Giacomo Rospigliosi
Giacomo oder Jacopo Rospigliosi (* 29. Dezember 1628 in Pistoia; † 2. Februar 1684) weer en italieensch röömsch-kathoolsch Kardinal.
Leven
[ännern | Bornkood ännern]He wurr in Pistoia as Söhn vun Camillo Rospigliosi un Lucrezia Cellesi boren un weer dormit de Bröer vun Kardinal Felice Rospigliosi, Neffe vun Giulio Rospigliosi (later Paapst Clemens IX.), Cousin vun Kardinal Carlo Agostino Fabroni, Unkel vun Kardinal Antonio Banchieri un Grootunkel vun Kardinal Flavio Chigi. He hett bi de Jesuiten in Salamanca studeert un sien Studium 1649 mit en Diplom in utroque jure afslooten.[1]
1643 gung he nah Rom un kehr later mit sien Unkel Giulio, de dormals päpstlicher Nuntius in dat Königriek Iberien weer, nah Spanien torüch. He wurr in diplomatisch Mission nah Paris un Flannern schickt un wurr in’n Dezember 1667 Präfekt vun dat Tribunal vun de Apostoolsch Signatur. In dat Konsistorium van’n 12. Dezember 1667 wurr he vun sien Unkel, de intüschen Paapst weer, to’n Kardinal nömmt, mit den Titel Kardinalpreester vun San Sisto, den he bit 1672 inneharr, as he Santi Giovanni e Paolo to sien Titulus wählen dee.[2]
1667 wurr he Arzpreester vun de Santa Maria Maggiore, en Amt, dat he bit to sien Dood bekleeden dee. He deen ok as Gouverneur vun Fermo, Tivoli un Capranica un weer van 1668 bit 1680 an Avignon bunnen. He hett an de päpstlich Konklaven 1669–70 un 1676 deelnommen. 1680 wurr he Camerlengo vun dat Kardinalskollegium. He is in Rom storven un wurr in de Basilika Santa Maria Maggiore bisett.[1]
Enkeld Nahwiesen
[ännern | Bornkood ännern]- ↑ a b Giacomo Cardinal Rospigliosi [Catholic-Hierarchy]. Afropen an’n 15. November 2021.
- ↑ rx042. Afropen an’n 15. November 2021.