USB
Universal Serial Bus (USB) is en industrystandaard vöär kabels, konnektoren en protokollen vöär verbindingen, kommunikaty en ströymanvoor (interfacing) tüsken komputers, by-apparaten en andere komputers. Der sint vöäle verskillende ården van, med 14 verskillende ansluters. USB-C is de nyste variant.
De USB-standaard besteyt seyd 1996 en wördt beheyrd döär de USB Implementers Forum (USB-IF). De veer geslachten van USB-varianten sint: USB 1.x, USB 2.0, USB 3.x en USB4.
Standaardisaty
[bewark | bronkode bewarken]USB is bedoold üm de ansluting van by-apparaten en persöönlike komputers te versimpelen. Dat is sou wal vöär weadersydse kommunikaty as elektrisken kracht. Et hevt vöäle andere koppelingen vervüngen, sou as seriele en parallelle poarten. Et is de standaard wörden up ne groute verskeidenheid an apparaten, sou as tikplanken, müse, videokamera's, printers, mobile telefoons, harde skyven en netwarkadapters. USB-anslutingen vervanget ouk voordan vaker uplaadkabels vöär draegbåre apparaten.