Nantes

Nantes a l'é na sità fransèisa con sirca 270.000 abitant e a l'é la capital dël dipartiment ëd Lòira-Atlàntich e dla region Pais ëd la Lòira, an Fransa, postà a 50 km da l'Océan Atlàntich. A l'é la sesta sità dla Fransa për popolassion. Soa popolassion metropolitan-a a l'é sirca 804.833 abitant (stima dël 2008). A l'é un pòrt a la surtìa dla Lòira.

Ant ël 2004, l'arvista Time a dëscrivìa Nantes com la "sità con pi vita an Euròpa".

Nantes a l'é stàita capital dla tribù gàlica dij Namnetes fin a la conquista roman-a.

Da la fin dël sécol ch'a fa XVII e findi al 1848 la sità a l'ha prosperà con le deportassion negriere e ël comersi triangolar. Le nav a chitavo ël pòrt carià d'arme, ëd tëssù e ëd bibi e a partìo për l'Àfrica. Ambelelà le mërcansie a j'ero baratà con djë s-ciav ch'a j'ero deportà an Mérica e a j'Antile. Da 's viage le barche a portavo andré sùcher, cafè e coton.

Nantes anticament a l'era na gran sità dla Brëtagna prima d'esse capital dla Lòira-Atlàntich, e ëdcò se ël fransèis e ij dialèt dla lenga d'oïl a son pi dovrà, bon-a part dla popolassion a vorerìa amparé e pratiché ël breton.

Ël sìndich a l'é Patrick Rimbert (PS).

• Saarbrücken, Almagna
• Jacksonville, Stat Unì ëd Mérica
• Cardiff, Regn Unì
• Seattle , Stat Unì ëd Mérica
• Rio de Janeiro, Brasil
• Tbilisi, Geòrgia
• Recife, Brasil

• Edit ëd Nantes

• http://www.nantes.fr