Skakelketten

Nen schakelketten is ne beweagboare riege van mit mekare verbunden skakels, dee mangsmoal uut metaal bunt emaakt en mangs den vörm van nen ring hebt. Ketten bunt buugzoam moar toch starke verbindingen dee mangs veur sloten ebruukt wodt. Een ander bekend gebruuk is den ketten woarmet skeepsankers vastemaakt wodt. De skakels van skeepsketten hebt mangsmoal ne dwarsverbinding in et midden, um te veurkommen dat de skakels under invlood van den groten trekkraft op den ketten verbuugt en in dwarsrichting samendrökt wodt. Zie bunt achtvörmig.

De skakels van nen gewonen skakelketten steet loodrecht op de skakels woarmet zie verbunden bunt. Deur biezundere vörme te bruuken, bi-jveurbeeld deur de skakels nen kwartslag te tordeern, komt alle skakels in nen gelieken staand te liggen, wat nen halsketten 'n mooier anzeen gif. Veur kettenandrievingen wodt ok bi-jzunder evörmde skakels bruukt.