Quilhas de nau
Las quilhas de nau que son un jòc originari de Bearn mes practicat tanben dens la Gasconha tanhenta (Lanas e Bigòrra), que s'i hè en essajar de har càder nau quilhas de hac de forma particulara (estretas aus dus caps, gròssas au mitan e hautas de 96 cm) dab ua bola de noguèr. Las quilhas que son apitadas sus un pitèth (tanben aperat pitèra). Que's hè ad aqueth jòc dens un endret aperat un quilhèr o un plantèr.
François Rabelais, dens lo son Gargantua que mentau "quilhas de Gasconha" amassadas per nau :
Icelluy ouvrans en certain lieu, signé, au dessus, d'un goubelet à l'entour duquel estoit escript en lettres Ethrusques : HIC BIBITUR, trouverent neuf flaccons en tel ordre qu'on assiet les quilles en Guascoigne, desquelz celluy qui au mylieu estoit couvroit un gros, gras, grand, gris, joly, petit, moisy livret, plus, mais non mieulx sentent que roses.
Las quilhas de nau que hon exportadas en America per la diaspòra bearnesa e que i avó un quilhèr a Buenos Aires[1]. En 1948 la Federacion Francesa de Quilhas que ho fondada a Ortès ; uei que hè partida de la Federacion Francesa de Bowling e de Jòcs de Quilhas.
