Bataver
De Bataver (latiensch Batavi, old aber ok Batavier) weern en Volksstamm vun de Germanen. Sie hebbt sück nah Striedereen vun de Chatten trennt un sück denn um etwa 50 v. Chr., an de Rhienmünnen, in de röömsch Provinz Belgica ansiedelt. In dat Johr 12 v. Chr. wurrn se vun de Römer ünner Drusus ünnerworfen un gelln van dor of an as trüe Bundsgenossen, mit en Utnahm: de Bataverupstand ünner Iulius Civilis in dat Johr 69 n. Chr. In disse Tosommenhang gelung dat de Germanen eerstmals en röömsch Legionslager, dat Castra Vetera bi Xanten to erobern. Eerst nah de Upstand van 69/70 n. Chr. erfolg de Inrichtung vun en civitas Batavorum, welker in de Nahfolge vun dat oppidum Batavodurum siet Trajan de röömsch Militärstüttpunkt Ulpia Noviomagus Batavorum, dat hüdige Nimwegen, weer. In dat 4. Johrhunnert gungen de intüschen romaniseert Bataver in de Franken up.
De Bataver weern as good Rieder un Schwemmer bekannt un hebbt sück dör Moot un Düchtigkeit uttekent. Se stellten en Deel vun de kaiserlich Leibwache in Rom.
Batavia is en fröhere latiensch Naam för de hüdige Nedderlannen. Die Nedderländer sülvst hebbt de hüdige Hööftstadt vun Indonesien, Jakarta, to hör Kolonialtiet toeerst ok Batavia nömmt.
De an dat „natt Deel“ vun de räätsche Limes in dat 1. Johrhunnert statschoneert Bataver-Cohorte gellt hüüd as Naamsgeeverin för de Stadt Passau.