Werner Maihofer

Werner Maihofer (* 20. Oktober 1918 in Konstanz; † 6. Oktober 2009^[1] in Bad Homburg) weer en düütsch Rechtswetenschpler, insbesünnere Straafrechtler un Rechtsphilosoph, as ok Politiker vun de (FDP). He weer van 1972 bit 1974 Bundsminister för sünnere Upgaaven un van 1974 bit 1978 Binnenminister vun Düütschland.

In sien Jöögd weer Maihofer Iesflinklöper un hörr 1936 bi de Olympisch Winterspelen to’n Kader vun Düütschland.^[2] Nah dat Abitur an de domaligen Zeppelin-Oberrealschool, dat hüüdig Alexander-von-Humboldt-Gymnasium Konstanz, 1937 hett he sien Arbeits- un Wehrdeenst afsolveert un nehm denn bit 1945 as Suldat an den Tweeten Weltkrieg deel.

Van 1946 bit 1950 hett he Rechtswetenschapen an de Albert-Ludwigs-Universität Freiburg studeert un wurr 1950 mit de Arbeit Der Handlungsbegriff im Verbrechenssystem to‘n Dr. iur. promoveert. 1953 hett he habiliteer (mit de Schrift Recht und Sein) un wurr 1955 to’n Perfesser in Saarbrücken beropen.

Maihofer leev in Bad Homburg vor der Höhe un later in Überlingen an‘ Bodensee. He weer Musikleevhaber un speel Geig un Bratsche. He wurr in Frankfort an’n Main begrabent.^[3]

Van 1955 bit 1969 harr he as ordentlich Perfesser den Lehrstohl för Rechts- un Sozialphilosophie, Straafrecht un Straafprozessrecht an de Universität vun dat Saarland in Saarbrücken inne. Van 1967 bit 1969 amteer he as Rektor vun disse Universität. 1970 is he an de Universität Builefeld wesselt un harr dor den Lehrstohl för Straafrecht, Straafprozessrecht, Rechtssoziologie, Rechtstheorie, Rechts- un Sozialphilosophie. Van 1982 bit 1988 weer he Präsident vun dat Europäisch Hochschoolinstitut in San Domenico di Fiesole (bi Florenz, Italien). An de Universität Konstanz harr he dorto noch en Honorarprofessur.^[4]

Siet 1969 weer Maihofer Liddmaat vun de FDP. As Vörsitter vun de FDP-Programmkommission af 1970 weer he neben Karl-Hermann Flach un Walter Scheel en vun de „Vaders“ vun de Freiburger Thesen. Van 1970 bit 1978 weer he buterdem Liddmaat vun dat Präsidium vun de FDP. Maihofer weer Liddmaat vun de Programmkommission vun de FDP van 1994 bit 1996 un hett dat Wiesbadener Programm, dat tweet Grundsatzprogramm vun de Partei, präägt. Van 1972 bit 1980 weer Maihofer Liddmaat vun den Düütschen Bundsdag. Nah de Bundsdagswahl 1972 wurr he an’ 15. Dezember 1972 as Bundsminister för besünnere Upgaaven in de vun Bundskanzler Willy Brandt führt Bundsregeeren beropen. Nah de Rückträe vun Willy Brandt nahdem Binnenminister Hans-Dietrich Genscher to’n Butenminister ernannt wurrn weer, wurr Maihofer nu in de vun Helmut Schmidt leit Bundsregeeren an‘ 16. Mai 1974 to’n Binnenminister vun Düütschland ernannt. In disse Funktschoon weer an an de Luuschaffäre Traube un anner illegale Aktivitäten vun den Bundsverfaatenschutz verwickelt.^[5] An’ 6. Juni 1978 is he vun sien Amt torüchtreden; dorbi hett he as Grund sien Verantwortung för en Fahndungspanne bi de Entführung vun Hanns Martin Schleyer in de so nömmt Düütsch Harvst 1977 angeven. He hett denn ok nich mehr för den nee’n Bundsdag kandideert.

• 1988: Grootkrüüz vun den Verdeenstoorden vun de Italieensch Republik
• 1989 Ehrensenator vun de Universität Builefeld^[6]
• 2009 Ehrendokter vun de Universität Builefeld, Fakultät für Rechtswissenschaft (Verleihung posthum)

• Die Freiburger Thesen der Liberalen (mit Karl-Hermann Flach und Walter Scheel), Rowohlt, Reinbek 1972, ISBN 3-499-11545-X
• Liberales Selbstverständnis heute, in: Politik und Kultur, Heft 3/1976, Seiten 3 ff., Colloquium Verlag Berlin, ISSN 0340 5869

1. ↑ IDW: Alt-Rektor der Universität des Saarlandes Professor Werner Maihofer verstorben, Meldung van‘ 20. Oktober 2009, afropen an‘ 22. Oktober 2009
2. ↑ Heribert Prantl: Im Zweifel für die Freiheit, in: Süddeutsche Zeitung, afropen an‘ 19. Oktober 2009
3. ↑ Früherer Innenminister Werner Maihofer ist tot, Spiegel-Online nah Agenturmeldungen van‘ 19. Oktober 2009, afropen an‘ 22. Oktober 2009
4. ↑ Dieter Löffler: Der Liberale vom Bodensee, in: Südkurier online van‘ 19. Oktober 2009, afropen an‘ 20. Oktober 2009
5. ↑ James G. Carr: Wiretapping in West Germany. In: The American Journal of Comparative Law. 29, Nr. 4, 1981, S. 607–645, S. 621.., 1981
6. ↑ http://ekvv.uni-bielefeld.de/blog/uniaktuell/entry/trauer_um_ehrensenator_professor_em Trauer um Ehrensenator Professor em. Dr. Dr. h.c. Werner Maihofer, Pressemitdeelen vun de Universität Builefeld van‘ 20. Oktober 2009, afropen an‘ 22. Oktober 2009

Werner Maihofer. Mehr Biller, Videos oder Audiodateien to’t Thema gifft dat bi Wikimedia Commons.

Ministers för sünnere Opgaven vun de Bundsrepubliek Düütschland

Waldemar Kraft/Hermann Schäfer/Franz Josef Strauß/Robert Tillmanns | Heinrich Krone | Ludger Westrick | Horst Ehmke | Egon Bahr/Werner Maihofer | Wolfgang Schäuble | Hans Klein | Rudolf Seiters | Sabine Bergmann-Pohl/Günther Krause/Lothar de Maizière/Rainer Ortleb/Günther Krause | Friedrich Bohl | Bodo Hombach | Thomas de Maizière | Ronald Pofalla | Peter Altmaier

 

Binnenministers vun de Bundsrepubliek Düütschland

Gustav Heinemann | Robert Lehr | Gerhard Schröder | Hermann Höcherl | Paul Lücke | Ernst Benda | Hans-Dietrich Genscher | Werner Maihofer | Gerhart Rudolf Baum | Jürgen Schmude | Friedrich Zimmermann | Wolfgang Schäuble | Rudolf Seiters | Manfred Kanther | Otto Schily | Wolfgang Schäuble | Thomas de Maizière | Hans-Peter Friedrich | Thomas de Maizière | Horst Seehofer