Lu corpu è sarvatu ntâ Cripta du XV seculu da Cresia ntitulata â Santa a Roma.

• Roma segreta