Fanisana amin' ny teny malagasy

Ny fanisana amin' ny teny malagasy dia voanteny na andian-teny ampiasaina ho anaran' ny isa ao amin' ny fiteny malagasy. Amin' ny fitsipiteny dia atao hoe mpamaritra isa ireo voanteny sy andian-teny ireo. Ampiraisina amin' ny anarana ny mpamaritra isa mba hilazana ny isa na laharan' ny zavatra lazaina amin' io anarana io.

Ny isa manomboka amin' ny aotra ka hatramin' ny folo dia soratana amin' ny voanteny tokana, toy izany koa ny isa songatombon' ny folo (20, 30, ..., 90), ny songatombon' ny zato (200, 300, ..., 900), ny teny hoe arivo, alina, hetsy, tapitrisa, ary lavitrisa, ankoatry ny hafa.

Inty ny lisitry ny isa soratana amin' ny voanteny tokana fampiasa matetika, izany hoe sady tsy misy tsipi-panohizana no tsy misy faingo mihantona: aotra (0), zerô (0), iray (1), iraika (1), roa (2), telo (3), efatra (4), dimy (5), enina (6), fito (7), valo (8), sivy (9), folo (10), roapolo (20), telopolo (30), efapolo (40), dimampolo (50), enimpolo (60), fitopolo (70), valopolo (80), sivifolo (90), zato (100), roanjato (200), telonjato (300), efajato (400), dimanjato (500), eninjato (600), fitonjato (700), valonjato (800), sivanjato (900), arivo (1 000), alina (10 000), hetsy (100 000), tapitrisa (1 000 000), lavitrisa (1 000 000 000)^[1].

Inty ny lisitry ny isa soratana amin' ny voanteny tokana (sady tsy misy tsipi-panohizana no tsy misy faingo mihantona), izay tsy tena ampiasaina amin' ny fiteny andavanandro: alina (10 000), hetsy (100 000), tapitrisa (1 000 000), safatsiroa (10 000 000), tsitamboisa (100 000 000), lavitrisa (1 000 000 000), alinkisa (10 000 000 000), tsipesimpesenina (100 000 000 000), tsitokotsiforohana (1 000 000 000 000), tsihitanoanoa (10 000 000 000 000).

Ny isa mihiatra ny folo ka hatramin'ny latsaky ny roapolo (11 -- 19) dia soratana amin' ny fanombohana amin' ny venty, arahin' ny teny hoe "ambin' ny", avy eo amin' ny teny hoe "folo": iraika ambin' ny folo (11), roa ambin' ny folo (12), telo ambin' ny folo (13), efatra ambin' ny folo (14), dimy ambin' ny folo (15), enina ambin' ny folo (16), fito ambin' ny folo (17), valo ambin' ny folo (18), ary sivy ambin' ny folo (19).

Ny isa ankoatr' ireo etsy aloha ireo dia soratana amin' ny fanombohana amin' ny venty (iraika ... sivy), arahin' ny teny hoe "amby", ary ny ampolony (ohatra: efatra amby telopolo (34), fito amby efapolo (47).

Ny isa mihoatra ny zato dia soratana amin' ny fanombohana amin' ny venty, mitohy amin' ny isa lehibe kokoa, amin' ny fampifandraisana ny venty, ny ampolony, ny anjatony,amin' ny teny hoe "amby" (hatramin' ny 999), ohatra: ohatra: sivy amby telopolo amby roanjato (239). Ny isa lehibe kokoa noho ireo dia atohy amin' ny alalan' ny teny hoe "sy" (ohatra: dimy amby sivifolo sy efajato sy fito arivo (7 495).

Ny songatombon' ny arivo dia soratana amin' ny fanombohana amin' ny isan' ny arivo avy eo ny teny hoe "arivo"; ohatra: roa arivo (2 000), telo arivo (3 000), efatra arivo (4 000), dimy arivo (5 000), ..., sivy arivo (9 000). Toy izany koa ny songatombon' ny alina, ohatra: roa alina (20 000), telo alina (30 000), efatra alina (40 000), ..., sivy alina (90 000). Toy izany koa ny songatombon' ny hetsy, ohatra: roa hetsy (200 000), telo hetsy (300 000), efatra hetsy (400 000), ..., sivy hetsy (900 000). Toy izany koa ny songatombon' ny tapitrisa; ohatra: roa tapitrisa (2 000 000), telo tapitrisa (3 000 000), efatra tapitrisa (4 000 000), ..., sivy tapitrisa (9 000 000). Toy izany koa ny songatombon' ny lavitrisa; ohatra: roa lavitrisa (2 000 000 000), telo lavitrisa (3 000 000 000), efatra lavitrisa(4 000 000 000), ..., sivy lavitrisa (9 000 000 000) sns.

Inty ny famintinana famintinana ny anaran' ny isa fototra amin' ny teny malagasy:

• Isa
• Fitsipiteny malagasy

1. ↑ Misy ny mihevitra fa tsy mihoatra ny "tapitrisa", hono, ny voanteny tokana ampiasaina amin' ny fiteny malagasy ho enti-manisa, koa noho izany, amin' izy ireo dia tsy misy ny hoe "lavitrisa" sy ny ambonin' izany.