Cockpit

Dit artikel is gesjreve (of begós) in 't Oeals. Laes hie wie v'r mit de versjillende saorte Limburgs ómgaon.

De cockpit, ouch waal sjtuurhut genumpdj, is 't "kantoor" van'ne vleegers, de gezagveurder en copiloot, en soms ouch nog eine tweede officeer. Onger de vleegers sjtuitj de cockpit ouch waal bekindj onger de naam "'t hoogste en sjoonste kanteurke ter waereld". In'ne cockpit bevinje zich alle middele om 't vleegtuug in'ne loch te bringe, te haaje en weer veilig op'pe grondj te zitte.

Väöl cockpits van deze tied höbbe vriejwaal gein maeterkes en sjakelaers meer. Dees zeen vervange door ein aantal LCD Liquid Crystal Display sjerme die alle neudige informasie teune. Dees generatie cockpits sjtuitj ouch waal bekindj onger de naam Glass Cockpit. Door 't inveure van ein Glass Cockpit zeen hongerde sjakelaers en teentalle maeterkes en lempkes vervange door een veer-, vief- of zestal sjerme. Door 't inboewe van'ne Glass Cockpit is de plaats van'ne baordwerktuigkundige euverbaojig en kinne de twee vleegers ein groot vleegtuug prima saame besjtuure.