Jonathan Quarcoo

Jonathan Tetteh Quarcoo (fødd 13. oktober 1996) er ein norsk friidrettsutøvar fødd i Bodø. Han vart norsk meister på 200 meter i 2015, 2017 og 2018, dei to siste åra vann han NM-gull også på 100 meter. Quarcoo er medlem i FIK Orion.

Quarcoo fekk bronsemedaljen på 200 meter ved NM 2014, einast sju tidels sekund bakom vinnaren. Tidlegare i sesongen vart nordisk juniormeister på distansen. I 2015 vart han norsk meister på 200 meter, året etter kom han på andreplass i NM, veteranen Jaysuma Saidy Ndure sikra seg sitt siste NM-gull.

Både i 2017 og 2018 vart Quarcoo dobbelmeister i noregsmeisterskapen, han vann med tildels stor margin på 100 m så vel som 200 m. Den 15. juli 2017 sprang han i Bydgoszcz sitt livs beste løp, sette presonbeste på 200 meter med tida 20,39 sekund og vann gullmedaljen i U-EM. Knapt eitt år seinare presterte han også livsbeste på 100 meter då han på Bislett stadion kom i mål etter 10,22 sekund. Innandørs-sesongen 2018 vart han nordisk meister på 60 meter.

I 2019 plagast Quarcoo med skade og vart tredjemann på 100 m i noregsmeisterskapen. Han stod over heile 2020-sesongen, kom tilbake i tevling i 2021.

• World Athletics