Austin (Texas)

Dit artikel is gesjreve (of begós) in 't Ieëpesj. Laes hie wie v'r mit de versjillende saorte Limburgs ómgaon.

Austin is de hoofsjtad va de Amerikaanse sjtoat Texas. Dur wonde i 2005 ongevèr 790.000 luuj.

Dur zunt veul sjtudente i Austin, zoe is dur óch dur enorm groeëte hoofcampus va de Universiteit va Texas, mit wel 50.000 sjtudente. 't Is ing zemlich progressieve sjtad vur ing erg conservatieve sjtoat.

Dur wonne veul muzikante i Austin. Gikker joar is doa 't groeët muziekfestival South by Southwest.

Dur wielrenner Lance Armstrong, 't Sandro Bullock, dur acteur Matthew McConaughey en dur zanger/gitaris Stevie Ray Vaughan zunt bekènde luuj oet Austin.