Tore Reginiussen

	Tore Reginiussen
	;
Statsborgarskap	Noreg
Fødd	10. april 1986 (38 år); Alta
Yrke	fotballspelar
Høgd	181 centimeter
	Tore Reginiussen på Commons

Tore Reginiussen (fødd 10. april 1986) er ein norsk fotballspelar frå Alta som spelte 21 landskampar i tida 2008-14, og sidan 2012 har vore midtstoppar i Rosenborg Ballklubb.

Klubbspel

Reginiussen spelte på Alta IF i åra 2003-05. Etter at Alta rykte ned på tredje nivå, var han Tromsø-spelar i fire sesongar, 2006-09. Vinteren 2010 skreiv han kontrakt med den tyske storklubben Schalke 04. Han klarte ikkje å spele seg inn på det tyske laget, så våren 2011 var han atter å sjå i Tromsø-drakta.

I juni 2011 signerte Reginiussen for danske Odense Ballklub og eit tilhald som varte eitt år. Den 5. august 2012 vart han overført til Rosenborg BK i Trondheim. Her var han i 2015 med å vinne både serien og cupfinalen.

Landslagspel

Reginiussen debuterte på det norske landslaget 26. mars 2008 mot Montenegro. Fem månader seinare skåra han sitt fyrste landslagsmål i ein privatlandskamp mot Irland som enda 1-1. I sin tiande landskamp vart han matchvinnar då han skåra det einaste målet i kampen mot Thailand i Bangkok, 18. mars 2012. Han var landslagskaptein i sine to siste landskampar, begge spelt i Abu Dhabi i januar 2014 og mot høvesvis Moldova og Polen.

Merittar

Seriemeister: 2015 med Rosenborg BK
Noregsmeister: 2015 med Rosenborg BK

Kjelder

eu-football