Helmuth James Graf von Moltke
Helmuth James Graf von Moltke (* 11. März 1907 in Creisau (Vun 1930 af an nee Schriefwies: Kreisau) bi Gräditz, Nedderslesien; † 23. Januar 1945 in Berlin-Plötzensee) weer en düütschen Grootbuur, Jurist un Strieder in den düütschen Wedderstand gegen Hitler.
He hett den Kreisauer Krink upmaakt un weer de Groot-groot-Bodersöhn vun Helmuth Karl Bernhardt Graf von Moltke, den Sieger in de Kriegen üm de düütsche Eenheit. Em höör dat Landgoot Kreisau in Slesien to. Siene Mudder Dorothy Rose Innes stamm ut Süüdafrika vun een Familie vun britisch Herkamen. Se weer de Dochter vun en vun de böversten Richters ut de Union vun Süüdafrika. Vunwegen sien Mitmaken bi den düütschen Wedderstand gegen Hitler un besunners bi den Anslag vun'n 20. Juli 1944 is he, kort vör dat Enn vun den Krieg, an’n 23. Januar 1945 vun de Natschonalsozialisten ümbröcht wurrn.
