Drievhuus

Bi en Drievhuus oder Glashuus hannelt sik dat um en Konstruktschoon, wo Licht dörlaten warrt, un de dat mööglich maakt, Planten dor unner Schuul in to paten un to telen. Vörmols weern Drievhüser mit Glas indeckt, man hüdigendags weert faken dörsichtige Platen ut Kunststoff oder ok Kunststofffolien bruukt. Dör den Drievhuuseffekt is de Temperatur dor höger in, as umto an’e Luft. Todem weert de Planten bewohrt vör bannigen Wind un Nedderslag. Dör dat Regeln vun Temperatur un unnerscheedliche Togave vun Water kann dat Klima in en Drievhuus stüert weern. Vundeswegen is dat mööglich, bi’n Anbo vun sunnerliche Planten dor dat optimale Umto hertostellen, so datt se allerbest wassen un Frucht dregen könnt. Ok is dat mööglich, bestimmte Planten in Gemarken antoboen, wo se normolerwiese nich angaht.

Drievhüser weert sunnerlich bruukt, um dor in’n Goornbo Planten to produzeern un to telen, man ok for de Forschung oder to’n Utstellen, as in’n Botaanschen Goorn, sünd se good to bruken.

• Friedrich Otto; Friedrich K. Schramm: Kurze Anleitung zum Bau der Gewächshäuser mit Angabe der inneren Einrichtung derselben u. der Construktion ihrer einzelnen Theile. Berlin 1826
• Ulrich Sachweh (Rutgever): Der Gärtner, Band 1, Grundlagen des Gartenbaues. 5. Uplage, Ulmer, Stuttgart 1984, 2001, ISBN 3-8001-1184-5, Abschnitt 3 „Gewächshäuser“, S. 509 ff.
• Eva Schumann, Gerhard Milicka: Das Kleingewächshaus – Technik und Nutzung. 4. Uplage, Ulmer-Verlag, Stuttgart 2014, ISBN 978-3-8001-8064-6
• Karla Krieger: gewächshäuser. Franckh-Kosmos, 2007, ISBN 978-3-440-11027-0
• Jörn Pinske: Gewächshäuser: der Praxis-Ratgeber. Materialien und Bauformen, Einrichtung und Technik, Praxis rund ums Jahr. blv, München 2005, ISBN 3-405-16835-X
• Christian von Zabeltitz: Gewächshäuser: Planung und Bau. 65 Tabellen, 2., neubearb. und erw. Aufl., Ulmer-Verlag, Stuttgart 1986, ISBN 978-3-8001-5130-1

Drievhuus. Mehr Biller, Videos oder Audiodateien to’t Thema gifft dat bi Wikimedia Commons.