Kanye West

Kanye West
Fødd	8. juni 1977 (47 år)
Fødestad	Atlanta
Fødenamn	Kanye Omari West
Alias	Yeezy, The Louis Vuitton Don, Saint Pablo
Opphav	USA
Aktiv	1996–
Sjanger	Hiphop, progressiv rap, pop, art pop, gospel, soul, moderne R&B, pop rap, chipmunk soul, urban contemporary
Instrument	vokal, sampler, tangentinstrument, Trommemaskin
Plateselskap	GOOD Music, Roc-A-Fella Records, Def Jam Recordings, YZY, The Island Def Jam Music Group
Verka som	rappar, musikkprodusent, songar, låtskrivar, motedesigner, regissør, gründer, forretningsdrivande
Mor	Donda West
Far	Ray West
Gift med	Kim Kardashian
Sambuar med	Amber Rose, Kim Kardashian, Julia Fox, Irina Shayk, Selita Ebanks, Angela Martini, Bianca Censori
Born	North West, Saint West, Chicago West, Psalm West
Prisar	BET Award for Best New Artist, BET Award for Best Male Hip-Hop Artist, BET Award for Video of the Year, BET Award for Video of the Year, BET Award for Best Group, Billboard Music Award for Top Rap Artist, American Music Award for Favorite Rap/Hip-Hop Artist, American Music Award for Favorite Rap/Hip-Hop Album, Grammy Award for Best Rap Song, Grammy Award for Best Rap Album, Grammy Award for Best R&B Song, Grammy Award for Best Rap Song, Grammy Award for Best Rap Solo Performance, Grammy Award for Best Rap Album

Kanye West er ein amerikansk rappar, låtskrivar og produsent. Han er ein framståade hiphop-produsent som vart stor stjerne etter solodebuten i 2004. West har sidan debuten vore ein av dei mest framståande og mestseljande artistane internasjonalt.

West voks opp i Chicago-området og gjorde først karriere som produsent for r&b- og hiphop-artistar som Talib Kweli, Brandy, Ludacris, Mariah Carey, Alicia Keys, Janet Jackson og Jay-Z. Den første solosingelen hans «Through The Wire» (2003) handlar om ei nesten-fatal bilulukke som West var involvert i. Denne og dei endå større hitane «All Falls Down» og «Jesus Walks» er henta frå debutalbumet The College Dropout (2004). Late Registration (2005) vart ein kritikarrost storseljar verda over, takk vere hits som «Diamonds From Sierra Leone», «Gold Digger», «Heard 'Em Say» og «Touch the Sky». Kanye West står også bak suksessen til John Legend, som fekk sitt suksessalbum Get Lifted utgjeve på plateselskapet hans, GOOD Music. Albumet Graduation (2007) gav ham hits med «Stronger» og «Good Life», og 808s & Heartbreak (2008) med «Love Lockdown» og «Heartless».

I 2010 gav West ut sitt femte studioalbum, My Beautiful Dark Twisted Fantasy til særs gode kritikkar. Norske musikkjournalister kåra det til årets beste gjennom «Kritikertoppen 2010», og enkelte internasjonale kritikarar hevda at albumet var hans beste nokosinne. My Beautiful Dark Twisted Fantasy vart følgt opp året etter med Watch the Throne, som var eit samarbeid med rapparen og førebiletet Jay-Z. Albumet inneheldt mellom anna storhiten «Niggas in Paris».

I 2013 gav West ut sitt sjette studioalbum. Yeezus er hans mest omstridde album, med eit alternativt, mørkare og meir kompromisslaust lydbilete enn tidlegare. Tre år seinare vart The Life of Pablo gjeve ut eksklusivt på strøymingstenesta Tidal. Albumet, som er kalla opp etter Pablo Picasso, vart møtt med både lunkne og særs entusiastiske omtalar.

• The College Dropout (2004)
• Late Registration (2005)
• Graduation (2007)
• 808s & Heartbreak (2008)
• My Beautiful Dark Twisted Fantasy (2010)
• Watch the Throne (2011)
• Yeezus (2013)
• The Life of Pablo (2016)
• Ye (2018)
• Kids See Ghosts (2018)
• Donda (2021)

Kanye West er gift med realitykjendisen Kim Kardashian som han har tre barn saman med. Ekteparet er særleg mykje omtals i internasjonal sladrepresse.

• Jon Vidar Bergan og Audun Kjus Aahlin (13. september 2017). «Kanye West». Store norske leksikon. Henta 26. april 2018. 

• Offisiell nettstad
  Denne musikkartikkelen som har med USA å gjere, er ei spire. Du kan hjelpe Nynorsk Wikipedia gjennom å utvide han.