Syahrir

Sjahrir
Berkas:Dr Sjahrir.jpg
Lahia	24 Februari 1945 Kudus, Jawa Tengah (maso pandudukan Japang)
Maningga	28 Juli 2008 (umua 63) Singapura
Kabangsaan	Indonesia
Namo lain	Ciil
Alma mater	- Universitas Indonesia, Jakarta - Universitas Harvard, Amerika Serikat
Karojo	Panggiat, ekonom, politisi
Dikana dek	Tokoh Malari
Pasangan	Kartini Panjaitan
Anak	Pandu jo Gita
Urang tuo	Ma’amoen Al Rasyid (ayah) Roesma Malik (ibu)

Dr. Sjahrir (lahia di Kudus, Jawa Tengah, 24 Februari 1945 – maningga di Singapura, 28 Juli 2008 pado umua 63 taun) adolah surang panggiat, ekonom sarato politisi Indonesia. Sjahrir dikana sabagai salah surang mahasiswa nan dijebloskan ka panjaro katiko paristiwa Malari di Jakarta taun 1974. Sampai akhia hayatnyo Sjahrir manjabat anggota Dewan Patimbangan Presiden mambawahi bidang ekonomi nan rasmi dilantiak pado tanggal 11 April 2007.^[1].

Sjahrir manikah jo Kartini Panjaitan, surang doktor di bidang antropologi nan kini manjabat Duta Basa RI untuak Argentina, disampiang tu manjabat pulo sabagai Katua Asosiasi Antropologi Indonesia. Dari panikahan tu, pasangan Sjahrir-Kartini mandapek-an surang putra, Pandu, sarato surang putri, Gita.

Sjahrir lahia sabagai anak tungga dari pasangan Ma’amoen Al Rasyid jo Roesma Malik. Ayahnyo adolah pajabat pamarentah pado maso pamarentahan kolonial Balando, samantaro ibunyo adolah pagawai Inspektorat Pandidikan Wanita di Departemen Pandidikan. Walaupun barasa dari Koto Gadang, Agam, Sumatera Barat, kaluarga Sjahrir labiah banyak tingga di pulau Jawa; Kudus, Yogyakarta, Magelang, Surabaya, sarato di Jakarta.

• Profil di tokohindonesia.com Archived 2013-09-07 di Wayback Machine.
• Selamat Jalan Dr Sjahrir
• Tetap Kritis Meski Dekat Kekuasaan Archived 2013-06-13 di Wayback Machine.