Струмица (река)

Струмица
Местоположба
Држава	Македонија Бугарија
Физички особености
Извор
• место	Плачковица
Устие	Струма
• место	кај Митино, Бугарија
Должина	114 км
Особености на сливот
Течение	Струма→ Егејско Море

Струмица, Струмешница или Стара Река — река која се наоѓа во југоисточниот дел на Република Македонија и потоа со своето корито навлегува во Република Бугарија каде се влева како десна притока на реката Струма.

Должината на реката е 114 км, од кои 81 на територијата на Република Македонија и 33 на територијата на Република Бугарија. Оваа река претставува и најголемата притока на Струма.

Струмица е десна притока на реката Струма, и има должината од 114 км, од кои 81 км од нејзиното течение се во Македонија, а 33 во Бугарија. Вкупната површина на сливот изнесува 1465 км², со просечен пад од 18‰. Реката ги одводнува јужните падини на планините Плачковица и Огражден, североисточните падини на планината Смрдеш и северните делови на планината Беласица, како и Радовишкото и Струмичкото поле и југозападниот дел на Петричко-санданската котлина.

Река Струмица извира под името „Стара Река“ на планината Плачковица, на надморска височина од 1346 м. До градот Радовиш тече на југ по длабока долина, потоа кај градот излегува од планината, свртува југоисточно и влегува во Радовишкото поле, а потоа на околу 10 км - кај Струмичкото поле постепенно свртува на исток држејќи ја оваа насока сè до нејзиниот влив. По граничниот премин Ново Село навлегува во бугарска територија откако тече во широка и плитка долина со многу меандри. Минува на околу 2 км северно од градот Петрич и се влева од десно во реката Струма, на 93 м надморска височина, на 2 км североисточно од селото Митино. Речиси по целиот тек во Струмичкото поле во Македонија и Петричкото поле во Бугарија коритото и е коригирано со насипи за заштита на вода.

Границите на сливното подрачје се следните:

• на југозапад, запад, север и североисток – со сливот на реката Вардар, која се влева во Егејско Море;
• на север – со сливовите на реките Лебница и Рибник, десни притоки на Струма;
• на југ – со сливните подрачја на малите десни притоки на реката Струма, кои течат јужно од планината Беласица.

По течението на реката таа минува низ 12 населени места, од кои во Македонија – 9 населени места, 1 град и 8 села, а во Бугарија – 3 села.

Македонија

• Општина Радовиш – Радовиш;
• Општина Василево – Василево;
• Општина Струмица – Добрејци, Просениково, Дабиље, Босилово, Еднокукево, Турново;
• Општина Ново Село – Ново Коњарево;

Бугарија

• Област Благоевград

• Општина Петрич – Струмешница, Првомај, Митино.

Притоки: → лева притока, ← десна притока

Во реката живеат следниве видови риби: лин, кефал, мрена, скобар, штука и други.

Реката Струмица е од непроценливо значење за земјоделството во Радовишкото, Струмичкото и Петричкото поле, бидејќи поголемиот дел од водите на реката се користат за наводнување во жешките летни месеци.

• Струмица — истоимен град во Македонија

п р у Плачковица Врвови Лисец  (1.754)  • Чупино  (1.725)  • Бел Камен  (1.707)  • Црквиште  (1.700)  • Кара Тепе  (1.625)  • Мамутица  (1.605)  • Туртел  (1.603)  • Мали Лисец  (1.574)  • Кара Таш  (1.572)  • Бела Бука  (1.424)  • Алтитекне  (1.411)  • Побиен Камен  (1.407)  • Сариташ  (1.385) Реки Струмица  • Осојница  • Виничка Река  • Радовишка Река  • Градечка Река  • Блатешница  • Видовишка Река  • Морошка Река  • Зрновска Река  • Селска Река  • Смиланска Река  • Мемишка Река  • Лумија Превои/Преслапи Момин Преслап  (1.514) Пештери Голема Пештера  • Ќуп  • Ајдучка Пештера  • Туртел  • Понор Кањони Зрновка  • Камник  • Козјак Туризам Планинарски дом „Вртешка“  • Виничко Кале Рудници Рудник „Бучим“  • Рудник „Дамјан“ Градови Штип  • Кочани  • Виница  • Радовиш