Hellanditt

Hellanditt er eit gulbrunt mineral og krystalliserer monoklint. Det er skildra av W.C. Brøgger i 1903 frå ein granitt-pegmatitt på Lindvikskollen ved Kragerø i Telematk. Mineralet er seinare funne fleire stader i verda. Frå Noreg er mineralet påvist i Drag i Tysfjord i Nordland og Heftetjern-pegmatitten i Drangedal. Den kjemiske samansetjinga er komplisert; det er vesentleg eit borosilikat av kalsium og yttrium. (Ca,Y)₆(Al,Fe³⁺)Si₄B₄O₂₀(OH)₄.

Det er kalla opp etter geologen og politikaren Amund T. Helland.

• Hellanditt. (2012, 13. mars). I Store norske leksikon. Henta 14. februar 2014 frå http://snl.no/hellanditt.