Gat de naviri
Un gat de naviri èra un gat embarcat sus un naviri. Son ròtle principau èra de caçar lei rosigaires que podián endamatjar l'estructura dau naviri (degradacion dei cordatges ò dei cablatges electrics, trauc dins la còca... etc.), devorar lo cargament ò lei resèrvas de provisions ò transmetre de malautiás a l'equipatge. Permetiá tanben de mantenir lo morau de l'equipatge, subretot en temps de guèrra. L'utilizacion de gats de naviri sembla d'aparéisser rapidament après la domesticacion dau gat e es atestada en Egipte Antica e en Fenicia. Son usatge demorèt frequent fins a la segonda mitat dau sègle XX, especialament au sen de la marina britanica qu'abandonèt aquela practica en 1975 solament.