William Lassell

William Lassell (* 18. Juni 1799 in Bolton, Lancashire; † 5. Oktober 1880 in Maidenhead, Berkshire), weer en engelschen Astronom.

He keem ut finanziell good Verhältnissen un kunn sück dat leisten, sück ut rein Privatvergnögen mit de Astronomie to befaaten. He harr en sülvst baut, groot Privatsteernwacht bi Liverpool, mit sülvst baut Instrumenten.

Bekannt wurrn is he, as he 1847 de Neptunmaand Triton funnen hett. Een Johr later hett he to de sülvig Tiet as William Cranch Bond Hyperion opdeckt, wat en Maand vun Saturn is. 1851 hett he up Malta sien Beobachtungen wieder makt un denn de Uranus-Maanden Ariel un Umbriel opdeckt.

• Bertelsmann Lexikon Astronomie, 1993, ISBN 3-570-01612-9