Ferruccio Busoni

Ferruccio Busoni
Fødd	1. april 1866
Fødestad	Empoli
Død	27. juli 1924 (58 år)
Dødsstad	Berlin
Fødenamn	Dante Michelangelo Benvenuto Ferruccio Busoni
Opphav	Kongedømet Italia
Sjanger	opera
Instrument	piano
Verka som	komponist, pianist, dirigent, musikkforskar, musikkpedagog, musikkteoretikar, plateartist
Mor	Anna Weiss-Busoni
Far	Ferdinando Busoni
Gift med	Gerda Busoni
Prisar	Honorary Member of the International Society for Contemporary Music

Dante Michelangelo Benvenuto Ferruccio Busoni (1. april 1866–27. juli 1924) var ein kosmopolitisk komponist, pianist og pedagog. Han var verksam i Finland, USA, Sveits, Tyskland og fleire andre land.

Bussoni var fødd i Empoli i provinsen Firenze i Italia.

Busoni var ein av dei fremste representantane for den musikalske nyklassisismen, både musikalsk og teoretisk. Han grunnla ei eiga retning som han kalla Junge Klassizität. I det teoretiske skriftet Entwurf einer neuen Ästhetik der Tonkunst tek han for seg grunndraga i denne.

Busoni skreiv både dei teoretiske skriftene sine og librettoane til operaene sine på tysk, sjølv om italiensk var morsmålet hans.

Nokre av transkripsjonane hans av verka til store meister er blitt kalla «formidable» av kritikarar.

Busoni gifta seg i september 1890 med den svenskfødde pianisten Gerda Sjøstrand, som var dotter av bilethoggaren Carl Eneas Sjöstrand.

Han døydde i 1924 i Berlin.

• Die Brautwahl (1911)
• Turandot (1917)
• Arlecchino (1917)
• Doktor Faust, fullført av Philipp Jarnach (1925)

• Pianokonsert for piano, orkester og mannskor (1904)
• Turandot, suite for orkester (1904)

• Fantasia Contrappuntistica (1910) som delvis bygger på Johann Sebastian Bachs Kunst der Fuge
• Pianosonatine nr 6 (1920)
• Italiensk dagbok (Italienisches Tagebuch)

• Fritt tilgjengelege notar av Busoni ved International Music Score Library Project (IMSLP)