Нагорный Карабах (република)

Невызнаный штат

Република Нагорный Карабах арм. Լեռնային Ղարաբաղի Հանրապետություն Արցախի Հանրապետություն
Застава и герб
Розлога	3170[1]
Обывательство	150 932[2] (2015)
Столиця	Степанакерт
ГДП на особу	$3282 (2017)
Часова зона	UTC+4
Телефонный код	+37447
Република Нагорный Карабах на Викискладѣ

Република Наго́рный Караба́х (арм. Լեռնային Ղարաբաղի Հանրապետություն), инша тотожна официална назва — Република Арца́х (арм. Արցախի Հանրապետություն) — невызнаный штат на Южном Кавказѣ.^[3] Главный город — Степанакерт. Форма влады — президентска република.

Од року 1805 (а дефинитивно од 1813) Карабахске ханство было под владов Российской империи. По револуции 1917 националисты, подтриманы заграничнов интервенциев, спровоковали меджиетничны конфликты. Совѣтска влада, установлена в Карабаху в маю 1920, рѣшила проблему так, же 7. юла 1923 створила Нагорнокарабашску автономну область (НКАО) на територии Азербайджанской ССР. Отдѣлена од Арменской ССР на западѣ Карабахскым гребеньом, НКАО так ся стала меншинсков енклавов вдну Азербайджана и спокойно ся розвивала за многы десятьроча совѣтской влады. Але в року 1988 етничны Армены Нагорного Карабаха имили ся агитовати за передачу своей области под юрисдикцию Армении, против чого остро выступили як Азербайджанска ССР, так и централна влада СССР. По роспадѣ Совѣтской Унии в року 1991 конфликт ся выострив на войну, и карабашскы Армены, подтриманы силами Армении заяли векшу часть юго-западного Азербайджана, включно з териториов меджи енклавов и границями Армении. Наступны перегваряня — патроном котрых была Российска Федерация и мала быти так звана «Минска група», што наконець не была реализована — досягли лем догоду о перестанку стрѣляня в року 1994, котра, в основѣ, ся дотримовала. Але далшы догваряня ся компликовали тым, же самовыглашена в року 1992 независима Република Нагорный Карабах реализовала даколько независимых выберанок и референдум в року 2006, на котром была прията новая конштитуция. Азербайджан тоты поступы поважовав незаконныма подля меджинародного права, а независимость самовыглашеного енклавного штату не достала меджинародне вызнаня.^[3]

28 сентября 2023 года глава Нагорнаго Карабаха ​Самвелъ Шахраманянъ подписалъ указъ о прекращеніи существованія Нагорно-Карабахской Республики съ 1 января 2024 года.

До року 2020 границѣ Арцаху прилѣгали ку юговыходной граници Армении и сѣверной граници Ирану, днесь але Арцах лем енклава вдну Азербайджану, з Армениев споена узкым Лачинскым коридором, контролованым войсковым контингентом Российской Федерации. Зоз даколишных cca 11 450 km², што были под контролов Републикы Арцах, з ей територии зостали лем cca 3170 km²^[1]. Перестала екзистовати 20. септембер 2023

• "Nagorno-Karabakh". Encyclopedia Britannica. 12 Nov. 2020. https://www.britannica.com/place/Nagorno-Karabakh. [перевірено 12 July 2022]. англ.
• Трёшников А.Ф., ред.. Географический энциклопедический словарь: Географические названия. /Гл. ред. А. Ф. Трёшников. (2-е изд., доп. ed.). Москва: Сов. энциклопедия, 1989.— 592 с. C. 584. ISBN 5-85270-057-6. русс.