Stromness

Stromness
skotsk-gælisk	Strumis
Stromness
Plassering
Styresmakter
Land	Storbritannia
Konstituerande land	Skottland
Region	Orknøyane
Tradisjonelt grevskap	Orknøyane
Geografi
Innbyggjarar  - By (2001)	2 200
Koordinatar	58°58′N 3°18′W / 58.967°N 3.300°W / 58.967; -3.300
Diverse annan informasjon
Postnummer	KW16
Telefon-retningsnummer	0 1856
Commons har multimedium som gjeld: Stromness

Stromness er den nest største byen i han skotske øygruppa Orknøyane, med 2 000 innbyggjarar og ligg sørvest på den største øya Mainland. Byen fekk status som burgh i 1620 og har ferjesamband til Scrabster på det skotske fastlandet.

Namnet Stromness kjem frå det norrøne namnet Straumrnes. På 1300-talet omtalar kjelder staden som Strumnay. Namnet Stromness dukkar opp for første gongen i 1544.

Forfattaren George Mackay Brown blei fødd og budde mesteparten av livet i Stromness.

Orknøyingane si saga fortel at i september 1152 tok jarl Harald Maddadsson tilflukt for fetteren sin Erlend Haraldsson og Svein Asleivsson i festninga Castle Cairston ved Straumnes (Stromness). To år seinare var tilhøvet snudd og Erlend vart drepen.

Stromness hadde gode tider på 1600- og 1700-talet, då byen vart ein stoppestad for handelsskipa på veg frå den nye verda.

Krigane mellom England og Frankrike gjorde at ferdsel i Den engelske kanalen var knytt til stor risiko, og mange skip la om ruta til nord for Skottland og brukte Stromness som stoppestad.

Stromness var eit sentralt punkt for Hudson Bay Company, som i 1670 avgjorde seg for å ha staden som siste stopp på veg til Canada og som første stopp på veg til Europa. Stromness hadde på det tidspunktet berre 13 hus. Dette markerte starten på ein langvarig oppgangsperiode.