Alministrador
Los alministradores (tamién llamaos sysops, o bibliotecarios) son usuarios cola capacidá técnica pa:
- desaniciar y desfacer desanicios de páxines, y ver revisiones desaniciaes de les páxines;
- bloquiar y desbloquiar usuarios, direiciones IP individuales, y rangos de direiciones IP;
- protexer y desprotexer páxines, y editar páxines protexíes;
- editar la interfaz (espaciu de nomes MediaWiki) y los ficheros de configuración del usuariu;
- importar páxines d'otres Wikipedies;
- facer otres funciones rellacionaes col mantenimientu téunicu;
- amestar y desaniciar usuarios de ciertos grupos d'usuarios, como rollback, excluíu de bloquéu d'IP o flooder.
Los alministradores puen facer estes aiciones namái nuna wiki na que tengan concedía la alministración.
El rol y perspeutives de los alministradores, igual que les polítiques sobro'l so comportamientu, son enforma variables ente los diferentes proyeutos. Mentanto que los alministradores tienen mayor capacidá téunica que los usuarios ordinarios, esto nun tien de confundise cola autoridá, que ganase por separáu y que da la comunidá. Seique dalgunos sitios wiki nun tengan adoptaes polítiques escrites pa los alministradores o candidatos a la alministración. De vezu esto debese a un númberu pequeñu d'usuarios y actividaes.
Dalgunos proyeutos usen nomes diferentes pa los alministradores. Por exemplu, la Uiquiversidá n'inglés usa lo que se traduz como "custodiu", mentanto que la Uiquipedia n'asturianu usa "bibliotecariu".
Toles aiciones "alministratives" queden rexistraes y son reversibles por cualquier otru alministrador. El mesmu principio aplicase a tolos permisos especiales de MediaWiki, anque dalgunos nun queden rexistraos de mou públicu: vea por exemplu checkusers, que tien d'haber polo menos un par en cada proyeutu de Wikimedia pa controlase mutuamente. Esto fai que la so actividá tea vixilada de cerca pola comunidá ensembre. En particular, ye comparable col ius intercessionis o col veto de los cónsules de Roma: un sistema intrínsecu d'aición por consensu, control recíprocu, y prevención d'abusos. La so dexeneración, cuando'l sistema falla en prevenir l'abusu y esos poderes tienen d'exercitase realmente (múltiples veces) pa revertir una aición anterior, ye la llamada wheel war.
Administrators are subject to the global admin activity review policy, which stipulates that their rights may be removed if inactive for more than two years.
Ver tamién
- Administrators of Wikimedia projects
- Meta:Alministradores – alministradores en Meta
- mw:Manual:Administrators – pa informacion tocante a la designación "Alministrador" dientro del software MediaWiki, pa usuarios de proyeutos MediaWiki que nun formen parte de la Fundación Wikimedia